ಮಾರುಕಟ್ಟೆಗೆ ಎಂಟ್ರಿ ಕೊಟ್ಟ 'ದಿ ವಿಲನ್' ಟಿ-ಶರ್ಟ್

'ದಿ ವಿಲನ್' ಸಿನಿಮಾದ ಹವಾ ದಿನೇ ದಿನೇ ಜೋರಾಗುತ್ತಿದೆ. ಈಗ ಸಿನಿಮಾದ ಕೆಲ ಟಿ-ಶರ್ಟ್ ಗಳು ಮಾರುಕಟ್ಟೆಗೆ ಕಾಲಿಟ್ಟಿದ್ದು, ಎಲ್ಲರ ಗಮನ ಸೆಳೆಯುತ್ತಿದೆ. ಟಿ-ಶರ್ಟ್ ನಲ್ಲಿ 'ದಿ ವಿಲನ್' ಟೈಟಲ್ ಜೊತೆ ಕಿಚ್ಚ ಸುದೀಪ್ ಅವರ ಖದರ್ ಲುಕ್ ಕೂಡ ಇದೆ.

ಈ ಹಿಂದೆ ಸಿನಿಮಾದ ಹೇರ್ ಸ್ಟೈಲ್ ವೈರಲ್ ಆಗಿತ್ತು. ಚಿಕ್ಕ ಮಕ್ಕಳಿನಿಂದ ಹಿಡಿದ ದೊಡ್ಡವರವರೆಗೂ ಅನೇಕರು ಅದೇ ಹೇರ್ ಸ್ಟೈಲ್ ನಲ್ಲಿ ಮಿಂಚಿದ್ದರು. ಇನ್ನೂ 'ದಿ ವಿಲನ್' ಹೆಸರಿನಲ್ಲಿ ಕ್ರಿಕೆಟ್ ಕಪ್ ಸಹ ಮಾಡಿದ್ದರು. ಈಗ ಟಿ-ಶರ್ಟ್ ಸಹ ಎಂಟ್ರಿ ಕೊಟ್ಟಿದ್ದು ಅಭಿಮಾನಿಗಳಿಗೆ ಬಹಳಷ್ಟು ಇಷ್ಟ ಆಗಿದೆ.

'ದಿ ವಿಲನ್' ಸಿನಿಮಾದ ಬ್ಯಾಂಕಾಕ್ ಶೂಟಿಂಗ್ ಸದ್ಯ ಕಂಪ್ಲೀಟ್ ಆಗಿದೆ. ಜೋಗಿ ಪ್ರೇಮ್ ನಿರ್ದೇಶನದ ಈ ಚಿತ್ರದಲ್ಲಿ ಮೊದಲ ಬಾರಿಗೆ ಶಿವಣ್ಣ ಮತ್ತು ಸುದೀಪ್ ಒಂದಾಗಿದ್ದಾರೆ. ಚಿತ್ರದ ನಾಯಕಿಯಾಗಿ ಬ್ರಿಟೀಷ್ ಬ್ಯೂಟಿ ಆಮಿ ಜಾಕ್ಸನ್ ಕಾಣಿಸಿಕೊಂಡಿದ್ದಾರೆ.