ಮರಿ ಟೈಗರ್ ಗೆ ಸಾಥ್ ನೀಡಿದ ಚಾಲೆಂಜಿಂಗ್ ಸ್ಟಾರ್

ಹೊಸ ಚಿತ್ರದಲ್ಲಿ ವಿನೋದ್ ಪ್ರಭಾಕರ್

ಚಿತ್ರರಂಗದಲ್ಲಿ ಮರಿ ಟೈಗರ್ ಅಂತಾನೆ ಪ್ರಖ್ಯಾತಿ ಪಡೆದಿರುವ ವಿನೋದ್ ಪ್ರಭಾಕರ್ ಅಭಿನಯದ ಹೊಸ ಸಿನಿಮಾ ಇಂದು ಸೆಟ್ಟೇರಿದೆ. ಚಿತ್ರವನ್ನ ಪೂರಿ ಜಗನ್ನಾಥ್ ಶಿಷ್ಯ ರವಿ ಗೌಡ ನಿರ್ದೇಶನ ಮಾಡುತ್ತಿದ್ದಾರೆ.

ಶುಭ ಕೋರಿದ ದರ್ಶನ್

ಬಹುತೇಕ ವಿನೋದ್ ಪ್ರಭಾಕರ್ ಅಭಿನಯದ ಚಿತ್ರಗಳಿಗೆ ದರ್ಶನ್ ಕ್ಲಾಪ್ ಮಾಡುತ್ತಾರೆ. ವಿನೋದ್ ಸಹಾಯಕ್ಕೆ ಡಿ ಬಾಸ್ ಎಂದಿಗೂ ನಿಂತಿರುತ್ತಾರೆ. ಅದಕ್ಕೂ ಹೆಚ್ಚಾಗಿ ಇವರಿಬ್ಬರ ಸ್ನೇಹ ಬಾಂದವ್ಯಕ್ಕೆ ಬೆಲೆ ಕೊಟ್ಟು ದರ್ಶನ್, ವಿನೋದ್ ಪ್ರಭಾಕರ್ ಚಿತ್ರದ ಮಹೂರ್ತಕ್ಕೆ ಬಂದು ಶುಭಾಶಯ ಹೇಳಿದ್ದಾರೆ.

ಸಿ ಎಂ ಆಗುತ್ತಾರಾ ವಿನೋದ್

ಸದ್ಯ ಮುಹೂರ್ತ ಮುಗಿಸಿರುವ ಚಿತ್ರತಂಡ ಸಿನಿಮಾ ಟೈಟಲ್ ಬಗ್ಗೆ ಎಲ್ಲಿಯೂ ಮಾತನಾಡಿಲ್ಲ. ಮೂಲಗಳ ಪ್ರಕಾರ ಚಿತ್ರತಂಡ ವಿನೋದ್ ಪ್ರಭಾಕರ್ ಅಭಿನಯದ ಸಿನಿಮಾಗೆ ಸಿಎಂ ಎನ್ನುವ ಶೀರ್ಷಿಕೆ ಇಡಬೇಕೆಂದು ನಿರ್ಧರಿಸಿದೆಯಂತೆ. ಆದರೆ ಸಿಎಂ ಎನ್ನುವ ಟೈಟಲ್ ರಿಯಲ್ ಸ್ಟಾರ್ ಬಳಿ ಇದೆ.

ಪಕ್ಕಾ ಮಾಸ್ ಸಿನಿಮಾ

ವಿನೋದ್ ಪ್ರಭಾಕರ್ ಅಭಿನಯಿಸುತ್ತಿರುವ ಹೊಸ ಚಿತ್ರದಲ್ಲಿ ಐದು ಅದ್ಧೂರಿ ಫೈಟ್ಸ್ ಗಳು ಇರಲಿವೆಯಂತೆ. ಇದೊಂದು ಔಟ್ ಅಂಡ್ ಔಟ್ ಕಮರ್ಷಿಯಲ್ ಚಿತ್ರವಾಗಿದ್ದು ಟಾಲಿವುಡ್ ನಾಯಕಿ ವಿನೋದ್ ಪ್ರಭಾಕರ್ ಜೋಡಿಯಾಗಿ ಅಭಿನಯಿಸುತ್ತಾರಂತೆ, ಉಳಿದಂತೆ ಮನೋಹರ್​ ಜೋಶಿ ಛಾಯಾಗ್ರಹಣ, ಅಚು ಸಂಗೀತ ಚಿತ್ರಕ್ಕಿರಲಿದೆ.