ಥ್ರಿಲ್ಲರ್ ಮಂಜು ಬೌಲಿಂಗ್, ಸ್ಯಾಂಡಲ್ ವುಡ್ ಶೈನಿಂಗ್

ಚಿಕ್ಕಬಳ್ಳಾಪುರ, ಮೇ 28: ಥ್ರಿಲ್ಲರ್ ಮಂಜು ಬೌಲಿಂಗ್, ಸಾಯಿಕುಮಾರ್ ತಮ್ಮ ಅಯ್ಯಪ್ಪ ಕೀಪಿಂಗ್, ಶಬರೀಶ್ ಬ್ಯಾಟಿಂಗ್, ಮೈದಾನದಲ್ಲಿ ತುಂಬಿದ್ದ ಕ್ರಿಕೆಟ್ ಪ್ರೇಮಿಗಳು. ಸ್ವತಃ ಬ್ಯಾಟ್ ಬೀಸಿ, ಬೌಲಿಂಗ್ ಮಾಡಿದ ಚಿಕ್ಕಬಳ್ಳಾಪುರ ಶಾಸಕ ಸುಧಾಕರ್...

ಹೌದು ಈ ಎಲ್ಲ ಸಂದರ್ಭಗಳಿಗೆ ಸಾಕ್ಷಿಯಾಗಿದ್ದು ಚಿಕ್ಕಬಳ್ಳಾಪುರ. ಚಿಕ್ಕಬಳ್ಳಾಪುರದದಲ್ಲಿ ಶನಿವಾರ ಆರಂಭವಾದ ಸ್ಯಾಂಡಲ್ ವುಡ್ ಕ್ರಿಕೆಟ್ ಕಪ್ ನಲ್ಲಿ ಕಂಡು ಬಂದ ದೃಶ್ಯಗಳಿವು. ಆರ್ ಎಕ್ಸ್ ಸೂರಿ ಚಿತ್ರದ ನಾಯಕಿ ಆಕಾಂಕ್ಷ ಕ್ರಿಕೆಟ್ ಪ್ರೇಮಿಗಳನ್ನು ಹುರಿದುಂಬಿಸಿದರು.

ಮೊದಲ ಪಂದ್ಯದ ಫಲಿತಾಂಶ: ಥ್ರಿಲ್ಲರ್ ಮಂಜು ನೇತೃತ್ವದ ಥ್ರಿಲ್ಲರ್ ಬಾಯ್ಸ್ ಮತ್ತು ನಾಗಕಿರಣ್ ನೇತೃತ್ವದ ಚಾಲೆಂಜಿಂಗ್ ಸ್ಟಾರ್ಸ್ ನಡುವೆ ಮೊದಲ ಪಂದ್ಯ ನಡೆಯುತು. ಟಾಸ್ ಗೆದ್ದ ಥ್ರಿಲ್ಲರ್ ಮಂಜು ಎದುರಾಳಿ ತಂಡವನ್ನು ಬ್ಯಾಟಿಂಗ್ ಗೆ ಆಹ್ವಾನಿಸಿದರು.[ಸ್ಯಾಂಡಲ್‌ವುಡ್ ಕ್ರಿಕೆಟ್ ಕಪ್‌ಗೆ ಭರ್ಜರಿ ಚಾಲನೆ]

ಮೊದಲು ಬ್ಯಾಟಿಂಗ್ ಮಾಡಿದ ಚಾಲೆಂಜಿಂಗ್ ಸ್ಟಾರ್ಸ್ ಶಬರೀಶ್ ಅವರ ಸ್ಫೋಟಕ 72 ರನ್ ನೆರವಿನಿಂದ 15 ಓವರ್ ಗೆ 158 ರನ್ ಗಳ ಬೃಹತ್ ಮೊತ್ತ ಕಲೆಹಾಕಿತು. ನಾಯಕ ಥ್ರಿಲ್ಲರ್ ಮಂಜು 5 ವಿಕೆಟ್ ಪಡೆದು ಬೌಲಿಂಗ್ ನಲ್ಲಿ ಮಿಂಚಿದರು.

ಚೇಸಿಂಗ್ ಆರಂಭಿಸಿದ ಮಂಜು ತಂಡ ಅಯ್ಯಪ್ಪ 17 ಮತ್ತು ಲೋಹಿತ್ 36 ರನ್ ನೆರವಿನಿಂದ 15 ಓವರ್ ಗಳಲ್ಲಿ 138 ರನ್ ಕಲೆ ಹಾಕಿ 20 ರನ್ ಗಳಿಂದ ಸೋಲು ಒಪ್ಪಿಕೊಂಡಿತು.