ದರ್ಶನ್ ಕಾರು ಅಪಘಾತ: 'ಡಿ-ಬಾಸ್'ಗೆ ಆಘಾತ ನೀಡಿದ ವೈದ್ಯರ ಸಲಹೆ

ಭಾರ ಎತ್ತುವಂತಿಲ್ಲ

ದರ್ಶನ್ ಅವರ ಬಲಗೈ ಶಸ್ತ್ರ ಚಿಕಿತ್ಸೆ ಮಾಡಿರುವುದರಿಂದ ಮುಂದಿನ ಕೆಲವು ದಿನಗಳವರೆಗೂ ಭಾರ ಎತ್ತುವಂತಿಲ್ಲ ಎಂದು ವೈದ್ಯರು ಸಲಹೆ ನೀಡಿದ್ದಾರೆ. ಅದರಲ್ಲೂ ''ಬಲಗೈಗೆ ಹೆಚ್ಚು ಕೆಲಸ ಕೊಡುವಂತಿಲ್ಲ'' ಎಂದು ಸೂಚಿಸಿದ್ದಾರಂತೆ. ಹೀಗಾಗಿ, ದರ್ಶನ್ ಅವರು ಇನ್ಮುಂದೆ ತುಂಬಾ ಕಟ್ಟುನಿಟ್ಟಾಗಿ ಇರಬೇಕಾಗಿದೆ. ಆಕ್ಷನ್ ದೃಶ್ಯಗಳಲ್ಲಿ ಅಭಿನಯಿಸುವುದು ಕಷ್ಟವಾಗಬಹುದು.

ಇನ್ನೊಂದು ವರ್ಷ ಜಿಮ್ ಮಾಡುವಂತಿಲ್ಲ

ಚಾಲೆಂಜಿಂಗ್ ಸ್ಟಾರ್ ತಮ್ಮ ದೇಹವನ್ನ ತುಂಬಾ ಕಟ್ಟುಮಸ್ತಾಗಿ ನಿಯಂತ್ರಿಸಿಕೊಂಡಿದ್ದಾರೆ. ಅದಕ್ಕೆ ಕಾರಣ ಜಿಮ್. ಈಗ ಬಲಗೈಗೆ ಗಾಯವಾಗಿರುವುದರಿಂದ ಜಿಮ್ ಮಾಡೋವುದಕ್ಕೆ ಬ್ರೇಕ್ ಹಾಕಬೇಕಿದೆ. ಬಹುತೇಕ ಒಂದು ವರ್ಷ ಜಿಮ್ ನಿಂದ ದೂರವಿರಲು ವೈದ್ಯರು ಸಲಹೆ ನೀಡಿದ್ದಾರೆ ಎನ್ನಲಾಗಿದೆ. ಹಾಗಿದ್ರೆ, ಒಂದು ವರ್ಷ ಜಿಮ್ ಮಾಡದೇ ದರ್ಶನ್ ಇರಲು ಸಾಧ್ಯವೇ.?

2 ವರ್ಷ ಕೈಯಲ್ಲಿರುವ ಪ್ಲೇಟ್ ತೆಗೆಯುವಂತಿಲ್ಲ

ಶಸ್ತ್ರ ಚಿಕಿತ್ಸೆಗೆ ಒಳಗಾಗಿರುವ ದರ್ಶನ್ ಅವರ ಬಲಗೈನಲ್ಲಿ ಪ್ಲೇಟ್ ಹಾಕಲಾಗಿದೆಯಂತೆ. ಹೀಗಾಗಿ, ಎರಡು ವರ್ಷದ ನಂತರ ಈ ಪ್ಲೇಟ್ ತೆಗೆಯಬಹುದು ಎಂದಿದ್ದಾರಂತೆ. ಹಾಗಾಗಿ, ಇಷ್ಟೊಂದು ಕಂಡಿಷನ್ ಮತ್ತು ಸಲಹೆಗಳು ಅಗತ್ಯವಾಗಿದೆಯಂತೆ. ಇನ್ನು ನಾಲ್ಕು ವಾರದ ನಂತರ ಕೈಗೆ ಕಟ್ಟಿರುವ ಪಟ್ಟಿ ತೆಗೆಯಬಹುದಂತೆ.

8 ವಾರ ಶೂಟಿಂಗ್ ಮಾಡುವಂತಿಲ್ಲ

ಸದ್ಯಕ್ಕೆ ಯಾವಾಗ ಶೂಟಿಂಗ್ ಗೆ ವಾಪಸ್ ಆಗ್ತಾರೆ ಎಂಬ ಪ್ರಶ್ನೆ ನಿರ್ಮಾಪಕರನ್ನ ಕಾಡ್ತಿದೆ. ಸದ್ಯದ ಮಾಹಿತಿ ಪ್ರಕಾರ ಏಂಟು ವಾರಗಳ ಕಾಲ ಶೂಟಿಂಗ್ ನಲ್ಲಿ ಭಾಗಿಯಾಗಬಾರದು ಎಂದು ವೈದ್ಯರು ದರ್ಶನ್ ಗೆ ಸೂಚಿಸಿದ್ದಾರೆ ಎನ್ನಲಾಗಿದೆ. ಏಂಟು ವಾರ ಅಂದ್ರೆ ಎರಡು ತಿಂಗಳು. ಎರಡು ತಿಂಗಳು ಡಿ ಬಾಸ್ ಸಿನಿಮಾಗಳಿಗೆ ಬ್ರೇಕ್ ಬೀಳಲಿದ್ಯಾ.?

ದರ್ಶನ್ ಗೆ ವಿಲ್ ಪವರ್ ಇದೆ

ದರ್ಶನ್ ಅವರಿಗೆ ಆಗಿರುವ ಗಾಯವನ್ನ ಪರಿಗಣಿಸಿ ವೈದ್ಯರು ಇಷ್ಟೊಂದು ಸಲಹೆ ನೀಡಿದ್ದಾರೆ. ಹಾಗಾಗಿ, ಡಿ ಬಾಸ್ ಮೊದಲಿನಂತೆ ಆಗಬೇಕು ಅಂದ್ರೆ ಈ ಸಲಹೆಗಳನ್ನ ಕಟ್ಟುನಿಟ್ಟಾಗಿ ಪಾಲಿಸಬೇಕಾಗಿದೆ. ಆದ್ರೆ, ದರ್ಶನ್ ನಿಜಕ್ಕೂ ಇಷ್ಟು ದಿನ ಸಮಯ ತೆಗೆದುಕೊಳ್ಳುವುದಿಲ್ಲ. ಆದಷ್ಟೇ ಬೇಗ ರೆಡಿಯಾಗ್ತಾರೆ. ಅವರಿಗೆ ವಿಲ್ ಪವರ್ ಹೆಚ್ಚಿದೆ. ಇನ್ನೊಂದು ತಿಂಗಳಲ್ಲಿ ಫಿಟ್ ಆಗ್ತಾರೆ ಎಂಬ ವಿಶ್ವಾಸವನ್ನ ನಿರ್ದೇಶಕ ಎಂ ಡಿ ಶ್ರೀಧರ್ ವ್ಯಕ್ತಪಡಿಸಿದ್ದಾರೆ.