ಏಪ್ರಿಲ್‌ನಲ್ಲಿ ಯುವರತ್ನ, ಅದೇ ತಿಂಗಳು ಮತ್ತೊಂದು ಬಿಗ್ ಸಿನಿಮಾ ತೆರೆಗೆ?

ರಾಬರ್ಟ್ ಎಂಟ್ರಿ ಯಾವಾಗ?

2020ರ ಏಪ್ರಿಲ್ ತಿಂಗಳಲ್ಲಿ ದರ್ಶನ್ ನಟನೆಯ ರಾಬರ್ಟ್ ಸಿನಿಮಾ ತೆರೆಗೆ ಬರಬೇಕಿತ್ತು. ಲಾಕ್‌ಡೌನ್‌ನಿಂದ ಬರಲಿಲ್ಲ. ಈಗ ಚಿತ್ರಮಂದಿರದಲ್ಲಿ ನೂರರಷ್ಟು ಪ್ರೇಕ್ಷಕರಿಗೆ ಅವಕಾಶ ಕೊಡೋವರೆಗೂ ರಾಬರ್ಟ್ ಬರಲ್ಲ ಎಂದ ದೃಢ ನಿರ್ಧಾರ ಮಾಡಿದಂತಿದೆ. ಇದನ್ನು ನಿರ್ಮಾಪಕ ಹಾಗೂ ದರ್ಶನ್ ಅವರ ಸಹ ಹಲವು ಸಲ ಹೇಳಿದ್ದಾರೆ. ರಾಬರ್ಟ್ ಎಂಟ್ರಿ ದಿನಾಂಕ ಪ್ರೇಕ್ಷಕರ ಪಾಲಿಗೆ ಸದ್ಯಕ್ಕೆ ಗೊಂದಲವಾಗಿಯೇ ಉಳಿದುಕೊಂಡಿದೆ.

ಏಪ್ರಿಲ್ ತಿಂಗಳಲ್ಲೇ ತೆರೆಗೆ?

ಕೊರೊನಾ ಭೀತಿ, ಸರ್ಕಾರದ ನಿಲುವಿನ ಬಗ್ಗೆ ಕಾದು ನೋಡುತ್ತಿರುವ ರಾಬರ್ಟ್ ಸಿನಿಮಾ ಏಪ್ರಿಲ್ ತಿಂಗಳಲ್ಲೇ ತೆರೆಗೆ ಬರುವ ಲೆಕ್ಕಾಚಾರದಲ್ಲಿ ಎಂದು ಹೇಳಲಾಗುತ್ತಿದೆ. ಸದ್ಯಕ್ಕೆ ಏಪ್ರಿಲ್ ತಿಂಗಳು ಎಂದು ಫಿಕ್ಸ್ ಆಗಿದ್ದಾರೆ ಎಂಬ ಮಾಹಿತಿ ಮೂಲಗಳಿಂದ ತಿಳಿದು ಬಂದಿದೆ. ಆದರೆ, ಈ ಬಗ್ಗೆಯೂ ಅಧಿಕೃತ ಅಥವಾ ಖಚಿತ ಮಾಹಿತಿ ಇಲ್ಲ.

ಪೊಗರು ಮೊದಲು ಬರಬಹುದು!

ಧ್ರುವ ಸರ್ಜಾ ನಟನೆಯ ಪೊಗರು ಸಿನಿಮಾ ಕನ್ನಡ, ತೆಲುಗು ಹಾಗೂ ತಮಿಳಿನಲ್ಲಿ ಬಿಡುಗಡೆಯಾಗಲಿದೆ. ಹೈದರಾಬಾದ್, ಚೆನ್ನೈಗೆ ಹೋಗಿಬಂದಿರುವ ಚಿತ್ರತಂಡ ಬಿಡುಗಡೆ ಕುರಿತು ಅಂತಿಮ ನಿರ್ಧಾರಕ್ಕೆ ಬಂದಿದ್ದಾರೆ ಎನ್ನಲಾಗಿದೆ. ಸದ್ಯದ ಲೆಕ್ಕಾಚಾರ ನೋಡಿದ್ರೆ ಪೊಗರು ಸಿನಿಮಾ ಜನವರಿ ಅಂತ್ಯಕ್ಕೆ ಅಥವಾ ಫೆಬ್ರವರಿ ತಿಂಗಳಲ್ಲಿ ಬರುವ ನಿರೀಕ್ಷೆ ಇದೆ.

ಕೋಟಿಗೊಬ್ಬ-ಸಲಗ ಸದ್ಯಕ್ಕೆ ಸೈಲೆಂಟ್!

ಸುದೀಪ್ ನಟನೆಯ ಕೋಟಿಗೊಬ್ಬ 3 ಸಿನಿಮಾ ಕುರಿತು ಯಾವುದೇ ಅಪ್‌ಡೇಟ್ ಇಲ್ಲ. ಚಿತ್ರತಂಡವೂ ಯಾವುದೇ ಮಾಹಿತಿ ನೀಡಿಲ್ಲ. ಸಲಗ ಸಿನಿಮಾನೂ ಬಿಡುಗಡೆಗೆ ಸಜ್ಜಾಗಿದೆ. ಥಿಯೇಟರ್‌ಗಳ ಪರಿಸ್ಥಿತಿಗೆ ಬಗ್ಗೆ ಕಾದುನೋಡುತ್ತಿದೆ. ಈ ಹಿಂದೆ ಸಲಗ ನಿರ್ಮಾಪಕ ಕೆಪಿ ಶ್ರೀಕಾಂತ್ ಮಾತನಾಡಿದ್ದ ಸಂದರ್ಭದಲ್ಲಿ 'ಥಿಯೇಟರ್‌ಗಳು ಪೂರ್ಣ ಪ್ರಮಾಣದಲ್ಲಿ ಅವಕಾಶ ಸಿಗುವವರೆಗೂ ಸಲಗ ಬರಲ್ಲ' ಎಂದಿದ್ದರು.