Don't Miss!
- Finance mukesh ambaniಗೆ 67 ವರ್ಷ, ಅವರು ಹೊಂದಿರುವ ದುಬಾರಿ ವಸ್ತುಗಳು ಏನೇನು ಗೊತ್ತಾ?
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಕೆಜಿಎಫ್ 2', 'RRR' ಎರಡರ ಕಲೆಕ್ಷನ್ ಅನ್ನೂ ಒಂದೇ ವಾರಕ್ಕೆ ಹಿಂದಿಕ್ಕಿತು ಈ ಸಿನಿಮಾ!
ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಈ ವರ್ಷದ ಸಿನಿಮಾ 'ಕೆಜಿಎಫ್ 2'. ವಿಶ್ವದಾದ್ಯಂತ ಕಲೆಕ್ಷನ್ ಲೆಕ್ಕ ಹಾಕಿದರೆ 'ಕೆಜಿಎಫ್ 2' ಸಿನಿಮಾ ಸುಮಾರು 1500 ಕೋಟಿಗೂ ಹೆಚ್ಚು ಹಣ ಗಳಿಸಿದೆ ಎನ್ನಲಾಗುತ್ತಿದೆ.
ಗಳಿಕೆಯಲ್ಲಿ 'ಕೆಜಿಎಫ್ 2' ಸಿನಿಮಾದ ಬಳಿಕದ ಸ್ಥಾನ ಗಳಿಸಿರುವುದು ತೆಲುಗಿನ ಸೂಪರ್ ಹಿಟ್ ಸಿನಿಮಾ 'RRR'. ರಾಜಮೌಳಿ ನಿರ್ದೇಶಿಸಿ ಜೂ ಎನ್ಟಿಆರ್ ಹಾಗೂ ರಾಮ್ ಚರಣ್ ತೇಜ ನಟಿಸಿರುವ ಈ ಸಿನಿಮಾ ವಿಶ್ವದಾದ್ಯಂತ 1200 ಕೋಟಿಗೂ ಹೆಚ್ಚು ಹಣ ಗಳಿಸಿದೆ.
ಗಳಿಕೆಯಲ್ಲಿ ಈ ವರ್ಷ ದಾಖಲೆ ಬರೆದ ಎರಡು ಸಿನಿಮಾಗಳಿವು. ಇವುಗಳ ಬಳಿಕ ಇನ್ನಾವ ಸಿನಿಮಾವು 1000 ಕೋಟಿ ಕಲೆಕ್ಷನ್ ದಾಟಲು ಸಾಧ್ಯವಾಗಲಿಲ್ಲ. ಆದರೆ ಇದೀಗ ಹೊಸ ಸಿನಿಮಾ ಒಂದು ಬಂದಿದೆ. 'ಕೆಜಿಎಫ್ 2', 'RRR' ಎರಡೂ ಸಿನಿಮಾಗಳ ಕಲೆಕ್ಷನ್ ದಾಖಲೆಯನ್ನು ಒಂದೇ ವಾರದಲ್ಲಿ ಮುರಿದು ಬಿಸಾಡಿದೆ. ಆದರೆ ಇದು ಭಾರತದ ಸಿನಿಮಾ ಅಲ್ಲ ಹಾಲಿವುಡ್ ಸಿನಿಮಾ!
'ಬ್ಲಾಕ್ ಪ್ಯಾಂಥರ್: ವಕಾಂಡಾ ಫಾರೆವರ್'
ಮಾರ್ವೆಲ್ ಸಂಸ್ಥೆಯ 'ಬ್ಲಾಕ್ ಪ್ಯಾಂಥರ್: ವಕಾಂಡಾ ಫಾರೆವರ್' ಸಿನಿಮಾ ನವೆಂಬರ್ 11 ರಂದು ವಿಶ್ವದಾದ್ಯಂತ ಬಿಡುಗಡೆ ಆಗಿದೆ. 'ಬ್ಲಾಕ್ ಪ್ಯಾಂಥರ್' ಸಿನಿಮಾ ಸರಣಿಯ ಎರಡನೇ ಸಿನಿಮಾ ಇದಾಗಿದ್ದು, 'ಬ್ಲಾಕ್ ಪ್ಯಾಂಥರ್' ಪಾತ್ರಧಾರಿ ಚಾಡ್ವಿಕ್ ಬೋಸ್ಮೆನ್ ನಿಧನವಾದ ಬಳಿಕ ಬಿಡುಗಡೆ ಆಗುತ್ತಿರುವ ಮೊದಲ 'ಬ್ಲಾಕ್ ಪ್ಯಾಂಥರ್' ಸಿನಿಮಾ ಇದಾಗಿದೆ. ಹಾಗಾಗಿ ಸಹಜವಾಗಿಯೇ ಸಿನಿಮಾದ ಬಗ್ಗೆ ಭಾರಿ ಕುತೂಹಲ ಇತ್ತು.
ಎರಡೂ ಸಿನಿಮಾಗಳ ಕಲೆಕ್ಷನ್ ದಾಖಲೆ ಮುರಿದ ಸಿನಿಮಾ
ಸಿನಿಮಾವು ಬಿಡುಗಡೆ ಆದ ಒಂದು ವಾರದಲ್ಲಿ ವಿಶ್ವದಾದ್ಯಂತ 400 ಮಿಲಿಯನ್ ಡಾಲರ್ ಕಲೆಕ್ಷನ್ ಮಾಡಿದೆ. 400 ಮಿಲಿಯನ್ ಡಾಲರ್ ಅನ್ನು ಭಾರತೀಯ ರುಪಾಯಿಯಲ್ಲಿ ಲೆಕ್ಕ ಹಾಕಿದರೆ ಬರೋಬ್ಬರಿ 3260 ಕೋಟಿ ರುಪಾಯಿಯಾಗುತ್ತದೆ. 'ಕೆಜಿಎಫ್ 2' ಹಾಗೂ 'RRR' ಸಿನಿಮಾದ ಒಟ್ಟು ಕಲೆಕ್ಷನ್ ಅನ್ನು 'ಬ್ಲ್ಯಾಕ್ ಪ್ಯಾಂಥರ್' ಸಿನಿಮಾ ಕೇವಲ ಒಂದು ವಾರದಲ್ಲಿ ಮುರಿದು ಹಾಕಿದೆ. ಅಮೆರಿಕ ಒಂದರಲ್ಲೇ ಈ ಸಿನಿಮಾ 1700 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ವಿಶ್ವದ ಇನ್ನುಳಿದ ದೇಶಗಳಲ್ಲಿ ಇನ್ನುಳಿದ ಕಲೆಕ್ಷನ್ ಮಾಡಿದೆ.
ಉತ್ತಮ ಓಪನಿಂಗ್ ಪಡೆದ ಸಿನಿಮಾ
ಈ ವರ್ಷ ಅತಿ ಹೆಚ್ಚು ಹಣ ಗಳಿಸಿದ ಹಾಲಿವುಡ್ ಸಿನಿಮಾ ಎಂಬ ಖ್ಯಾತಿಗೂ 'ಬ್ಲ್ಯಾಕ್ ಪ್ಯಾಂಥರ್; ವಕಾಂಡ ಫಾರೆವರ್' ಸಿನಿಮಾ ಪಾತ್ರವಾಗಿದೆ. 'ಬ್ಲಾಕ್ ಆಡಮ್ಸ್', 'ಬ್ಯಾಟ್ ಮ್ಯಾನ್' ಇನ್ನೂ ಹಲವು ಹಿಟ್ ಹಾಲಿವುಡ್ ಸಿನಿಮಾಗಳು ಈ ವರ್ಷ ಬಿಡುಗಡೆ ಆಗಿವೆ. ಆದರೆ 'ಬ್ಲಾಕ್ ಪ್ಯಾಂಥರ್'ನಷ್ಟು ಇನ್ನಾವ ಸಿನಿಮಾ ಓಪನಿಂಗ್ ಕಂಡಿಲ್ಲ. ಕಳೆದ ವರ್ಷ ಬಿಡುಗಡೆ ಆಗಿದ್ದ 'ಟೆನೆಟ್' ಸಿನಿಮಾ ದೊಡ್ಡ ಹಿಟ್ ಆಗಿತ್ತು. ಕೋವಿಡ್ ನಡುವೆಯೂ ಸುಮಾರು 4000 ಕೋಟಿ ಹಣ ಬಾಚಿತ್ತು 'ಟೆನೆಟ್' ಹಾಲಿವುಡ್ ಸಿನಿಮಾ.
'ಬ್ಲಾಕ್ ಪ್ಯಾಂಥರ್' ಪಾತ್ರದಲ್ಲಿ ಲಿಟಿಯಾ ರೈಟ್
'ಬ್ಲಾಕ್ ಪ್ಯಾಂಥರ್; ವಕಾಂಡಾ ಫಾರೆವರ್' ಸಿನಿಮಾದ ಬಗ್ಗೆ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಹಾಗಿದ್ದಾಗಿಯೂ ಸಿನಿಮಾ ಉತ್ತಮ ಕಲೆಕ್ಷನ್ ಅನ್ನು ವಿಶ್ವದಾದ್ಯಂತ ಮಾಡುತ್ತಿದೆ. 'ಬ್ಲಾಕ್ ಪ್ಯಾಂಥರ್' ಪಾತ್ರಧಾರಿ ಚೋಡ್ವಿಕ್ ಬೋಸ್ಮನ್ ನಿಧನವಾದ ಬಳಿಕ 'ಬ್ಲಾಕ್ ಪ್ಯಾಂಥರ್' ಪಾತ್ರದಲ್ಲಿ ಲಿಟಿಯಾ ರೈಟ್ ಕಾಣಿಸಿಕೊಂಡಿದ್ದಾರೆ.