ಸದ್ದಿಲ್ಲದೇ ಗೆದ್ದಿದೆ ಮತ್ತೊಂದು ಹೊಸಬರ ಚಿತ್ರ ಬಾಂಬೆ ಮಿಠಾಯಿ

ಸ್ಯಾಂಡಲ್ವುಡ್ನಲ್ಲಿ ಸೈಲೆಂಟಾಗಿ ಮತ್ತೊಂದು ಹೊಸಬರ ಚಿತ್ರ ಕೋಟಿ ಕೊಳ್ಳೆ ಹೊಡೆದಿದೆ, ಪಡ್ಡೆಗಳ ಸಿಳ್ಳೆ ಗಿಟ್ಟಿಸಿಕೊಂಡಿದೆ. ಅದು 'ಬಾಂಬೆ ಮಿಠಾಯಿ'. ಚಿಕ್ಕಣ್ಣನ ಕಾಮಿಡಿ ಕಿಕ್ಕಿಗೆ, ಬಾಂಬೆ ಬ್ಯೂಟಿ ದಿಶಾ ಪಾಂಡೆ ವೈಯಾರಕ್ಕೆ ಪ್ರೇಕ್ಷಕರು ಜೈಕಾರ ಹಾಕ್ತಿದ್ದಾರೆ.

ಎರಡು ವಾರದ ಹಿಂದೆ ಹಿಂದಿಯ 'ಬಾಂಬೆ ವೆಲ್ವೆಟ್' ಕನ್ನಡದ 'ಬಾಂಬೆ ಮಿಠಾಯಿ' ಎರಡೂ ಚಿತ್ರಗಳು ಒಂದೇ ದಿನ ತೆರೆಗೆ ಬಂದಿದ್ವು. ಬಾಂಬೆ ವೆಲ್ವೆಟ್ ಹಸಿಬಿಸಿ ದೃಶ್ಯಗಳಿದ್ದರೂ ಡುಮ್ಕಿ ಹೊಡೆದರೆ, ತನ್ನ ಹಸಿಬಿಸಿ ಡಬ್ಬಲ್ ಮೀನಿಂಗ್ ಡೈಲಾಗ್ ಗಳಿಂದಲೇ 'ಬಾಂಬೆ ಮಿಠಾಯಿ' ಚಿತ್ರ ಪಡ್ಡೆಗಳಿಗೆ ಮತ್ತು ಸಾಮಾನ್ಯ ವರ್ಗದ ಪ್ರೇಕ್ಷಕರಿಗೆ ಸಖತ್ ಕಿಕ್ ಕೊಡ್ತಿದೆ.

ಮಲ್ಟಿಪ್ಲೆಕ್ಸ್ಗಳಲ್ಲು ತಕ್ಕಮಟ್ಟಿಗೆ ಹವಾ ಕಾಪಾಡಿಕೊಂಡಿರೋ ಬಾಂಬೆ ಮಿಠಾಯಿ ಕಾಲೇಜ್ ಹುಡ್ಗ ಹುಡುಗಿಯರಿಗೆ ಸಖತ್ ಇಷ್ಟವಾಗ್ತಿದೆ. ಚಿತ್ರದಲ್ಲಿ ಟಿವಿ ನಿರೂಪಕರಾಗಿದ್ದ ನಿರಂಜನ್ ದೇಶಪಾಂಡೆ, ಸೀರಿಯಲ್ ನಟ ವಿಕ್ರಮ್ ಮತ್ತು ಚಿಕ್ಕಣ್ಣ ಮುಖ್ಯಪಾತ್ರದಲ್ಲಿದ್ರೆ, ಬಾಂಬೆ ಮಿಠಾಯಿಯಾಗಿ ಕಾಣಿಸಿಕೊಂಡಿದ್ದು ಮುಂಬೈ ಬೆಡಗಿ ದಿಶಾ ಪಾಂಡೆ.