ಶ್ರೀದೇವಿಯಂತೆ 'ಬಾತ್ ಟಬ್'ನಲ್ಲಿ ಸಾವುಗೀಡಾಗಿದ್ದ 6 ತಾರೆಯರು

ಜಿಮ್ ಮಾರಿಸನ್

ಅಮೆರಿಕದ 'ದಿ ಡೋರ್ಸ್' ರಾಕ್ ಬ್ಯಾಂಡ್‌ ನ ಪ್ರಮುಖ ಗಾಯಕ, ಸಂಯೋಜಕನಾಗಿದ್ದ ಜಿಮ್ ಮಾರಿಸನ್ ತನ್ನ 27ನೇ ವಯಸ್ಸಿನಲ್ಲಿ ಸಾವುಗೀಡಾಗಿದ್ದರು. 1971ರಲ್ಲಿ ಹೋಟೆಲ್ ರೂಂನ ಬಾತ್ ಟಬ್ ನಲ್ಲಿ ಅನುಮಾನಸ್ಪದವಾಗಿ ಮೃತಪಟ್ಟಿದ್ದರು. ವಿಚಾರಣೆ ನಡೆಸಿದ್ದ ಪೊಲೀಸರು ಅತಿಯಾದ ಮಾದಕ ಸೇವನೆಯಿಂದ ನಿಧನರಾಗಿದ್ದಾರೆ ಎಂದು ಪ್ರಕರಣ ದಾಖಲಿಸಿತ್ತು.

ಜೂಡಿ ಗಾರ್ಲೆಂಡ್

ನಟಿ, ಗಾಯಕಿಯಾಗಿದ್ದ ಜೂಡಿ ಗಾರ್ಲೆಂಡ್ ಅವರು 1969ರಲ್ಲಿ ಸ್ನಾನದ ಕೋಣೆಯಲ್ಲಿ ತೀರಿಕೊಂಡಿದ್ದರು. ಇವರ ಸಾವಿಗೂ ಡ್ರಗ್ಸ್ ಸೇವನೆ ಕಾರಣವೆನ್ನಲಾಗಿತ್ತು.

ವೈಟ್ನಿ ಹೌಸ್ಟನ್

2012ರಲ್ಲಿ ಅಮೆರಿಕದ ಪಾಪ್‌ ತಾರೆ ವೈಟ್ನಿ ಹೌಸ್ಟನ್ ಅವರ ಮೃತದೇಹ ಕ್ಯಾಲಿಫೊರ್ನಿಯದ ಹೋಟೆಲ್‌ ರೂಂನ ಬಾತ್‌ ಟಬ್ ನಲ್ಲಿ ಪತ್ತೆಯಾಗಿತ್ತು. ಈಕೆಯ ಸಾವು ಕೂಡ ಅತಿಯಾದ ಡ್ರಗ್ಸ್ ಸೇವನೆಯಿಂದ ಆಗಿದ್ದು ಎನ್ನುವುದು ಗಮನಿಸಬೇಕಾದ ಸಂಗತಿ.

ಬಾಬಿ ಕ್ರಿಸ್ಟಿನ ಬ್ರೌನ್‌ ಗಾಯಕಿ

ಬಾಬಿ ಕ್ರಿಸ್ಟಿನ ಬ್ರೌನ್‌ ಕೂಡ ಜನವರಿ 31, 2015 ರಂದು ಬಾತ್ ಟಬ್ ನಲ್ಲಿ ಮುಖಕೆಳಗಾಗಿ ಬಿದ್ದಿದ್ದರು. ಸುಮಾರು ಆರು ತಿಂಗಳ ನಂತರ ಕೋಮಾದಲ್ಲಿದ್ದ ಈಕೆ ಜುಲೈ 26, 2015 ರಂದು ಕೊನೆಯುಸಿರೆಳೆದರು. ಇವರ ದೇಹದಲ್ಲೂ ಮದ್ಯ ಮತ್ತು ವೈದ್ಯರಿಂದ ಸೂಚಿಸಲ್ಪಟ್ಟ ಕೆಲವು ಔಷಧಗಳು ಪತ್ತೆಯಾಗಿದ್ದವು.

ಫ್ರೆಂಚ್ ಸಿಂಗರ್ ಕ್ಲೌಡ್ ಫ್ರಾಂಕೋಯಿಸ್

ಫ್ರೆಂಚ್ ಸಿಂಗರ್ ಕ್ಲೌಡ್ ಫ್ರಾಂಕೋಯಿಸ್ ತಮ್ಮ ಬಾತ್ ಟಬ್ ನಲ್ಲಿ ಬಲ್ಬ್ ಹಾಕಲು ಮುಂದಾಗಿ ಕರೆಂಟ್ ಪಾಸ್ ಆಗಿ ಸಾವನ್ನಪ್ಪಿದ್ದರು.

ಗಾಯಕನ ಎಲ್ವಿಸ್ ಪ್ರೀಸ್ಲಿ

ಖ್ಯಾತ ಗಾಯಕ ಎಲ್ವಿಸ್ ಪ್ರೀಸ್ಲಿ ಅವರು ಸಾವು ಕೂಡ ಬಾತ್ ರೂಂನಲ್ಲಿ ಸಂಭವಿಸಿತ್ತು. 42ನೇ ವರ್ಷದ ಪ್ರೀಸ್ಲಿ ಬಾತ್ ರೂಂನಲ್ಲಿ ಮಲಗಿದ್ದ ರೀತಿಯಲ್ಲಿ ಸಾವುಗೀಡಾಗಿದ್ದರು.

ಶ್ರೀದೇವಿ ಸಾವು

ಫೆಬ್ರವರಿ 24 ಮಧ್ಯರಾತ್ರಿ ದುಬೈನ ಹೋಟೆಲ್ ರೂಂನಲ್ಲಿರುವ ಬಾತ್ ಟಬ್ ನಲ್ಲಿ ಶ್ರೀದೇವಿ ಮೃತಪಟ್ಟಿದ್ದಾರೆ ಎಂಬ ಸುದ್ದಿ ಹೊರಬಿತ್ತು. ಒಂದು ಮೂಲಗಳ ಪ್ರಕಾರ ಅತಿಯಾದ ಮದ್ಯಸೇವನೆಯಿಂದ ಶ್ರೀದೇವಿ ಬಾತ್ ಟಬ್ ನಲ್ಲಿ ಮುಳುಗಿ ಸಾವನ್ನಪಿದ್ದಾರೆ ಎನ್ನಲಾಗಿದೆ.