2018ರಲ್ಲಿ ಚಿತ್ರರಂಗಕ್ಕೆ ಕಾಲಿಟ್ಟ ಹೊಸ ನಿರ್ದೇಶಕರಿವರು

ಮಹೇಶ್ ಗೌಡ (ಅಯೋಗ್ಯ)

ಈ ವರ್ಷದ ಸೂಪರ್ ಹಿಟ್ ಸಿನಿಮಾಗಳಲ್ಲಿ ಪ್ರಮುಖ ಸಾಲಿಗೆ ಸೇರುವುದು 'ಅಯೋಗ್ಯ'. ಯೋಗರಾಜ್ ಭಟ್ ಜೊತೆಗೆ ಕೆಲಸ ಕಲಿತ ಮಹೇಶ್ ಈ ಸಿನಿಮಾದ ಮೂಲಕ ನಿರ್ದೇಶಕನ ಪಟ್ಟ ಪಡೆದರು. ಮಾತ್ರವಲ್ಲದೆ, ಅದನ್ನು ಯಶಸ್ವಿಯಾಗಿ ನಿಭಾಯಿಸಿದರು. ಈ ಸಿನಿಮಾ ನೂರು ದಿನ ಪ್ರದರ್ಶನ ಕಂಡಿತು. ಜನರು ಮಂಡ್ಯದ ಬೆಲ್ಲದಂತೆ ಚಿತ್ರವನ್ನು ಸವಿದರು.

ಈ ವರ್ಷ ಸ್ಟಾರ್ ಕಿರೀಟ ತೊಟ್ಟ ನಟಿ ಯಾರು?

ಗುರುದತ್ ಗಾಣಿಗ (ಅಂಬಿ ನಿಂಗೆ ವಯಸ್ಸಾಯ್ತೋ)

ನಟ ಸುದೀಪ್ ಅವರ ಬಳಗದಲ್ಲಿ ಇದ್ದ ಗುರುದತ್ ಗಾಣಿಗ 'ಅಂಬಿ ನಿಂಗೆ ವಯಸ್ಸಾಯ್ತೋ' ಸಿನಿಮಾದ ಮೂಲಕ ಡೈರೆಕ್ಟರ್ ಆದರು. ಈ ಸಿನಿಮಾ ಚೆನ್ನಾಗಿ ಇದ್ದರೂ ತಕ್ಕ ಫಲ ಸಿಗಲಿಲ್ಲ. ಅದೆನೇ ಇದ್ದರೂ, ಈ ವಯಸ್ಸಿನಲ್ಲಿ ಅಂಬರೀಶ್ ಮತ್ತು ಸುದೀಪ್ ರೀತಿಯ ದಿಗ್ಗಜರಿಗೆ ಆಕ್ಷನ್ ಕಟ್ ಹೇಳಿದ ಗುರು ಸಾಹಸ ಮೆಚ್ಚಬೇಕು.

ಈ ವರ್ಷ ಯಾವ ನಟರ ಸಿನಿಮಾ ಎಷ್ಟು, ಯಾರು ಬೆಸ್ಟು?

ಸೆನ್ನಾ ಹೆಗ್ಡೆ (ಕಥೆಯೊಂದು ಶುರುವಾಗಿದೆ)

'ಕಥೆಯೊಂದು ಶುರುವಾಗಿದೆ' ಸಿನಿಮಾದ ಮೂಲಕ ಸೆನ್ನಾ ಹೆಗ್ಡೆ ನಿರ್ದೇಶಕನಾದರು. ಈ ಸಿನಿಮಾ ಒಂದು ಬ್ಯೂಟಿಫುಲ್ ಫೀಲ್ ನೀಡಿತ್ತು. ಮೇಕಿಂಗ್ ಹಾಗೂ ನಿರೂಪಣೆಯಲ್ಲಿ ಸೆನ್ನಾ ಹೆಗ್ಡೆ ಹೊಸತನವನ್ನು ತೋರಿಸಿದ್ದರು. ದಿಗಂತ್ ಗೆ ಈ ಚಿತ್ರ ಒಂದು ಬ್ರೇಕ್ ನೀಡಿತು.

ಜರ್ನಾಧನ್ ಚಿಕ್ಕಣ್ಣ (ಗುಳ್ಟು)

'ಗುಳ್ಟು' ರೀತಿಯ ಒಂದು ಸಿನಿಮಾವನ್ನು ಕನ್ನಡದಲ್ಲಿ ಮಾಡಿ ಗೆಲ್ಲಬಹುದು ಎಂದು ತೋರಿಸಿಕೊಟ್ಟವರು ಜರ್ನಾಧನ್ ಚಿಕ್ಕಣ್ಣ. ಕನ್ನಡದಲ್ಲಿ ಬರುತ್ತಿರುವ ವಿಭಿನ್ನ ಸಿನಿಮಾಗಳ ಸಾಲಿಗೆ ಈ ಸಿನಿಮಾ ಕೂಡ ಸೇರಿಕೊಂಡಿತು. ತಂತ್ರಜ್ಙಾನದ ಕಥೆಯನ್ನು ಸಾಮಾನ್ಯ ಪ್ರೇಕ್ಷಕನಿಗೆ ತಲುಪಿಸಿ ಜರ್ನಾಧನ್ ಚಿಕ್ಕಣ್ಣ ಗೆಲುವು ಸಾಧಿಸಿದರು. ಸಿನಿಮಾ ನೂರು ದಿನ ಓಡಿತು.

ವಿಜಯ ರಾಘವೇಂದ್ರ (ಕಿಸ್ಮತ್)

ವಿಜಯ್ ರಾಘವೇಂದ್ರ ಅವರಿಗೆ ಈ ವರ್ಷ ಒಂದು ವಿಶೇಷಕ್ಕೆ ಸಾಕ್ಷಿಯಾಗಿದೆ. ಕಾರಣ, ಹೀರೋ ಆಗಿದ್ದ ವಿಜಯ ರಾಘವೇಂದ್ರ ಈ ವರ್ಷ ನಿರ್ದೇಶಕ ಸಹ ಆದರು. ಅವರ ಬಹುದಿನದ ಕನಸು 'ಕಿಸ್ಮತ್' ಚಿತ್ರವನ್ನು ಪ್ರೇಕ್ಷಕರ ಮುಂದೆ ಇಟ್ಟರು. ಆದರೆ, ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿದ್ದ ಈ ಸಿನಿಮಾ ಸೋಲು ಅನುಭವಿಸಿತು.

ರಿಶಿಕಾ ಶರ್ಮಾ (ಟ್ರಂಕ್)

ರಿಷಿಕಾ ಶರ್ಮಾ ಕನ್ನಡದ ಖ್ಯಾತ ನಿರ್ದೇಶಕ ಜಿವಿ ಅಯ್ಯರ್ ಅವರ ಮೊಮ್ಮಗಳು. ಇವರ ಮೊದಲ ನಿರ್ದೇಶಕನದ ಸಿನಿಮಾ 'ಟ್ರಂಕ್'. ಈ ಸಿನಿಮಾಗೆ ಒಳ್ಳೆಯ ಪ್ರತಿಕ್ರಿಯೆ ಇದ್ದರೂ ಹೆಚ್ಚು ದಿನ ಚಿತ್ರಮಂದಿರದಲ್ಲಿ ಉಳಿಯಲಿಲ್ಲ. 'ಟ್ರಂಕ್' ಒಂದು ಕಂಪ್ಲಿಟ್ ಹಾರರ್ ಶೋ, ಥ್ರಿಲ್ ಜಾಸ್ತಿ ನೀಡಿತ್ತು.