ಚಂದನ್ ಶೆಟ್ಟಿ-ನಿವೇದಿತಾ ಗೌಡ ಮದುವೆ ಆಮಂತ್ರಣ ಪತ್ರಿಕೆ ಹೀಗಿದೆ

ಆಕರ್ಷವಾಗಿದೆ ಆಮಂತ್ರಣ ಪತ್ರಿಕೆ

ಸೆಲೆಬ್ರಿಟಿ ಮದುವೆ ಆಮಂತ್ರಣ ಪತ್ರಿಕೆ ಅಂದ್ಮೇಲೆ ಆಕರ್ಷಕವಾಗಿ, ದುಬಾರಿ ವೆಚ್ಚದಲ್ಲಿ ಡಿಸೈನ್ ಮಾಡಿಸಿರುತ್ತಾರೆ. ಆಮಂತ್ರಣ ಪತ್ರಿಕೆ ಹೇಗಿರಲಿದೆ ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿಯೂ ಇರುತ್ತೆ. ಹಾಗೆ ನಿವೇದಿತಾ ಮತ್ತು ಚಂದನ್ ಕೂಡ ತಮ್ಮ ಮದುವೆ ಪತ್ರಿಕೆಯನ್ನು ಅದ್ಭುತವಾಗಿ ಮಾಡಿಸಿದ್ದಾರೆ. NC ಎಂದು ಬರೆದಿರುವ ಪತ್ರಿಕೆಯಲ್ಲಿ ಚಂದನ್ ಹಾಗೂ ನಿವೇದಿತಾ ಹಾಗೆ ಇರುವ ಎರಡು ಆಕರ್ಷಕ ಫೋಟೋವಿದೆ. ಕೆಂಪು ಬಣ್ಣದ ಡಿಸೈನ್ ನಲ್ಲಿ ಪತ್ರಿಕೆ ತಯಾರಾಗಿದೆ.

25-26ರಂದು ಮದುವೆ

ಇದೇ ತಿಂಗಳು 25 ಮತ್ತು 26 ರಂದು ಚಂದನ್ ಮತ್ತು ನಿವೇದಿತಾ ಗೌಡ ವಿವಾಹ ಮಹೋತ್ಸವ ನಡೆಯುತ್ತಿದೆ. ಅದ್ದೂರಿಯಾಗಿ ನಡೆಯುತ್ತಿರುವ ವಿವಾಹ ಮಹೋತ್ಸವಕ್ಕೆ ಮೈಸೂರಿನ ಸ್ಪೆಕ್ಟ್ರಾ ಕನ್ವೆಶ್ಷನ್ ಹಾಲ್ ಸಿದ್ಧವಾಗುತ್ತಿದೆ.

ಮುಹೂರ್ತ ಮತ್ತು ಆರತಕ್ಷತೆ

ನಿವೇದಿತಾ ಮತ್ತು ಚಂದನ್ ಇಬ್ಬರು 26ರಂದು ಹಸೆಮಣೆ ಏರುತ್ತಿದ್ದಾರೆ. 26 ಬೆಳಗ್ಗೆ 8.15 ರಿಂದ 9 ಗಂಟೆವರೆಗಿನ ಮುಹೂರ್ತದಲ್ಲಿ ಇಬ್ಬರು ಪತಿ-ಪತ್ನಿಯರಾಗಲಿದ್ದಾರೆ. ಅಂದ್ಹಾಗೆ 25 ಸಂಜೆ 7ಗಂಟೆಗೆ ಮೈಸೂರಿನ ಸ್ಪೆಕ್ಟ್ರಾ ಕನ್ವೆಶ್ಷನ್ ಹಾಲ್ ನಲ್ಲಿ ಅದ್ದೂರಿ ಆರತಕ್ಷತೆ ಕಾರ್ಯಕ್ರಮ ಕೂಡ ನಡೆಯುತ್ತಿದೆ.

ಕಳೆದ ವರ್ಷ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಜೋಡಿ

ಬಿಗ್ ಬಾಸ್ ರಿಯಾಲಿಟಿ ಶೋ ಮೂಲಕ ಪರಿಚಿತರಾದ ಚಂದನ್ ಮತ್ತು ನಿವೇದಿತಾ ಉತ್ತಮ ಸ್ನೇಹಿತರಾಗಿದ್ದರು. ಇದೆ ಸ್ನೇಹ ಪ್ರೀತಿಗೆ ತಿರುಗಿ ಮನೆಯವರ ಒಪ್ಪಿಗೆ ಮೇರಿಗೆ ಈಗ ಮದುವೆ ಆಗುತ್ತಿದ್ದಾರೆ. ಕಳೆದ ವರ್ಷ ಯುವ ದಸರ ವೇದಿಕೆಯಲ್ಲಿ ಇಬ್ಬರ ಪ್ರೀತಿಯ ವಿಚಾರ ಬಹಿರಂಗವಾಗಿತ್ತು. ಆನಂತರ ಅಕ್ಟೋಬರ್ ನಲ್ಲಿ ಇಬ್ಬರ ನಿಶ್ಚಿತಾರ್ಥ ಅದ್ದೂರಿಯಾಗಿ ನೆರವೇರಿತ್ತು. ಈಗ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದಾರೆ.