'ಕುರುಕ್ಷೇತ್ರ' ಶೂಟಿಂಗ್ ಬಿಡುವಿನ ವೇಳೆ 'ದುರ್ಯೋಧನ' ಏನ್ ಮಾಡ್ತಾರೆ?

ಮುನಿರತ್ನ ನಿರ್ಮಾಣ ಮಾಡುತ್ತಿರುವ 'ಕುರುಕ್ಷೇತ್ರ' ಸಿನಿಮಾದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ದಿನಕ್ಕೆ ಒಂದು ಅಥವಾ ಎರಡು ದೃಶ್ಯಗಳನ್ನ ಮಾತ್ರ ಚಿತ್ರೀಕರಸಿಲಾಗುತ್ತಿದೆ. ಅದರಲ್ಲಿಯೂ ಎರಡು ಬಾರಿ, ಅಂದ್ರೆ 2ಡಿ ವರ್ಷನ್ ಗೆ ಒಂದು ಸಲ, 3ಡಿ ವರ್ಷನ್ ಗೆ ಇನ್ನೊಂದು ಸಲ ಶೂಟಿಂಗ್ ನಡೆಯುತ್ತಿದೆಯಂತೆ.

ಬೆಳಿಗ್ಗೆ 11 ಗಂಟೆಯಿಂದ ಶುರುವಾಗುವ ಚಿತ್ರೀಕರಣ ಸಂಜೆ 6 ರ ವರೆಗೂ ನಿರಂತರವಾಗಿ ನಡೆಯುತ್ತೆ. ಇದರಲ್ಲಿ ಮೇಕಪ್ ಹಾಕಿಸಿಕೊಳ್ಳುವುದಕ್ಕೆ 2 ಗಂಟೆ ಮುಂಚೆಯೇ ಸೆಟ್ ಗೆ ಬರಬೇಕು. ಹೀಗೆ, ಕನ್ನಡದ ಬಹುದೊಡ್ಡ ಸಿನಿಮಾಗಾಗಿ ಬಹಳ ಶ್ರದ್ಧೆಯಿಂದ ನಟ ದರ್ಶನ್ ಮತ್ತು ತಂಡ ಭಾಗವಹಿಸಿದ್ದಾರೆ.

ಹಾಗಿದ್ರೆ, ದರ್ಶನ್ ಅವರು ದಿನಚರಿ ಈಗ ಹೇಗಿದೆ? 'ಕುರುಕ್ಷೇತ್ರ' ಚಿತ್ರದ ಶೂಟಿಂಗ್ ಬಿಡುವಿನಲ್ಲಿ ದುರ್ಯೋಧನ ಎನು ಮಾಡ್ತಾರೆ ಎಂಬ ಕುತೂಹಲ ಕಾಡುವುದು ಸಹಜ.

ದರ್ಶನ್ ಬೆಳಗ್ಗೆ ಎದ್ದವರೇ ಜಾಗಿಂಗ್ ಮಾಡಿ, ಎರಡು ಗಂಟೆ ಜಿಮ್ ನಲ್ಲಿ ಬೆವರು ಹರಿಸುತ್ತಾರಂತೆ. ಸೆಟ್ ನಲ್ಲಿ ಮೇಕಪ್ ಗೆ 2 ಗಂಟೆ ಸಮಯ ತೆಗೆದುಕೊಳ್ಳುತ್ತಾರೆ. ಇದರ ನಡುವೆ ತಮ್ಮದೇ ಬೆಂಗಳೂರಿನಿಂದ ತೆಗೆದುಕೊಂಡು ಹೋಗಿರುವ ಸೈಕಲ್ ನಲ್ಲಿ ರಾಮೋಜಿ ಫಿಲ್ಮ್ ಸಿಟಿಯನ್ನ ಒಂದು ರೌಂಡ್ ಹೊಡಿತಾರಂತೆ.