'ಡಿ' ಅಂದ್ರೆ ಡೆಡಿಕೇಷನ್: ಬರ್ತಡೇ ದಿನವೂ ವೃತ್ತಿಪರತೆ ಮೆರೆದ ಡಿ-ಬಾಸ್ ದರ್ಶನ್.!

ಅಭಿಮಾನಿಗಳಿಗೂ, ಸಿನಿಮಾಗೂ ಸಮಯ ಮೀಸಲು.!

ಜನ್ಮದಿನದಂದು ನೆಚ್ಚಿನ ನಟನಿಗೆ ಶುಭ ಕೋರಬೇಕು ಎಂದು ಬರುವ ಅಭಿಮಾನಿಗಳಿಗೆ ನಿರಾಸೆ ಆಗಬಾರದು ಎಂಬ ಕಾರಣಕ್ಕೆ ಪ್ರತಿಯೊಬ್ಬ ಅಭಿಮಾನಿಯ ಜೊತೆಗೂ ನಿನ್ನೆ ನಟ ದರ್ಶನ್ ಶೇಕ್ ಹ್ಯಾಂಡ್ ಮಾಡಿದರು. ಇದರ ಮಧ್ಯೆ ತಮ್ಮ ಸಿನಿಮಾಗೂ ಕೊಂಚ ಸಮಯವನ್ನು ದರ್ಶನ್ ಮೀಸಲಿಟ್ಟಿದ್ದರು.

'ರಾಬರ್ಟ್' ಚಿತ್ರಕ್ಕೆ ಡಬ್ಬಿಂಗ್.!

ಬರ್ತಡೇ ಸೆಲೆಬ್ರೇಟ್ ಮಾಡುವ ಕಾರಣಕ್ಕೆ ಕೆಲಸದಿಂದ ಬ್ರೇಕ್ ತೆಗೆದುಕೊಳ್ಳುವುದು ಸಾಮಾನ್ಯ. ಆದ್ರೆ, ಅದನ್ನೇ ನೆಪವಾಗಿ ಪರಿಗಣಿಸದೆ.. ಹುಟ್ಟುಹಬ್ಬ ಇದ್ದರೂ, ಸಿಕ್ಕಾಪಟ್ಟೆ ಬಿಜಿಯಿದ್ದರೂ.. 'ರಾಬರ್ಟ್' ಚಿತ್ರದ ಡಬ್ಬಿಂಗ್ ನಲ್ಲಿ ದರ್ಶನ್ ಪಾಲ್ಗೊಂಡಿದ್ದಾರೆ.

ಟೈಮ್ ವೇಸ್ಟ್ ಮಾಡುತ್ತಿಲ್ಲ.!

'ರಾಬರ್ಟ್' ಚಿತ್ರದ ಡಬ್ಬಿಂಗ್ ಕಾರ್ಯಕ್ಕೆ ಈಗಾಗಲೇ ಚಾಲನೆ ಕೊಟ್ಟಾಗಿದೆ. ಅತ್ತ 'ರಾಜವೀರ ಮದಕರಿ ನಾಯಕ' ಚಿತ್ರದ ಶೂಟಿಂಗ್ ಕೂಡ ನಡೆಯುತ್ತಿದೆ. ಹೀಗಾಗಿ, ಸ್ವಲ್ಪವೂ ಟೈಮ್ ವೇಸ್ಟ್ ಮಾಡದೆ ನಿನ್ನೆ 'ರಾಬರ್ಟ್' ಚಿತ್ರಕ್ಕಾಗಿ ಡಬ್ಬಿಂಗ್ ಮಾಡಿದ್ದಾರೆ ನಟ ದರ್ಶನ್.

ಏಪ್ರಿಲ್ ನಲ್ಲಿ 'ರಾಬರ್ಟ್' ಬಿಡುಗಡೆ

ಸದ್ಯ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿ 'ರಾಬರ್ಟ್' ಚಿತ್ರತಂಡ ಬಿಜಿಯಾಗಿದೆ. ನಿನ್ನೆಯಷ್ಟೇ ಬಿಡುಗಡೆಯಾದ 'ರಾಬರ್ಟ್' ಚಿತ್ರದ ಟೀಸರ್ ಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ತರುಣ್ ಸುಧೀರ್ ನಿರ್ದೇಶನದ 'ರಾಬರ್ಟ್' ಚಿತ್ರ ಏಪ್ರಿಲ್ ನಲ್ಲಿ ರಿಲೀಸ್ ಆಗಲಿದೆ.