CCL ಆಟಗಾರ ರಾಜೀವ್ ಮದುವೆಯಲ್ಲಿ ಸುದೀಪ್ ದಂಪತಿ ಭಾಗಿ

ಸುದೀಪ್ ದಂಪತಿ ಆಶೀರ್ವಾದ

ರಾಜೀವ್ ಹಾಗೂ ರೇಷ್ಮಾ ಮದುವೆಯ ಪ್ರಮುಖ ಆಕರ್ಷಣೆ ಸುದೀಪ್ ಜೋಡಿ. ಈ ರಾಜೀವ್ ಸಿನಿಮಾ ಜರ್ನಿಗೆ ಸಹಾಯ ಮಾಡುವ ಸುದೀಪ್ ಅದೇ ರೀತಿ ಅವರ ಜೀವನದ ಮಹತ್ವದ ಹಂತದಲ್ಲಿಯೂ ಜೊತೆಯಲ್ಲಿ ಇದ್ದರು. ಸಿನಿಮಾದ ಕೆಲಸಗಳ ನಡುವೆ ಕೂಡ ಸುದೀಪ್ ಇಂದು ಕಾರ್ಯಕ್ರಮಕ್ಕೆ ಬಂದಿದ್ದರು.

ಸ್ನೇಹಿತ ಪ್ರದೀಪ್ ವಿಶ್

ಸುದೀಪ್ ಬಳಗದ ಮತ್ತೊಬ್ಬ ಸದಸ್ಯ ನಟ ಪ್ರದೀಪ್ ಸಹ ಗೆಳೆಯನ ಮದುವೆಯಲ್ಲಿ ಭಾಗಿಯಾಗಿದ್ದರು. ಹೊಸ ಜೋಡಿಯ ಜೊತೆಗೆ ಸೆಲ್ಫಿ ತೆಗೆದುಕೊಂಡು ಶುಭಾಶಯ ತಿಳಿಸಿದರು. ಅಂದಹಾಗೆ, ರಾಜೀವ್ ನಿಶ್ಚಿತಾರ್ಥದ ಸಮಯದಲ್ಲಿ ಸುದೀಪ್ ಹೈದರಾಬಾದ್ ನಲ್ಲಿ ಇದ್ದ ಕಾರಣ ಬರಲು ಆಗಿರಲಿಲ್ಲ.

ರಾಜೀವ್ ಬಗ್ಗೆ ..

ರಾಜೀವ್ ಕನ್ನಡ ಸಿನಿಮಾಗಳಲ್ಲಿ ಪೋಷಕ ನಟನಾಗಿ ಅಭಿನಯಿಸಿದ್ದಾರೆ. 'ಉಸಿರೇ ಉಸಿರೇ' ಎಂಬ ಚಿತ್ರದಲ್ಲಿ ನಾಯಕನಾಗಿಯೂ ಅಭಿನಯಿಸಿದ್ದರು. ಇನ್ನುಳಿದಂತೆ 'ಅಮವಾಸ್ಯೆ', 'ಆರ್ ಎಕ್ಸ್ ಸೂರಿ', 'ಬೆಂಗಳೂರು 560023', 'ಜಿಂದಗಿ' ಅಂತಹ ಚಿತ್ರಗಳಲ್ಲಿ ರಾಜೀವ್ ನಟಿಸಿದ್ದಾರೆ.

ರೇಷ್ಮಾ ಬಗ್ಗೆ..

ರಾಜೀವ್ ಮದುವೆಯಾಗಲಿರುವ ರೇಷ್ಮಾ ಅವರ ಬಗ್ಗೆ ಹೆಚ್ಚಿನ ಮಾಹಿತಿ ಸಿಕ್ಕಿಲ್ಲ. ಬೆಂಗಳೂರಿನ ಮೂಲದವರಾಗಿದ್ದು, ದಯಾನಂದ ಸಾಗರ್ ಕಾಲೇಜಿನಲ್ಲಿ ವ್ಯಾಸಂಗ ಮಾಡಿದ್ದಾರೆ.