'ನಟ ಸಾರ್ವಭೌಮ' ಪುನೀತ್ ಇಂಟ್ರೊಡಕ್ಷನ್ ಗಾಗಿ ದುಬಾರಿ ಸಾಂಗ್ ಶೂಟ್.!

ದುಬಾರಿ ಸಾಂಗ್ ಶೂಟ್

ಹೇಳಿ ಕೇಳಿ ಪುನೀತ್ ರಾಜ್ ಕುಮಾರ್ ಉತ್ತಮ ಡ್ಯಾನ್ಸರ್. ಹೀಗಾಗಿ, 'ನಟ ಸಾರ್ವಭೌಮ' ಚಿತ್ರದಲ್ಲಿ ಒಂದೊಳ್ಳೆ ಇಂಟ್ರೊಡಕ್ಷನ್ ಸಾಂಗ್ ಇಡಲು ಪವನ್ ಒಡೆಯರ್ ಮನಸ್ಸು ಮಾಡಿದ್ದಾರೆ. ಈ ಹಾಡಿಗಾಗಿ ದುಬಾರಿ ಬೆಲೆಯ ಸೆಟ್ ನಿರ್ಮಾಣಗೊಳ್ಳುತ್ತಿದೆ.

ಕಿಂಗ್ ಆಫ್ ಸಿನಿಮಾ...

''ನಟ ಸಾರ್ವಭೌಮ.. ಹೀ ಈಸ್ ದಿ ಕಿಂಗ್ ಆಫ್ ಸಿನಿಮಾ...'' ಎಂಬ ಸಾಲಿನಿಂದ ಹಾಡು ಶುರುವಾಗಲಿದ್ದು, ಪುನೀತ್ ಗಾಗಿ ನೃತ್ಯ ಸಂಯೋಜಕ ಭೂಷಣ್ ಸಖತ್ ಸ್ಟೈಲಿಶ್ ಸ್ಟೆಪ್ಸ್ ಕೊರಿಯೋಗ್ರಾಫ್ ಮಾಡಿದ್ದಾರೆ. ಅಪ್ಪು ಅಭಿಮಾನಿಗಳಿಗೆ ಡಿ.ಇಮಾಮ್ ಸಂಗೀತ ನಿರ್ದೇಶನದ ಈ ಹಾಡು ಸಿಕ್ಕಾಪಟ್ಟೆ ಕಿಕ್ ಕೊಡಲಿದ್ಯಂತೆ.

ಆರು ದಿನಗಳ ಕಾಲ ಶೂಟಿಂಗ್

ನವೆಂಬರ್ 12 ರಿಂದ ಈ ಹಾಡಿನ ಚಿತ್ರೀಕರಣ ಆರಂಭವಾಗಲಿದ್ದು, 6 ದಿನಗಳ ಕಾಲ ಸಾಂಗ್ ಶೂಟಿಂಗ್ ನಡೆಯಲಿದೆ. ಈ ಹಾಡಿನಲ್ಲಿ ಅಪ್ಪು ಸೂಪರ್ ಸ್ಟೈಲಿಶ್ ಆಗಿ ಕಾಣಲು ಯೋಗಿ ಕಾಸ್ಟ್ಯೂಮ್ಸ್ ಡಿಸೈನ್ ಮಾಡಿದ್ದಾರೆ.

ಡಿಸೆಂಬರ್ ನಲ್ಲಿ ಚಿತ್ರ ರಿಲೀಸ್

ನವೆಂಬರ್ ಮುಗಿಯುವುದರೊಳಗೆ 'ನಟ ಸಾರ್ವಭೌಮ' ಶೂಟಿಂಗ್ ಕಂಪ್ಲೀಟ್ ಆಗಲಿದ್ದು, ಅದಾಗಲೇ ಪೋಸ್ಟ್ ಪ್ರೊಡಕ್ಷನ್ ಗೆ ಚಾಲನೆ ಕೊಡಲಾಗಿದೆ. ಎಲ್ಲವೂ ಪ್ಲಾನ್ ಪ್ರಕಾರ ನಡೆದರೆ, ಡಿಸೆಂಬರ್ ನಲ್ಲಿ 'ನಟ ಸಾರ್ವಭೌಮ' ಚಿತ್ರ ನಿಮ್ಮೆಲ್ಲರ ಎದುರಿಗೆ ಬರಲಿದೆ.