'ಚೌಕಿದಾರ್' ಸಿನಿಮಾ ನಿಂತು ಹೋಯ್ತಾ ? : ಏನಂತಾರೆ ನಿರ್ದೇಶಕರು?

ನಾನು ಹೇಳಿದ್ದು ಕೂಡ ಅದೇ

ಚಿತ್ರದ ಗೊಂದಲದ ಬಗ್ಗೆ ಮಾತನಾಡಿರುವ ಚಂದ್ರಶೇಖರ್ ಬಂಡಿಯಪ್ಪ ''ನಾನು ಕೂಡ ಸಿನಿಮಾ ಇನ್ನೂ ಅಂತಿಮ ಆಗಿಲ್ಲ ಅಂತಲೇ ಹೇಳಿದ್ದೆ. ಗಣೇಶ್ ಸರ್ ಗೆ ನಾನು ಹೇಳಿದ ಲೈನ್ ಇಷ್ಟ ಆಗಿದೆ. ಆದರೆ, ಇನ್ನು ಫೈನಲ್ ರೀಡಿಂಗ್ ನೀಡುವುದು ಬಾಕಿ ಇದೆ. ಇದನ್ನೇ ನಾನು ಆಗಲೂ ಹೇಳಿದೆ.'' ಎಂದಿದ್ದಾರೆ.

'ಚೌಕಿದಾರ್' ಎನ್ನುವ ಹೆಸರೇ ಸುದ್ದಿಯಾಯ್ತು

''ಚೌಕಿದಾರ್' ಸಿನಿಮಾ ಮಾಡುತ್ತಿದ್ದೇನೆ ಎಂದು ನಾನು ಎಲ್ಲಿಯೂ ಅನೌನ್ಸ್ ಮಾಡಿರಲಿಲ್ಲ. ಸಿನಿಮಾದ ಬಗ್ಗೆ ಸಣ್ಣ ಗಾಸಿಪ್ ಬಂದಾಗ, ಹೌದು.. ಚಿತ್ರ ಮಾಡುವ ತಯಾರಿ ನಡೆದಿದೆ ಎಂದು ಆ ಸುದ್ದಿಗೆ ಪ್ರತಿಕ್ರಿಯೆ ನೀಡಿದ್ದೆ ಅಷ್ಟೇ. ಆದರೆ, ಬಳಿಕ 'ಚೌಕಿದಾರ್' ಎನ್ನುವ ಟೈಟಲ್ ದೊಡ್ಡ ಮಟ್ಟಿಗೆ ಪ್ರಚಾರ ಆಯ್ತು.''

ಮಾತುಕತೆಗಳು ಇನ್ನು ಮುಗಿದಿಲ್ಲ

''ಚೌಕಿದಾರ್' ಸಿನಿಮಾದ ಬಗ್ಗೆ ಗಣೇಶ್ ಸರ್ ಜೊತೆಗೆ ಮಾತುಕತೆಗಳು ಇನ್ನು ನಡೆಯುತ್ತಿದೆ. ಅವರಿಗೆ ಪೂರ್ಣ ಕಥೆ ಹೇಳಬೇಕು, ಅವರು ಆ ಪಾತ್ರವನ್ನು ಮಾಡಲು ಸಿದ್ಧರಾಗಬೇಕು, ಸಂಭಾವನೆ, ಪ್ರೊಡಕ್ಷನ್ ಟೀಮ್ ಎಲ್ಲವೂ ಅವರಿಗೂ ಸರಿ ಎನಿಸಬೇಕು. ಹೀಗೆ ಅನೇಕ ಕೆಲಸಗಳು ಬಾಕಿದೆ ಇದೆ.''

ಗಣೇಶ್ ಸಿನಿಮಾ ಮಾಡ್ತಾರಾ, ಇಲ್ವಾ?

ಹಾಗಾದ್ರೆ, 'ಚೌಕೀದಾರ್' ಸಿನಿಮಾ ಆಗುತ್ತದೆಯೇ ಇಲ್ವಾ ಎನ್ನುವ ಪ್ರಶ್ನೆಗೆ ಬಂಡಿಯಪ್ಪ ನೇರವಾಗಿ ಉತ್ತರ ನೀಡಿದ್ದಾರೆ. ''ಸಿನಿಮಾ ಆಗಬೇಕು ಎಂದು ಇದ್ದರೆ, ಖಂಡಿತ ಆಗೇ ಆಗುತ್ತದೆ. ಅದಕ್ಕೆ ಎಲ್ಲ ಕೂಡಿ ಬರಬೇಕು.'' ಎಂದಿದ್ದಾರೆ. ಗಣೇಶ್ ಜೊತೆಗೆ ಯಾವುದೇ ಮನಸ್ತಾಪ ಇಲ್ಲ ಅವರ ನಾಳೆ ಹುಟ್ಟುಹಬ್ಬಕ್ಕೂ ಹೋಗಬೇಕು ಎಂದು ತಿಳಿಸಿದ್ದಾರೆ.

ಗಣೇಶ್ ಚಿತ್ರಗಳಲ್ಲಿ ಬಂಡಿಯಪ್ಪ ಕೆಲಸ

ಚಂದ್ರಶೇಖರ್ ಬಂಡಿಯಪ್ಪ ಈ ಹಿಂದೆ ಗಣೇಶ್ ಅವರ 'ಚೆಲುವಿನ ಚಿತ್ತಾರ' ಹಾಗೂ 'ಶೈಲೂ' ಚಿತ್ರಗಳಿಗೆ ಸಹಾಯಕ ಹಾಗೂ ಸಹ ನಿರ್ದೇಶಕರಾಗಿ ಕೆಲಸ ಮಾಡಿದ್ದರು. ಎರಡು ವರ್ಷದಿಂದ ಗಣೀಗೆ ಒಂದು ಚಿತ್ರ ಮಾಡಬೇಕು ಎನ್ನುವ ಪ್ಲಾನ್ ಇತ್ತು. ಹೀಗಾಗಿ, 'ಚೌಕಿದಾರ್' ಸಿನಿಮಾ ಶುರು ಆಗಿತ್ತು.