ಕರ್ನಾಟಕ V/s ಚೆನ್ನೈ ಸಿಸಿಎಲ್ ಮ್ಯಾಚ್ ಬೆಂಗಳೂರಿಗೆ ಶಿಫ್ಟ್

ಚೆನ್ನೈ ರೈನೋಸ್ ಒಳ್ಳೆ ಟೀಂ: ಕಿಚ್ಚ ಸುದೀಪ್

ಈ ಸಂದರ್ಭದಲ್ಲಿ ಮಾತನಾಡಿದ ಕಿಚ್ಚ ಸುದೀಪ್, " ಚೆನ್ನೈ ರೈನೋಸ್ ಒಂದು ಒಳ್ಳೆ ಟೀಂ. ನಮಗೆ ಅವರ ಜೊತೆ ಆಡಲು ಇಷ್ಟ. ಮ್ಯಾಚ್ ನಲ್ಲಿ ಒಬ್ಬರಿಗೆ ಮಾತ್ರ ಗೆಲ್ಲುವ ಅವಕಾಶ ಇದೆ. ಆದರೆ ಈ ಮ್ಯಾಚ್ ನಿಂದ ಸಿಗುವ ಖುಷಿಗೆ ಮಾತ್ರ ಲೆಕ್ಕ ಇಲ್ಲ. ನಾವು ಎರಡೂ ಟೀಂನವರು ನಮ್ಮ ಅಭಿಮಾನಿಗಳನ್ನು ಖಂಡಿತ ಖುಷಿಪಡಿಸುತ್ತೇವೆ" ಎಂದು ಹೇಳಿದರು.

ಬೆಂಗಳೂರಿನಲ್ಲಿ ಇನ್ನೊಂದು ಪಂದ್ಯಾವಳಿ

ಇದೇ ಸಂದರ್ಭದಲ್ಲಿ ಮಾತನಾಡಿದ ಕರ್ನಾಟಕ ಬುಲ್ಡೋಜರ್ಸ್ ಡೈರೆಕ್ಟರ್ ಟಿ ಮಹಾದೇವ್, ಬೆಂಗಳೂರಿನಲ್ಲಿ ಇನ್ನೊಂದು ಮ್ಯಾಚ್ ಇರೋದು ನಮಗೆ ಖುಷಿ ಕೊಟ್ಟಿದೆ ಅಂತ ತಿಳಿಸಿದರು. ಫೆಬ್ರವರಿ 2ರಂದು ಭೋಜ್ ಪುರಿ ದಬಾಂಗ್ ಮತ್ತು ಬೆಂಗಾಲ್ ಟೈಗರ್ಸ್ ಮಧ್ಯೆ ಮಧ್ಯಾಹ್ನ 3ರಿಂದ ಸಂಜೆ 7ರ ವರೆಗೆ ಮ್ಯಾಚ್ ನಡೆಯಲಿದೆ.

ಪಾಯಿಂಟ್ಸ್ ಪಟ್ಟಿಯಲ್ಲಿ ಮುಂದಿರುವ ಬುಲ್ಡೋಜರ್ಸ್

ಕರ್ನಾಟಕ ಬುಲ್ಡೋಜರ್ಸ್ ತಂಡ ಈಗಾಗಲೆ ಪಾಯಿಂಟ್ಸ್ ಪಟ್ಟಿಯಲ್ಲಿ ಮುಂದಿದೆ. ನೆಟ್ ರನ್ ರೇಟ್ ನಲ್ಲಿ (5.750) ಅತ್ಯಧಿಕ ಪಾಯಿಂಟ್ ಗಳೊಂದಿಗೆ ಮೊದಲ ಸ್ಥಾನದಲ್ಲಿದೆ. ಜನವರಿ 26ರಂದು ಬೆಂಗಳೂರಿನಲ್ಲಿ ನಡೆದ ಪಂದ್ಯಾವಳಿಯಲ್ಲಿ ಬೆಂಗಾಲ್ ಟೈಗರ್ಸ್ ತಂಡಕ್ಕೆ ಕರ್ನಾಟಕ ಬುಲ್ಡೋಜರ್ಸ್ ತಂಡ ನೀರು ಕುಡಿಸಿತ್ತು.

ತಾಯ್ನಾಡಿನಲ್ಲಿ ಮ್ಯಾಚ್ ; ಬುಲ್ಡೋಜರ್ಸ್ ಗೆ ಹೊಸ ಬಲ

ಈಗ ಮತ್ತೊಮ್ಮೆ ಪಂದ್ಯ ಬೆಂಗಳೂರಿನಲ್ಲಿ ನಡೆಯುತ್ತಿರುವುದು ವಿಶೇಷ. ತಾಯ್ನಾಡಿನಲ್ಲಿ ಮ್ಯಾಚ್ ಆಡುತ್ತಿರುವುದು ಕರ್ನಾಟಕ ಬುಲ್ಡೋಜರ್ಸ್ ತಂಡಕ್ಕೆ ಹೊಸ ಬಲತಂದಿದೆ. ಜೊತೆಗೆ ಕಿಚ್ಚನ ತಂಡವೂ ಸಕಲ ಸಿದ್ಧತೆಗಳನ್ನೂ ಮಾಡಿಕೊಂಡಿದೆ.

ಚೆನ್ನೈ ರೈನೋಸನ್ನು ಸುಲಭವಾಗಿ ಕಡೆಗಣಿಸುವಂತಿಲ್ಲ

ಆದರೆ ಕರ್ನಾಟಕ ಬುಲ್ಡೋಜರ್ಸ್ ತಂಡ ಚೆನ್ನೈ ರೈನೋಸ್ ತಂಡವನ್ನೂ ಸುಲಭವಾಗಿ ಕಡೆಗಣಿಸುವಂತಿಲ್ಲ. ಈ ಹಿಂದೆ ಅವರು ಕರ್ನಾಟಕ ತಂಡಕ್ಕೆ ಸಾಕಷ್ಟು ಸ್ಪರ್ಧೆ ನೀಡಿದ್ದಾರೆ. ಒಟ್ಟಾರೆಯಾಗಿ ಭರ್ಜರಿ ಮನರಂಜನೆ ಅಭಿಮಾನಿಗಳಿಗೆ ಕಾದಿದೆ.