'ಬಿಗ್ ಬಾಸ್ ಸೀಸನ್ 6' ಸ್ಪರ್ಧಿ ಧನರಾಜ್ ಈಗ ಏನ್ ಮಾಡ್ತಿದ್ದಾರೆ?

ಕನ್ನಡ ಕಿರುತೆರೆಯ ಅತೀ ದೊಡ್ಡ ರಿಯಾಲಿಟಿ ಶೋ 'ಬಿಗ್ ಬಾಸ್ ಸೀಸನ್ 6''ನ ಸ್ಪರ್ಧಿ ಧನರಾಜ್ ಈಗ ಏನು ಮಾಡ್ತಿದ್ದಾರೆ ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿ ಇರಬಹುದು.

ಸೌಮ್ಯ ಸ್ವಭಾವದ ಧನರಾಜ್ ಒಳ್ಳೆ ಹುಡುಗನಾಗಿ ಪ್ರೇಕ್ಷಕರನ್ನು ಮಾತ್ರವಲ್ಲದೆ ಸಹ ಸ್ಪರ್ಧಿಗಳಿಗೂ ಇಷ್ಟವಾಗಿದ್ದರು. ಬಿಗ್ ಬಾಸ್ ಮನೆಯಲ್ಲಿದ್ದು ವೀಕ್ಷಕರನ್ನು ರಂಜಿಸಿದ್ದ ಧನು ಈಗ ಸಿನಿಮಾದ ಮೂಲಕ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ.

ಅಂದ್ಹಾಗೆ, ಧನರಾಜ್ ಚಿನ್ನಾಗಿ ಮುತ್ತ ವಿಜಯ್ ರಾಘವೇಂದ್ರ ಅಭಿನಯದ 'ಮಾಲ್ಗುಡಿ ಡೇಸ್' ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇತ್ತೀಚಿಗಷ್ಟೆ ಧನರಾಜ್ ಗೆಳೆಯ ಶಶಿ ಕುಮಾರ್ 'ಕೌಸಲ್ಯಾ ಕಲ್ಯಾಣ' ಚಿತ್ರದಲ್ಲಿ ನಾಯಕನಾಗಿ ಕಾಣಿಸಿಕೊಂಡದಿದ್ರು. ಇದರ ಬೆನ್ನಲೆ ಈಗ ಧನರಾಜ್ ಕೂಡ ಸಿನಿಮಾ ಮಾಡುತ್ತಿದ್ದಾರೆ.

ಚಿತ್ರದ ಪ್ರಮುಖ ಪಾತ್ರದಲ್ಲಿ ಧನರಾಜ್ ಕಾಣಿಸಿಕೊಳ್ಳಲಿದ್ದಾರೆ. ಈಗಾಗಲೇ ಡಬ್ಬಿಂಗ್ ಮತ್ತು ನಟನೆಯಲ್ಲಿ ಅನುಭವವಿರುವ ಧನರಾಜ್ 'ಮಾಲ್ಗುಡಿ ಡೇಸ್' ಮೂಲಕ ಮತ್ತೊಮ್ಮೆ ಚಿತ್ರಪ್ರಿಯರನ್ನು ರಂಜಿಸಲಿದ್ದಾರೆ. 'ಮಾಲ್ಗುಡಿ ಡೇಸ್' ಕಿಶೋರ್ ಮೂಡಬಿದ್ರೆ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಸಿನಿಮಾ. ಹಳ್ಳಿ ಬ್ಯಾಕ್ ಡ್ರಾಪ್ ಇರುವ ಮಾಲ್ಗುಡಿ ಡೇಸ್ ಸದ್ಯ ತೀರ್ಥಹಳ್ಳಿಯ ಸುತ್ತ ಮುತ್ತ ಚಿತ್ರೀಕರಣ ಮಾಡುತ್ತಿದೆ.