ಮಗ ವಿನೀಶ್ ಗೆ ಕುದುರೆ ಸವಾರಿ ಹೇಳಿಕೊಟ್ಟ ಡಿ ಬಾಸ್ ದರ್ಶನ್

ಅಪ್ಪ-ಮಗನ ಕುದುರೆ ಸವಾರಿ

ಬಿಳಿ ಬಣ್ಣದ ಎರಡು ಕುದುರೆಗಳ ಮೇಲೆ ದರ್ಶನ್ ಮತ್ತು ಪುತ್ರ ವಿನೀಶ್ ಒಂದು ರೌಂಡ್ ಹಾಕಿದ್ದಾರೆ. ಎರಡೂ ಕುದುರೆಗಳ ಬಗ್ಗೆ ಎಚ್ಚರಿಕೆ ವಹಿಸಿ, ಮಗನಿಗೆ ಕುದುರೆ ಸವಾರಿ ಬಗ್ಗೆ ದರ್ಶನ್ ಹೇಳಿಕೊಟ್ಟಿದ್ದಾರೆ. ಆ ವಿಡಿಯೋ ಈಗ ಬಿಡುಗಡೆ ಆಗಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಕುದುರೆ ಸವಾರಿ ವಿಡಿಯೋಗೆ ವ್ಯಾಪಕ ಮೆಚ್ಚುಗೆ

ಅಪ್ಪನಂತೆ ಮಗ ವಿನೀಶ್ ಕೂಡ ಸ್ವಲ್ಪವೂ ಭಯವಿಲ್ಲದೆ ಕುದುರೆ ಸವಾರಿ ಮಾಡಿದ್ದಾರೆ. ಅಪ್ಪ-ಮಗನ ಕುದುರೆ ಸವಾರಿ ನೋಡಿ ಡಿ-ಬಾಸ್ ಫ್ಯಾನ್ಸ್ ಅಂತೂ 'ಸಾಹೋರೇ.. ಸಾಹೋ..' ಅಂತ ಜೈಕಾರ ಹಾಕುತ್ತಿದ್ದಾರೆ. ದರ್ಶನ್-ವಿನೀಶ್ ಕುದುರೆ ಸವಾರಿ ವಿಡಿಯೋಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.

ಪ್ರಾಣಿಗಳ ಬಗ್ಗೆ ಮಗನಿಗೆ ಜ್ಞಾನ ತುಂಬುತ್ತಿರುವ ದರ್ಶನ್

ಕೋಟ್ಯಾಂತರ ರೂಪಾಯಿ ಸಂಭಾವನೆ ಪಡೆದರೂ, ಪುತ್ರ ವಿನೀಶ್ ನ ದರ್ಶನ್ ತುಂಬಾ ಸಿಂಪಲ್ ಆಗಿ ಬೆಳೆಸುತ್ತಿದ್ದಾರೆ. ಪ್ರಾಣಿಗಳ ಬಗ್ಗೆ ಮಗನಿಗೆ ಜ್ಞಾನ ತುಂಬುತ್ತಿರುವ ದರ್ಶನ್, ಹಾಲು ಕರೆಯುವುದನ್ನೂ ಮಗನಿಗೆ ಹೇಳಿಕೊಟ್ಟಿದ್ದರು.

ಸಿನಿಮಾಗಳಲ್ಲಿ ಅಪ್ಪ-ಮಗ

ಅಪ್ಪ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಜೊತೆಗೆ ಪುತ್ರ ವಿನೀಶ್ 'ಮಿಸ್ಟರ್ ಐರಾವತ' ಮತ್ತು 'ಯಜಮಾನ' ಚಿತ್ರಗಳಲ್ಲಿ ನಟಿಸಿದ್ದರು. ಆಕ್ಟಿಂಗ್ ಬಗ್ಗೆಯೂ ವಿನೀಶ್ ಗೆ ಇಂಟ್ರೆಸ್ಟ್ ಇದೆ. ಮಗನನ್ನು ಹೀರೋ ಮಾಡುವ ಆಲೋಚನೆ ದರ್ಶನ್ ಗೂ ಇದೆ.