For Quick Alerts
    ALLOW NOTIFICATIONS  
    For Daily Alerts

    ಚಿರಂಜೀವಿ ಸರ್ಜಾ ಈಗ ಪಿಜ್ಜಾ ಡೆಲಿವರಿ ಬಾಯ್

    By Rajendra
    |

    ಒಂದಾದ ಬಳಿಕ ಒಂದು ರೀಮೇಕ್ ಚಿತ್ರಗಳನ್ನು ಒಪ್ಪಿಕೊಳ್ಳುತ್ತಿರುವ ನಟ ಚಿರಂಜೀವಿ ಸರ್ಜಾ ಈಗ ಮತ್ತೊಂದು ರೀಮೇಕ್ ಚಿತ್ರಕ್ಕೆ ಸಹಿ ಹಾಕಿದ್ದಾರೆ. ತಮಿಳಿನ ಯಶಸ್ವಿ ಚಿತ್ರ 'ಪಿಜ್ಜಾ' ಈಗವರ ಟೇಬಲ್ ಗೆ ರವಾನೆಯಾಗಿದೆ. ಕನ್ನಡ ರೀಮೇಕ್ ಚಿತ್ರಕ್ಕೂ ಪಿಜ್ಜಾ ಎಂದೇ ಹೆಸರಿಡಲಾಗಿದೆ.

    ತೆಲುಗಿನ 'ಲಕ್ಷ್ಮ್ಯಂ' ಚಿತ್ರದ ರೀಮೇಕ್ ಆಗಿರುವ 'ವರದನಾಯಕ' ಚಿತ್ರ ಜನವರಿ 4, 2013ರಂದು ತೆರೆಕಾಣುತ್ತಿದೆ. ಇದಕ್ಕೂ ಮುನ್ನ ಅವರು ಅಭಿನಯಿಸಿದ್ದ 'ದಂಡಂ ದಶಗುಣಂ' ಚಿತ್ರವೂ ತೆಲುಗಿನ 'ಘರ್ಷಣ' ಚಿತ್ರದ ರೀಮೇಕ್ ಆಗಿತ್ತು.

    'ಪಿಜ್ಜಾ' ಚಿತ್ರದ ರೀಮೇಕ್ ರೈಟ್ಸ್ ನಿರ್ದೇಶಕ ಪ್ರಶಾಂತ್ ರಾಜ್ ಪಾಲಾಗಿರುವುದು ಗೊತ್ತೇ ಇದೆ. ಲವ್ ಗುರು, ಗಾನಾ ಬಜಾನ ಚಿತ್ರಗಳನ್ನು ನಿರ್ದೇಶಿಸಿದ್ದ ಪ್ರಶಾಂತ್ ರಾಜ್ ಈ ಚಿತ್ರದ ರೀಮೇಕ್ ರೈಟ್ಸನ್ನು ರು.35 ಲಕ್ಷಕ್ಕೆ ಕೊಂಡುಕೊಂಡಿದ್ದಾರೆ.

    ಮಠ, ಎದ್ದೇಳು ಮಂಜುನಾಥ ಖ್ಯಾತಿಯ ಗುರುಪ್ರಸಾದ್ ಅವರ ಸಂಭಾಷಣೆ ಹಾಗೂ ಜೋಶುವಾ ಶ್ರೀಧರ್ ಅವರ ಸಂಗೀತ ಚಿತ್ರಕ್ಕಿರುತ್ತದೆ. ಜನವರಿ ತಿಂಗಳಿಂದ ಚಿತ್ರೀಕರಣ ನಡೆಯುವ ಸಾಧ್ಯತೆಗಳಿವೆ. ಚಿತ್ರದ ನಾಯಕಿಗಾಗಿ ಹುಡುಕಾಟ ನಡೆದಿದೆ.

    ಪಿಜ್ಜಾ ಡೆಲಿವರಿ ಬಾಯ್ ಒಬ್ಬ ಗ್ರಾಹಕನೊಬ್ಬನಿಗೆ ಪಿಜ್ಜಾ ಡೆಲಿವರಿ ಮಾಡಲು ಹೋಗಿ ತೊಂದರೆಗೆ ಸಿಕ್ಕಿಬೀಳುವ ಕಥಾಹಂದರವನ್ನು ಚಿತ್ರ ಒಳಗೊಂಡಿದೆ. ಕನ್ನಡಕ್ಕೆ ಹೊಂದುವಂತೆ ಕಥೆಯಲ್ಲಿ ಅಲ್ಪಸ್ವಲ್ಪ ಬದಲಾವಣೆಗಳನ್ನು ಮಾಡಿಕೊಂಡು ಚಿತ್ರವನ್ನು ಆರಂಭಿಸುವುದಾಗಿ ಹೇಳಿದ್ದಾರೆ ಪ್ರಶಾಂತ್.

    ಅಂದಹಾಗೆ ಏಪ್ರಿಲ್ ನಲ್ಲಿ ಸೆಟ್ಟೇರಿದ್ದ ಚಿರು ಅವರ ಮತ್ತೊಂದು ಚಿತ್ರ "ಕಲಿಕುಮಾರ್, ಕಲಿನಾಗ್, ಕಲಿವರ್ಧನ" ಚಿತ್ರದ ಕಥೆ ಎಲ್ಲಿಗೆ ಬಂತೋ, ಏನಾಯಿತೋ ಅದೇನು ಕಥೆನೋ. ಈಗ ಇನ್ನೊಂದು ರೀಮೇಕ್ ಚಿತ್ರಕ್ಕೆ ಸಹಿಹಾಕಿದ್ದಾರೆ. (ಏಜೆನ್ಸೀಸ್)

    English summary
    Kannada actor Chiranjeevi Sarja has signed one more remake film. This time he has signed a new film tentatively titled as 'Pizza' (Tamil hit film Pizza remade) to be directed and produced by Prashanth Raj. 

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X