ಅದೃಷ್ಟದ ಬಾಗಿಲು ತೆಗೆದು ಚಂದನವನಕ್ಕೆ ಬಂದ ಚೆಲುವೆಯರು.!

ಐಶ್ವರ್ಯ ಅರ್ಜುನ್

ಬಹುಭಾಷಾ ನಟ ಅರ್ಜುನ್ ಸರ್ಜಾ ಅವರ ಪುತ್ರಿಯ ಎಂಟ್ರಿ ಈ ವರ್ಷದ ಪ್ರಮುಖ ಆಕರ್ಷಣೆಗಳಲ್ಲಿ ಒಂದು. ಸ್ವತಃ ಸರ್ಜಾ ನಿರ್ದೇಶನ, ನಿರ್ಮಾಣ ಮಾಡಿದ್ದ 'ಪ್ರೇಮ ಬರಹ' ಚಿತ್ರದ ಮೂಲಕ ಕನ್ನಡ ಇಂಡಸ್ಟ್ರಿಗೆ ಐಶ್ವರ್ಯ ಅರ್ಜುನ್ ಅವರನ್ನ ಪರಿಚಯ ಮಾಡಿದ್ರು. ತುಂಬಾ ಅದ್ಧೂರಿಯಾಗಿ ಸ್ಯಾಂಡಲ್ ವುಡ್ ಪ್ರವೇಶ ಮಾಡಿದ ಸರ್ಜಾ ಪುತ್ರಿ, ನಟನೆ, ಡ್ಯಾನ್ಸ್ ಎಲ್ಲದರಲ್ಲಿಯೂ ಗಮನ ಸೆಳೆದರು.

ನಿಶ್ವಿಕಾ ನಾಯ್ಡು

ಚಿರು ಸರ್ಜಾ ಅಭಿನಯದ 'ಅಮ್ಮ ಐ ಲವ್ ಯೂ' ಚಿತ್ರದ ಮೂಲಕ ನಿಶ್ವಿಕಾ ನಾಯ್ಡು ಎಂಬ ಮುದ್ದಾದ ನಟಿ ಚಂದನವನಕ್ಕೆ ಕಾಲಿಟ್ಟರು. ಮೊದಲ ಸಿನಿಮಾ ಬಿಡುಗಡೆಯಾಗುವುದಕ್ಕೆ ಮುಂಚೆಯೇ ನಿಶ್ವಿಕಾ ಮತ್ತಷ್ಟು ಚಿತ್ರಗಳಿಂದ ಅವಕಾಶ ಪಡೆದುಕೊಂಡು ಇಂಡಸ್ಟ್ರಿಯಲ್ಲಿ ಶೈನ್ ಆಗ್ತಿದ್ದಾರೆ. 'ವಾಸು ನಾನ್ ಪಕ್ಕಾ ಕಮರ್ಷಿಯಲ್' ಚಿತ್ರದಲ್ಲೂ ನಿಶ್ವಿಕಾ ನಾಯಕಿಯಾಗಿದ್ದರು.

ಕಾವ್ಯ ಗೌಡ

ಕಿರುತೆರೆಯಲ್ಲಿ ಎಲ್ಲರ ಗಮನ ಸೆಳೆದಿದ್ದ ನಟಿ ಕಾವ್ಯಗೌಡ, 'ಬಕಾಸುರ' ಚಿತ್ರದ ಮೂಲಕ ಬಿಗ್ ಸ್ಕ್ರೀನ್ ಗೆ ಪ್ರವೇಶ ಪಡೆದುಕೊಂಡಿದ್ದು ಇದೇ ವರ್ಷ. 'ಬಕಾಸುರ' ಚಿತ್ರದಲ್ಲಿ ರವಿಚಂದ್ರನ್, ಆರ್.ಜೆ ರೋಹಿತ್ ನಟಿಸಿದ್ದರು. ಬಹುಶಃ ಕಾವ್ಯಗೂ ಮುಂದಿನ ದಿನಗಳಲ್ಲಿ ಒಳ್ಳೆಯ ಅವಕಾಶಗಳು ಹುಡುಕಿಕೊಂಡು ಬರಬಹುದು.

ಪೂಜಾ ದೇವರಿಯಾ

ದಿಗಂತ್ ಅಭಿನಯಿಸಿದ್ದ 'ಕಥೆಯೊಂದು ಶುರುವಾಗಿದೆ' ಸಿನಿಮಾ ಒಳ್ಳೆಯ ಪ್ರತಿಕ್ರಿಯೆ ಪಡೆದುಕೊಂಡಿತ್ತು. ಈ ಚಿತ್ರದ ಮೂಲಕ ನಟಿ ಪೂಜಾ ದೇವರಿಯಾ ಕನ್ನಡ ಚಿತ್ರರಂಗಕ್ಕೆ ಪ್ರವೇಶ ಮಾಡಿದ್ರು. ಹಾಗಾಗಿ, ಚಂದನವನದ ಮೇಲೆ ಮತ್ತೋರ್ವ ನಟಿ ಅದೃಷ್ಟ ಪರೀಕ್ಷೆ ಎದುರಿಸಲಿದ್ದಾರೆ.

ಮಿಷ್ಠಿ ಚಕ್ರವರ್ತಿ

ಕ್ರೇಜಿಸ್ಟಾರ್ ಪುತ್ರ ಮನೋರಂಜನ್ ಅಭಿನಯಿಸಿದ್ದ 'ಬೃಹಸ್ಪತಿ' ಚಿತ್ರದ ಮೂಲಕ ಮಿಷ್ಠಿ ಚಕ್ರವರ್ತಿ, ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಟ್ಟರು. ವರ್ಷದ ಮೊದಲ ಸಿನಿಮಾದಲ್ಲಿ ಕಾಣಿಸಿಕೊಂಡ ಮಿಷ್ಠಿ, ಮತ್ತೆ ಎಲ್ಲೂ ಕಾಣಿಸಿಲ್ಲ. ಬಟ್, ಬ್ಯುಸಿಯಾಗುವ ಲಕ್ಷಣಗಳಿವೆ.

ಶ್ರೀನಿಧಿ ಶೆಟ್ಟಿ

ಇನ್ನು ಬಿಡುಗಡೆಯಾಗದ ಕೆಜಿಎಫ್ ಚಿತ್ರದಲ್ಲಿ ಅಭಿನಯಿಸಿರುವ ಶ್ರೀನಿಧಿ ಶೆಟ್ಟಿ ಈಗಾಗಲೇ ಟಾಕ್ ಆಫ್ ದಿ ಇಂಡಸ್ಟ್ರಿ ಆಗಿದ್ದಾರೆ. ಚೊಚ್ಚಲ ಚಿತ್ರದಲ್ಲೇ ಕೆಜಿಎಫ್ ಸಿನಿಮಾ ಮೆಗಾ ಸಿನಿಮಾಗೆ ಅವಕಾಶ ಪಡೆದುಕೊಂಡು, ಕನ್ನಡ ಮಾತ್ರವಲ್ಲದೇ ಬಹುಭಾಷೆಯಲ್ಲೂ ಮಿಂಚುವ ಸುಳಿವು ನೀಡಿದ್ದಾರೆ. ಇವರ ಜೊತೆ ಇನ್ನು ಹಲವು ನಟಿಯರು ಇಂಡಸ್ಟ್ರಿಗೆ ಎಂಟ್ರಿಕೊಟ್ಟಿದ್ದಾರೆ. ನಿಮಗೆ ಯಾರು ಇಷ್ಟವಾದರು ಎಂದು ಕಾಮೆಂಟ್ ಮಾಡಿ ತಿಳಿಸಿ.