ಲಯೇಂದ್ರ ವಿರುದ್ಧ ರು.3 ಲಕ್ಷಗಳ ವಂಚನೆ ಆರೋಪ

ಬಿಗ್ ಬಾಸ್ ರಿಯಾಲಿಟಿ ಶೋನಿಂದ ಹೊರಬಂದ ಬಳಿಕ ಸುದ್ದಿಯೇ ಇಲ್ಲದಂತಿದ್ದ ಪೋಷಕ ನಟ ಹಾಗೂ ಸಂಗೀತ ನಿರ್ದೇಶಕ ಲಯೇಂದ್ರ ಅವರು ಇದೀಗ ವಂಚನ ಆರೋಪ ಪ್ರಕರಣದಲ್ಲಿ ಸಿಲುಕಿದ್ದಾರೆ. ಲಯೇಂದ್ರ ಅಲಿಯಾಸ್ ಲಯ ಕೋಕಿಲ ಅವರ ಮೇಲೆ ವಂಚನೆ ಆರೋಪ ಮಾಡುತ್ತಿರುವವರು ನಿರ್ಮಾಪಕ ಕುಮಾರ್.

ಇವರು 'ಶಂಭೋ ಮಹದೇವ' ಎಂಬ ಚಿತ್ರವನ್ನು ನಿರ್ಮಿಸಿದ್ದು ಅದರ ಡಿಜಿಟಲೈಸ್ ಸಂಬಂಧ ಲಯೇಂದ್ರ ಅವರಿಗೆ ರು.3 ಲಕ್ಷ ಕೊಟ್ಟಿದ್ದರಂತೆ. ಈಗ ಕೆಲಸವನ್ನೂ ಮಾಡಿಕೊಡದೆ ಹಣವನ್ನೂ ವಾಪಸು ಮಾಡದೆ ತಮ್ಮನ್ನು ಸತಾಯಿಸುತ್ತಿದ್ದಾರೆ ಎಂದು ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ದೂರು ನೀಡಿದ್ದಾರೆ. [ಬಿಗ್ ಬಾಸ್ ಮನೆಯ ಖತರ್ನಾಕ್ ಕಿಲಾಡಿಗಳು]

ಸದಾ ವಿವಾದಗಳಿಂದ ದೂರ ಉಳಿದಿದ್ದ ಲಯೇಂದ್ರ ಅವರ ಸಾಧು ಕೋಕಿಲ ಅವರ ಸಹೋದರ. ಬಿಗ್ ಬಾಸ್ ಮನೆಯಲ್ಲಿದ್ದಾಗಲೂ ಅವರು ತಮ್ಮ ಸೌಮ್ಯ ಸ್ವಭಾವದಿಂದ ಮನೆಯ ಸದಸ್ಯರಿಗೆ ಪರಮಾಪ್ತರಾಗಿದ್ದರು. ಇದೀಗ ಅವರ ಮೇಲೆ ವಂಚನೆ ಆರೋಪ ಕೇಳಿಬಂದ್ದಿದ್ದು ಈ ಬಗ್ಗೆ ಅವರು ಇನ್ನಷ್ಟೇ ಪ್ರತಿಕ್ರಿಯಿಸಬೇಕಾಗಿದೆ. (ಏಜೆನ್ಸೀಸ್)