ಹುಟ್ಟುಹಬ್ಬದ ವಿಜೃಂಭಣೆಗೆ ರವಿಚಂದ್ರನ್ ರೆಡ್ ಸಿಗ್ನಲ್?

ಕ್ರೇಜಿಸ್ಟಾರ್

ಬರ್ತ್‌ಡೇಗೂ ವಾರದ ಮುಂಚೆಯೇ ಈ ಬಾರಿ ಬರ್ತ್‌ಡೇ ಸೆಲಬರೇಷನ್ ಇಲ್ಲ ಎಂಬ ಸಂದೇಶವನ್ನ ಅಭಿಮಾನಿಗಳಿಗೆ ತಲುಪಿಸುವಂತೆ ಪತ್ರಕರ್ತರಿಗೆ ತಾವೇ ವಿನಂತಿಸಿಕೊಂಡು ಅಚ್ಚರಿ ಮೂಡಿಸಿದ್ದರು. ಈ ಬಾರಿಯೂ ಅವರು ಸಂಭ್ರಮಿಸುವ ಮೂಡಿನಲ್ಲಿಲ್ಲ. ಮಂಜಿನ ಹನಿ ಬಿಡುಗಡೆ ಮಾಡಲಾಗಲಿಲ್ಲವಲ್ಲ ಎಂಬ ಬೇಸರ ಅವರ ಕಳೆದ ವರ್ಷದ ನಿರ್ಧಾರದಲ್ಲಿ ಎದ್ದು ಕಾಣುತ್ತಿತ್ತು.

ಆ ಸಿನಿಮಾ ಈ ವರ್ಷವೂ ತೆರೆ ಕಾಣಿಸಲು ಅವರಿಗೆ ಸಾಧ್ಯವಾಗಲಿಲ್ಲವಾದ್ದರಿಂದ, ಮತ್ತೆ ಬೇಸರದಲ್ಲಿದ್ದಾರೆ ರವಿಚಂದ್ರನ್. ಯಾವತ್ತು ಮಂಜಿನ ಹನಿ ಬಿಡುಗಡೆಯಾಗುತ್ತದೋ ಅವತ್ತೆ ತನ್ನ ಹುಟ್ಟಿದ ಹಬ್ಬ ಎನ್ನುವಂತೆ ಮಾತಾಡುತ್ತಾರವರು. ಈ ವರ್ಷ ಅಂಬರೀಷ್ ಅರುವತ್ತರ ಹುಟ್ಟಹಬ್ಬವಾದ್ದರಿಂದ, ಅಂಬಿ ಸಂಭ್ರಮಕ್ಕೆ ಭಾರೀ ಸಿದ್ಧತೆಗಳಾಗುತ್ತಿವೆ. ನಾನು ಅದರಲ್ಲಿ ಭಾಗವಹಿಸಿ ಸಂತೋಷಪಡುತ್ತೇನೆ. ಈ ಬಾರಿ ಅದೇ ನನ್ನ ಹುಟ್ಟುಹಬ್ಬ ಎಂದಿದ್ದಾರೆ ರವಿಚಂದ್ರನ್. (ಒನ್‌ಇಂಡಿಯಾ ಕನ್ನಡ)