ನಟಿ ಸಂಜನಾ ಜೊತೆ ಹಣಕಾಸು ವ್ಯವಹಾರ: ರಾಜಕಾರಣಿ ಪುತ್ರನ ವಿಚಾರಣೆ

ರಾಯಲ್ ಮೀನಾಕ್ಷಿ ಮಾಲ್ ಮಾಲೀಕ

ಗಣೇಶ್ ರಾವ್ ಅವರು ನಗರದಲ್ಲಿನ ಪ್ರಸಿದ್ಧ ಮಾಲ್ ರಾಯಲ್ ಮೀನಾಕ್ಷಿ ಮಾಲ್‌ನ ಮಾಲೀಕರಾಗಿದ್ದು, ಡ್ರಗ್ಸ್ ಪ್ರಕರಣದಲ್ಲಿ ಬಂಧನಕ್ಕೆ ಒಳಗಾಗಿರುವ ನಟಿ ಸಂಜನಾ ಅವರೊಂದಿಗೆ ಹಣಕಾಸು ಸಂಬಂಧ ಹೊಂದಿದ್ದರು ಎನ್ನಲಾಗುತ್ತಿದೆ.

ಲಕ್ಷಾಂತರ ಹಣ ಗಣೇಶ್ ಖಾತೆಗೆ ವರ್ಗ

ನಟಿ ಸಂಜನಾ ಖಾತೆಯಿಂದ ಲಕ್ಷಾಂತರ ಹಣ ಗಣೇಶ್ ಅವರ ಖಾತೆಗೆ ವರ್ಗಾವಣೆ ಆಗಿದೆ ಎನ್ನಲಾಗುತ್ತಿದ್ದು, ಇದೇ ಕಾರಣಕ್ಕೆ ವಿಚಾರಣೆಗೆ ಹಾಜರಾಗುವಂತೆ ಸಿಸಿಬಿ ಪೊಲೀಸರು ನಿನ್ನೆಯೇ ಗಣೇಶ್ ಅವರಿಗೆ ಸಮನ್ಸ್ ನೀಡಿದ್ದರು, ಅಂತೆಯೇ ಇಂದು ಗಣೇಶ್ ಅವರು ವಿಚಾರಣೆ ಎದುರಿಸಿದ್ದಾರೆ.

ಸಂಜನಾ-ಗಣೇಶ್ ನಡುವೆ ಹಣಕಾಸು ವ್ಯವಹಾರದ ಬಗ್ಗೆ ಪ್ರಶ್ನೆ

ವಿಚಾರಣೆ ವೇಳೆ, ಸಂಜನಾ ಹಾಗೂ ಗಣೇಶ್ ನಡುವಿನ ಹಣಕಾಸು ವ್ಯವಹಾರದ ಬಗ್ಗೆ ಸಿಸಿಬಿ ಪ್ರಶ್ನೆ ಮಾಡಿದೆ. ಹಣಕಾಸು ವ್ಯವಹಾರ ಯಾವ ಕಾರಣಕ್ಕೆ ಇತ್ತು, ಹಣಕಾಸು ವ್ಯವಹಾರಕ್ಕೆ ದಾಖಲೆಗಳನ್ನು ಸಹ ಸಿಸಿಬಿ ಗಣೇಶ್ ಅವರನ್ನು ಕೇಳಿದೆ ಎನ್ನಲಾಗುತ್ತಿದೆ.

Recommended Video

Dhruva Sarja First Reaction For Chiru Baby | ಅಣ್ಣನ ಮಗು ನೋಡಿ ಧ್ರುವನಿಗೆ ಮೊದಲು ಅನ್ನಿಸಿದ್ದೇನು ಗೊತ್ತಾ

ಸಂದರ್ಯ ಜಗದೀಶ್ ದಂಪತಿ ವಿಚಾರಣೆ

ಇದೇ ದಿನ ನಿರ್ಮಾಪಕ ಸೌಂದರ್ಯ ಜಗದೀಶ್ ಅವರನ್ನು ಸಿಸಿಬಿ ಪೊಲೀಸರು ವಿಚಾರಣೆ ನಡೆಸಿದರು. ಸಂಜನಾ ನಟನೆಯ ರಾಮ್ ಲೀಲಾ ಸಿನಿಮಾವನ್ನು ಸೌಂದರ್ಯ ಜಗದೀಶ್ ನಿರ್ಮಿಸಿದ್ದರು. ಸಿನಿಮಾ ಹಾಗೂ ಸಂಜನಾ ಗೆ ನೀಡಿದ ಸಂಭಾವನೆ ವಿಷಯವಾಗಿ ಮಾತ್ರವೇ ಸಿಸಿಬಿ ಪೊಲೀಸರು ಪ್ರಶ್ನೆ ಮಾಡಿದ್ದಾರೆ ಎಂದು ಸೌಂದರ್ಯ ಜಗದೀಶ್ ದಂಪತಿ ಮಾಧ್ಯಮಗಳಿಗೆ ಹೇಳಿದ್ದಾರೆ.