'ಭರ್ಜರಿ' ಚಿತ್ರವನ್ನು ದರ್ಶನ್ ಅಭಿಮಾನಿಗಳು ನೋಡಲೇಬೇಕು! ಏಕೆ?

'ಅದ್ಧೂರಿ' ಧ್ರುವ ಸರ್ಜಾ ನಟನೆಯ 'ಭರ್ಜರಿ' ಚಿತ್ರ ಸ್ಯಾಂಡಲ್‌ ವುಡ್‌ ನಲ್ಲಿ ಹಲವು ದಿನಗಳಿಂದ ಹಲವು ವಿಶೇಷತೆಗಳಿಂದ ಸದ್ದು ಮಾಡುತ್ತಿದೆ. ಅಲ್ಲದೆ ಈ ಚಿತ್ರಕ್ಕಾಗಿ ಧ್ರುವ ಸರ್ಜಾ ಅಭಿಮಾನಿಗಳು ತುದಿಗಾಲಲ್ಲಿ ಕಾದು ಕುಳಿತಿದ್ದಾರೆ. ಆದರೆ ಇದೀಗ ತಿಳಿದಿರುವ ಲೇಟೆಸ್ಟ್ ಮಾಹಿತಿಯನ್ನು ಕೇಳಿದರೆ ಬಾಕ್ಸ್ ಆಫೀಸ್ ಸುಲ್ತಾನ್ ದರ್ಶನ್ ರವರ ಅಭಿಮಾನಿಗಳು ಈ ಚಿತ್ರವನ್ನು ಮಿಸ್ ಮಾಡದೇ ನೋಡಲೇಬೇಕಾಗಿದೆ.

ಹೌದು, ಯಾಕಂದ್ರೆ ಬಹು ನಿರೀಕ್ಷಿತ 'ಭರ್ಜರಿ' ಸಿನಿಮಾದಲ್ಲಿ 'ದಾಸ' ದರ್ಶನ್ ರವರ ಧ್ವನಿಯ ಲೇಪನವಿದೆಯಂತೆ. ಡಿ ಬಾಸ್ ಈ ಚಿತ್ರಕ್ಕೆ ತಮ್ಮ ಖಡಕ್ ಧ್ವನಿಯನ್ನು ನೀಡಿದ್ದು, ಬೆಳ್ಳಿತೆರೆಯ ಮೇಲೆ 'ಭರ್ಜರಿ' ಕಥೆ ದರ್ಶನ್ ರವರ ಹಿನ್ನೆಲೆ ಧ್ವನಿಯಿಂದ ಶುರುವಾಗಲಿದೆಯಂತೆ. ಈ ಬಗ್ಗೆ ದರ್ಶನ್ ಅಭಿಮಾನಿಗಳ ಅಧಿಕೃತ ಟ್ವಿಟ್ಟರ್ ಫ್ಯಾನ್‌ ಪೇಜ್ ಡಿಕಂಪನಿ ಟ್ವೀಟ್ ಮಾಡಿದೆ.

ಈ ಹಿನ್ನೆಲೆಯಿಂದ ಈಗ 'ಭರ್ಜರಿ' ಚಿತ್ರದ ಬಗ್ಗೆ ಇನ್ನಷ್ಟು ಕುತೂಹಲ ಭರ್ಜರಿಯಾಗಿಯೇ ಹೆಚ್ಚಾಗಿದೆ. ದರ್ಶನ್ ಅಭಿಮಾನಿಗಳು ಅವರ ಖಡಕ್ ಧ್ವನಿಯನ್ನು ಧ್ರುವ ಸರ್ಜಾ ಅಭಿನಯದ 'ಭರ್ಜರಿ' ಚಿತ್ರದಲ್ಲೂ ಕೇಳುವ ಅಭಿಲಾಷೆ ಇದ್ದಲ್ಲಿ ಈ ಸಿನಿಮಾವನ್ನು ಮಿಸ್ ಮಾಡದೇ ವೀಕ್ಷಿಸಲೇಬೇಕಾಗಿದೆ.

ಅಂದಹಾಗೆ 'ಭರ್ಜರಿ' ಚಿತ್ರದ ಆಡಿಯೋ ಸದ್ಯದಲ್ಲೇ ಬಿಡುಗಡೆ ಆಗಲಿದೆ. 'ಬಹದ್ಧೂರ್' ಚೇತನ್ ನಿರ್ದೇಶನದ ಈ ಚಿತ್ರದಲ್ಲಿ ಧ್ರುವ ಸರ್ಜಾ ಗೆ ರಚಿತಾ ರಾಮ್ ಜೊತೆಯಾಗಿ ನಟಿಸಿದ್ದಾರೆ. ಆಕ್ಷನ್ ಮತ್ತು ಲವ್ ಸ್ಟೋರಿ ಹೊಂದಿರುವ ಈ ಚಿತ್ರದಲ್ಲಿ 'ನೀರ್‌ದೋಸೆ' ಖ್ಯಾತಿಯ ಹರಿಪ್ರಿಯಾ ರವರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.