ಎಂಪಿ ಆದ ಸುಮಲತಾ ಅವರನ್ನ ದರ್ಶನ್-ಯಶ್ ಏನಂತ ಕರೀತಾರೆ?

ಎಂ ಪಿ ಮೇಡಮ್ ನಮಸ್ತೆ

ಸುಮಲತಾ ಮನೆ ಮಗನ ಹಾಗೆ ಇದ್ದವರು ರಾಕಿಂಗ್ ಸ್ಟಾರ್ ಯಶ್. ಸುಮಲತಾ ಪರವಾಗಿ, ಸುಮಲತಾ ನಿರ್ಧಾರಗಳ ಜೊತೆಯೆ ಇದ್ದು ಬೆಂಬಲಕ್ಕೆ ನಿಂತಿದ್ದ ಯಶ್ ಮಂಡ್ಯದಲ್ಲಿ ತಾನೆ ಚುನಾವಣೆಗೆ ನಿಂತಿದ್ದೀನಿ ಎನ್ನುವಷ್ಟು ಮಟ್ಟಕ್ಕೆ ಪ್ರಚಾರ ಮಾಡಿ ಸುಮಲತಾ ಅವರನ್ನು ಗೆಲ್ಲಿಸಿಕೊಟ್ಟಿದ್ದಾರೆ. ಈ ಖುಷಿಯಲ್ಲಿ ಈಗ ಎಂಪಿ ಆಗಿರುವ ಸುಮಲತಾ ಅವರನ್ನು ಯಶ್ ಎಂಪಿ ಮೇಡಮ್ ಎಂದು ಕೆರೆಯುತ್ತಿದ್ದಾರೆ. ಶುಭಾಶಯ ಹೇಳಲು ಮೊದಲು ಫೋನ್ ಕರೆ ಮಾಡಿದ್ದು ಯಶ್ ಅಂತೆ. ಫೋನ್ ಮಾಡಿ ಎಂ ಪಿ ಮೇಡಮ್ ನಮಸ್ತೆ ಎಂದು ಹೇಳಿದ್ದಾರಂತೆ.

ಮದರ್ ಇಂಡಿಯಾ ಎಂಪಿ

ದರ್ಶನ್ ಸುಮಲತಾ ಅವರನ್ನು ಯಾವಾಗಲು ಮದರ್ ಇಂಡಿಯಾ ಅಂತಾನೆ ಕರೆಯುವುದು. ಮದರ್ ಇಂಡಿಯ ಗೆಲುವಿಗೆ ಹಗಲು ರಾತ್ರಿ ಶ್ರಮಿಸಿರುವ ದರ್ಶನ್ ಗೆ ಸುಮಲತಾ ಗೆಲುವು ಹೇಳಲಾರದಷ್ಟು ಸಂತಸ ತಂದಿದೆ. 'ರಾಬರ್ಟ್' ಚಿತ್ರದ ಚಿತ್ರೀಕರಣದಲ್ಲಿರುವ ದರ್ಶನ್ ಸುಮಲತಾ ಗೆಲುವು ಸಾಧಿಸುತ್ತಿದಂತೆ ಫೋನ್ ಮಾಡಿದ್ದಾರಂತೆ. ಯಾವಾಗಲು ಮದರ್ ಇಂಡಿಯಾ ಅಂತ ಕರೆಯುತ್ತಿದ್ದ ದರ್ಶನ್ ಎಂಪಿ ಆದ ನಂತರ ಮದರ್ ಇಂಡಿಯಾ ಎಂಪಿ ಎಂದು ಕರೆಯುತ್ತೇನೆ ಅಂತ ಹೇಳಿದ್ದಾರೆ.

ಶುಭಾಶಯ ಹೇಳಿದ ಚಿರಂಜೀವಿ

ಅಂಬರೀಶ್ ದಕ್ಷಿಣ ಭಾರತೀಯ ದೊಡ್ಡ ದೊಡ್ಡ ಸ್ಟಾರ್ ಗಳ ಜೊತೆ ಉತ್ತಮ ಒಡನಾಟ ಇಟ್ಟುಕೊಂಡಿದ್ದರು. ಅದೆ ಬಾಂಧವ್ಯವನ್ನು ಸುಮಲತಾ ಕೂಡ ಮುಂದುವರೆಸಿಕೊಂಡು ಬಂದಿದ್ದಾರೆ. ಚುನಾವಣೆ ಅಖಾಡಕ್ಕೆ ಎಂಟ್ರಿ ಕೊಟ್ಟ ಸುಮಲತಾ ಅವರಿಗೆ ತೆಲುಗಿನ ಮೆಗಾ ಸ್ಟಾರ್ ಚಿರಂಜೀವಿ ಒಳ್ಳೆಯದಾಗಲೆ ಎಂದು ಹಾರೈಸಿದ್ರಂತೆ. ಈಗ ಭರ್ಜರಿ ಗೆಲುವು ಸಾಧಿಸಿರುವ ಸುಮಲತಾ ಅವರಿಗೆ ಫೋನ್ ಮಾಡಿ ಶುಭಹಾರೈಸಿದ್ದಾರಂತೆ.

ಅಭಿನಂದನೆಗಳ ಮಹಾಪೂರವೆ ಬರುತ್ತಿದೆ.

ನೂತನ ಎಂ ಪಿ ಆಗಿ ಆಯ್ಕೆ ಆಗಿರುವ ಸುಮಲತಾ ಅವರಿಗೆ ಕೇವಲ ಕರ್ನಾಕದಿಂದ ಮಾತ್ರವಲ್ಲದೆ ದೇಶದ ಬೇರೆ ಬೇರೆ ಕಡೆಯಿಂದನು ಶುಭಾಶಯಗಳ ಮಹಾಪೂರವೆ ಹರಿದು ಬರುತ್ತಿದೆಯಂತೆ. ಚೆನ್ನೈ, ಹೈದಾರಾಬಾದ್, ದೆಹಲಿ ಸೇರಿದಂತೆ ಅನೇಕ ಕಡೆಯಿಂದ ಗಣ್ಯರು ವಿಶ್ ಮಾಡುತ್ತಿದ್ದಾರಂತೆ. ಕೇವಲ ಸಿನಿಮಾ ಸ್ಟಾರ್ ಗಳು ಮಾತ್ರವಲ್ಲದೆ ರಾಜಕೀಯ ಗಣ್ಯರು ಶುಭಹಾರೈಸಿ ಅನೇಕರು 'ನಾವು ಕೂಡ ನಿಮ್ಮ ಗೆಲುವಿನ ಆಸೆಯಲ್ಲಿದ್ದೆವು' ಎಂದು ಹೇಳುತ್ತಿದ್ದಾರಂತೆ.