ಬಿಗ್ ಬಾಸ್ ಶೋಗೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್?

ಸುವರ್ಣ ವಾಹಿನಿಯ ರಿಯಾಲಿಟಿ ಶೋ 'ಬಿಗ್ ಬಾಸ್'ನಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪಾಲ್ಗೊಳ್ಳಲಿದ್ದಾರೆಯೇ? ಅವರನ್ನು ವಾಹಿನಿ ಸಂಪರ್ಕಿಸಿದೆಯೇ? ಎಂಬ ಪ್ರಶ್ನೆಗಳಿಗೆ ಇದೀಗ ಉತ್ತರ ಸಿಕ್ಕಿದೆ. ಕಿಚ್ಚ ಸುದೀಪ್ ಮತ್ತು ದರ್ಶನ್ ಇಬ್ಬರೂ ಒಳ್ಳೆಯ ಗೆಳೆಯರು ಎಂಬುದು ಗೊತ್ತೇ ಇದೆ.

ಈಗಾಗಲೆ ಶೋನಲ್ಲಿ ಭಾಗವಹಿಸುವಂತೆ ದರ್ಶನ್ ಅವರನ್ನು ಸುದೀಪ್ ಕೇಳಿದ್ದಾರಂತೆ. ಇದು ಚಾರಿಟಿ ಕಾರ್ಯಕ್ರಮ ಅಲ್ಲ, ಇದೊಂದು ಕಮರ್ಷಿಯಲ್ ಶೋ. ಹಾಗಾಗಿ ತನ್ನ ಷರತ್ತುಗಳನ್ನು ಒಪ್ಪುವುದಾದರೆ ಖಂಡಿತ ಭಾಗವಹಿಸುತ್ತೇನೆ ಎಂದು ಸುದೀಪ್ ಗೆ ದರ್ಶನ್ ತಿಳಿಸಿದ್ದಾರಂತೆ. [ಬಿಗ್ ಬಾಸ್ ಮನೆಯಲ್ಲಿ ಗಂಡುಮಗು ಹೆತ್ತ ಸಂತೋಷ್]

ನನ್ನಿಂದ ಕಾರ್ಯಕ್ರಮಕ್ಕೆ ಟಿಆರ್ ಪಿ ಬರುತ್ತದೆ ಎಂದಾದರೆ ನಾನ್ಯಕೆ ಅದನ್ನು ಬಿಟ್ಟಿಯಾಗಿ ಮಾಡಿಕೊಡಲಿ. ಇದೇನು ಚಾರಿಟಿ ಶೋ ಅಲ್ಲವಲ್ಲಾ ಎಂದಿದ್ದಾರೆ ಚಾಲೆಂಜಿಂಗ್ ಸ್ಟಾರ್. ಅವರು ಕೇಳುವುದರಲ್ಲೂ ಅರ್ಥವಿದೆಯಲ್ಲವೇ?

ಒಟ್ಟಾರೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಫ್ಯಾನ್ ಫಾಲೋಯಿಂಗ್ ಗಮನದಲ್ಲಿಟ್ಟುಕೊಂಡು ವಾಹಿನಿ ಶೀಘ್ರದಲ್ಲೇ ಅವರೊಂದಿಗೆ ಮಾತುಕತೆಯೂ ನಡೆಯಬಹುದು. ದರ್ಶನ್ ಅಭಿಮಾನಿಗಳು ಆ ರೀತಿ ಕಾರ್ಯಕ್ರಮವೊಂದರ ನಿರೀಕ್ಷೆಯಲ್ಲಿದ್ದಾರೆ.