ಮಹಾರಾಷ್ಟ್ರ ದರ್ಶನ್ ಅಭಿಮಾನಿಗಳಿಗೆ ನಿರಾಸೆ ಮಾಡಿದ ಮುನಿರತ್ನ

ಕುರುಕ್ಷೇತ್ರ ಹಿಂದಿಯಲ್ಲಿ ಬರುತ್ತಾ, ಇಲ್ವಾ?

''ಕುರುಕ್ಷೇತ್ರ ಚಿತ್ರವನ್ನ ಹಿಂದಿಯಲ್ಲಿ ರಿಲೀಸ್ ಮಾಡಿ. ನಾನು ಕಾಯುತ್ತಿರುವೆ. ನೀವು ಹಿಂದಿಯಲ್ಲಿ ರಿಲೀಸ್ ಮಾಡುತ್ತೀರಾ ಅಥವಾ ಇಲ್ವಾ? ನೀವು ಹಿಂದಿಯಲ್ಲಿ ರಿಲೀಸ್ ಮಾಡಲ್ಲ ಅಂದ್ರೆ ಕನ್ನಡದಲ್ಲಾದರೂ ಬಿಡುಗಡೆ ಮಾಡಿ. ನಾನು ದರ್ಶನ್ ಅವರ ದೊಡ್ಡ ಅಭಿಮಾನಿ. ದಯವಿಟ್ಟು ಮುನಿರತ್ನ, ದರ್ಶನ್ ಅವರೇ ಪ್ರತಿಕ್ರಿಯಿಸಿ'' ಎಂದು ಮನವಿ ಮಾಡಿದ್ದಾನೆ.

ಮೊದಲ ದಿನ ದರ್ಶನ್ ಸಿನಿಮಾ ನೋಡಿಲ್ಲ

''ನಾನು ದರ್ಶನ್ ಅವರ ದೊಡ್ಡ ಅಭಿಮಾನಿ. ನಾನು ಪುಣೆಯಲ್ಲಿದ್ದೇನೆ. ಕುರುಕ್ಷೇತ್ರ ಚಿತ್ರಕ್ಕಾಗಿ ಕಾಯುತ್ತಿದ್ದೇನೆ. ಇದೇ ಮೊದಲ ಸಲ ನಾನು ದರ್ಶನ್ ಚಿತ್ರವನ್ನ ಮೊದಲ ಶೋ ನೋಡದೆ ಇರುವುದು. ದಯವಿಟ್ಟು ಮಹಾರಾಷ್ಟ್ರದಲ್ಲಿ ಬೇಗ ಕುರುಕ್ಷೇತ್ರ ಚಿತ್ರವನ್ನ ಬಿಡುಗಡೆ ಮಾಡಿ'' ಎಂದು ಮತ್ತೊಬ್ಬ ಅಭಿಮಾನಿ ಟ್ವೀಟ್ ಮಾಡಿ ಮನವಿ ಮಾಡಿದ್ದಾರೆ.

ಸೆಪ್ಟೆಂಬರ್ 12ಕ್ಕೆ ಸರ್ಪ್ರೈಸ್ ಕೊಡ್ತಾರಾ?

ಈ ಬಗ್ಗೆ ಅಭಿಮಾನಿಗಳಿಗೆ ಒಂದು ಕುತೂಹಲ ಇದೆ. ಬಹುಶಃ ಸೆಪ್ಟೆಂಬರ್ 12 ರಂದು ಕುರುಕ್ಷೇತ್ರ ಹಿಂದಿ ರಿಲೀಸ್ ಮಾಡಬಹುದು ಎಂದು ಕೆಲವರು ಊಹಿಸುತ್ತಿದ್ದಾರೆ. ಮತ್ತೆ ಕೆಲವರು ಮೂರನೇ ವಾರ ಬರಬಹುದು ಎಂದು ಗೆಸ್ ಮಾಡುತ್ತಿದ್ದಾರೆ. ಆದರೆ, ಅಧಿಕೃತ ಮಾಹಿತಿ ಘೋಷಣೆಯಾಗಿಲ್ಲ. ಸೆಪ್ಟೆಂಬರ್ 12 ರಂದು ಸುದೀಪ್ ಅಭಿನಯದ ಪೈಲ್ವಾನ್ ಸಿನಿಮಾ ಐದು ಭಾಷೆಯಲ್ಲಿ ತೆರೆಕಾಣುತ್ತಿದೆ.

ಮುಂದಿನ ತಿಂಗಳು ಹಿಂದಿ ಕುರುಕ್ಷೇತ್ರ

ಕುರುಕ್ಷೇತ್ರ ಚಿತ್ರತಂಡದ ಮೂಲಗಳ ಪ್ರಕಾರ, ಈ ತಿಂಗಳ ಅಂತ್ಯಕ್ಕೆ ಅಥವಾ ಮುಂದಿನ ತಿಂಗಳ ಆರಂಭಕ್ಕೆ ಕುರುಕ್ಷೇತ್ರ ಸಿನಿಮಾ ಹಿಂದಿಯಲ್ಲಿ ಬರಬಹುದು ಎನ್ನುತ್ತಿದ್ದಾರೆ. ದರ್ಶನ್ ಅಭಿನಯದ ಒಡೆಯ ಸಿನಿಮಾವೂ ಬಿಡುಗಡೆಗೆ ಸಜ್ಜಾಗುತ್ತಿದೆ. ಆ ಚಿತ್ರಕ್ಕೆ ಮುನ್ನವೇ ಕುರುಕ್ಷೇತ್ರ ಬರಬೇಕಾದ ಅನಿವಾರ್ಯತೆ ಇದೆ.