'ಯಾರದ್ದೂ ಕರೆಕ್ಟ್ ಪಿಕ್ಚರ್ ಸಿಗಲ್ಲ': ಕಲೆಕ್ಷನ್ ಬಗ್ಗೆ 'ಯಜಮಾನ' ನೇರ ಮಾತು

ಯಜಮಾನ ಕಲೆಕ್ಷನ್ ಎಷ್ಟು?

ಯಜಮಾನ ಸಿನಿಮಾ ಅತಿ ದೊಡ್ಡ ಮಟ್ಟದಲ್ಲಿ ಬಿಡುಗಡೆಯಾಗಿತ್ತು. ಹಾಗಾಗಿ, ಚಿತ್ರದ ಕಲೆಕ್ಷನ್ ಮೇಲೆ ಸಹಜವಾಗಿ ಕುತೂಹಲವಿರುತ್ತೆ. ನಿನ್ನೆಯಷ್ಟೇ ಸಕ್ಸಸ್ ಮೀಟ್ ಹಮ್ಮಿಕೊಂಡಿದ್ದ ಚಿತ್ರತಂಡಕ್ಕೆ ಕೆಲಕ್ಷನ್ ಎಷ್ಟು ಎಂಬ ಪ್ರಶ್ನೆ ಎದುರಾಯಿತು. ಈ ಬಗ್ಗೆ ಉತ್ತರಿಸಿದ ದರ್ಶನ್ ''ಕಲೆಕ್ಷನ್ ಅಂಕಿ ಅಂಶ ತಗೊಂಡು ನೀವೇನ್ ಮಾಡ್ತೀರಾ, ಎಲ್ಲರದ್ದು ಉಹಾಪೋಹಾ ಬಿಡಿ'' ಎಂದಿದ್ದಾರೆ.

ಯಾರದ್ದೂ ಸರಿಯಾದ ವಿವರ ಸಿಗಲ್ಲ

''ಎಲ್ಲರದ್ದೂ ಊಹಾಪೋಹಗಳನ್ನ ಹಾಕಿಕೊಂಡಿರುವುದನ್ನ ಅಷ್ಟೇ ನಾವು ನೋಡಿರುವುದು. ನಾವು ಇಂಡಸ್ಟ್ರಿಯಲ್ಲಿ ಇಷ್ಟು ದಿನ ಮಣ್ಣು ಎತ್ತಿದ್ದೀವಿ. ಯಾವ ಸಿನಿಮಾ, ಯಾವ ಥಿಯೇಟರ್ ನಲ್ಲಿ ಓಡಿದ್ರೆ ಎಷ್ಟು ದುಡ್ಡು ಬರುತ್ತೆ ಎನ್ನುವುದು ಎಲ್ಲರಿಗೂ ಗೊತ್ತಿರೋದೇ. ಇದು ಕ್ಲೀನ್ ಪಿಕ್ಚರ್'' ಎಂದು ದರ್ಶನ್ ಓಪನ್ ಆಗಿ ಮಾತನಾಡಿದ್ರು.

ಕನ್ನಡ ಇಂಡಸ್ಟ್ರಿಯಲ್ಲಿ ಗಳಿಕೆ ಸುಳ್ಳಾ?

ದರ್ಶನ್ ಅವರ ಮಾತು ಕೇಳಿದ್ಮೇಲೆ ಕನ್ನಡ ಇಂಡಸ್ಟ್ರಿಯಲ್ಲಿ ಬಹುತೇಕ ಚಿತ್ರಗಳ ಕಲೆಕ್ಷನ್ ಸುಳ್ಳಾ ಎಂಬ ಅನುಮಾನ ಬರದೇ ಇರಲ್ಲ. ಮೂರೇ ದಿನಕ್ಕೆ ಅಷ್ಟು ಕೋಟಿ ಗಳಿಕೆ ಮಾಡಿದೆ, ಒಂದೇ ವಾರಕ್ಕೆ ರೆಕಾರ್ಡ್ ಬ್ರೇಕ್ ಮಾಡಿದೆ ಅಂತ ಸುದ್ದಿ ಮಾಡ್ತಾರೆ. ಆದ್ರೆ, ಅಧಿಕೃತವಾಗಿ ಅಂಕಿ ಅಂಶಗಳು ಯಾವುದು ಸತ್ಯವಿರಲ್ಲ ಎನ್ನುವುದು ವಾಸ್ತವನಾ? ಗಳಿಕೆ ಬಗ್ಗೆ ಹೇಳಿಕೊಳ್ಳುವುದು ಬರಿ ಪ್ರಚಾರಕ್ಕಾ?

ಸಿನಿಮಾ ಸಕ್ಸಸ್ ಹೇಳೋರು ಗಳಿಕೆ ಯಾಕೆ ಹೇಳಲ್ಲ

ಬಾಲಿವುಡ್, ಟಾಲಿವುಡ್, ಕಾಲಿವುಡ್ ಅವರೆಲ್ಲಾ ಕಲೆಕ್ಷನ್ ಬಗ್ಗೆ ಅಧಿಕೃತವಾಗಿ ಹೇಳ್ತಾರೆ. ಅದು ನಿಜಕ್ಕೂ ಅಷ್ಟು ದುಡ್ಡ ಗಳಿಸಿರುತ್ತೋ ಇಲ್ವೋ ಗೊತ್ತಿಲ್ಲ. ಬಟ್, ಒಂದು ಅಂಕಿ ಅಂಶವಾದ್ರೂ ಹೇಳಿಕೊಳ್ತಾರೆ. ಬಟ್, ಕನ್ನಡದಲ್ಲಿ ಸಿನಿಮಾ ಸಕ್ಸಸ್, ದುಡ್ಡು ಮಾಡಿದೆ ಎನ್ನುವುದು ಬಿಟ್ಟರೇ ಅಂದಾಜಿಗಾದರೂ ಫಿಗರ್ಸ್ ಹೇಳಲ್ಲ. ಇದು ಸಹಜವಾಗಿ ಅನುಮಾನ ಮೂಡಿಸುತ್ತೆ.