ಡಿ ಬಾಸ್ ಬರ್ತಡೇ 'ರಾಬರ್ಟ್' ನಾಯಕಿಗೂ ವಿಶೇಷವಾಗಿತ್ತು ಏಕೆ?

ದರ್ಶನ್ ಗೆ ವಿಶ್ ಮಾಡಿದ ಆಶಾ ಭಟ್

''ಹುಟ್ಟುಹಬ್ಬದ ಹಾರ್ದಿಕ ಶುಭಾಶಯಗಳು ಬಾಸ್. ರಾಬರ್ಟ್ ಚಿತ್ರದಲ್ಲಿ ನಟಿಸಿದ್ದು ಒಂದು ಅದ್ಭುತ ಜರ್ನಿ. ನಿಮ್ಮ ಜೊತೆ ನಟಿಸಿದ್ದು ಖುಷಿ ನೀಡಿದೆ. ಅತ್ಯದ್ಭುತವಾದ ಸಹನಟ, ಸಲಹೆಗಾರ ಅದು ದರ್ಶನ್ ಒಬ್ಬರೇ.'' ಎಂದು ಶುಭಕೋರಿದ್ದಾರೆ.

ಗ್ರೀನ್ ಸಿಗ್ನಲ್ ಸಿಕ್ಕಿದ್ದು ಖುಷಿ

ರಾಬರ್ಟ್ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾದ ಕ್ಷಣದಿಂದ ಆಶಾ ಭಟ್ ಮತ್ತು ದರ್ಶನ್ ಒಟ್ಟಿಗೆ ಕಾಣಿಸಿಕೊಂಡಿದ್ದು ಯಾವುದೇ ಫೋಟೋ ಹಂಚಿಕೊಂಡಿರಲಿಲ್ಲ. ಇದೇ ಮೊದಲ ಬಾರಿಗೆ ಡಿ ಬಾಸ್ ಜೊತೆಗಿರುವ ಫೋಟೋ ಹಂಚಿಕೊಂಡಿದ್ದಾರೆ ಆಶಾ ಭಟ್. ಅದಕ್ಕಾಗಿ ಅನುಮತಿ ಸಿಕ್ಕಿದೆ ಎಂದು ವಿಶೇಷವಾಗಿ ಪೋಸ್ಟ್ ಮಾಡಿದ್ದಾರೆ.

ಬಾಸ್ ಜೊತೆ ಫೋಟೋ ಹಂಚಿದ್ದು ಸಂತಸ

ದರ್ಶನ್ ಜೊತೆ ಸೆಟ್ ನಲ್ಲಿ ಇದ್ದಿದ್ದು ಆಗಲಿ ಅಥವಾ ಪೋಸ್ಟರ್ ಆಗಲಿ, ಅವರ ಜೊತೆ ಪೋಸ್ ಕೊಟ್ಟಿ ಯಾವ ಫೋಟೋವನ್ನು ಇದುವರೆಗೂ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರಲಿಲ್ಲ. ಡಿ ಬಾಸ್ ಬರ್ತಡೇ ಪ್ರಯುಕ್ತ ಫೋಟೋ ಶೇರ್ ಮಾಡಿದ್ದಕ್ಕೆ ಆಶಾ ಭಟ್ ವೈಯಕ್ತಿಕವಾಗಿ ಖುಷಿಯಾಗಿದ್ದಾರೆ.

ಚೊಚ್ಚಲ ಸಿನಿಮಾ

ಮೂಲತಃ ಕರ್ನಾಟಕದವರೇ ಆಗಿರುವ ಆಶಾ ಭಟ್ ಗೆ ಇದು ಮೊದಲ ಕನ್ನಡ ಸಿನಿಮಾ. ಚೊಚ್ಚಲ ಬಾರಿಗೆ ಕನ್ನಡ ಸಿನಿಮಾದಲ್ಲಿ ನಟಿಸಿರುವ ಆಶಾ ಭಟ್, ದರ್ಶನ್ ಜೊತೆ ತೆರೆಹಂಚಿಕೊಂಡಿರುವುದು ವಿಶೇಷ. ತರುಣ್ ಸುಧೀರ್ ಈ ಚಿತ್ರ ನಿರ್ದೇಶನ ಮಾಡಿದ್ದು, ಉಮಾಪತಿ ಶ್ರೀನಿವಾಸ್ ನಿರ್ಮಾಣ ಮಾಡಿದ್ದಾರೆ.