ದೀಪಿಕಾ To ಕತ್ರಿನಾ ಕೈಫ್: ಪಾರ್ಟಿಗಳಲ್ಲಿ ಡಾನ್ಸ್ ಮಾಡಲು ಕೋಟಿ ಕೋಟಿ ಚಾರ್ಜ್!

ಕತ್ರಿನಾ ಕೈಫ್ 3.5 ಕೋಟಿ ರೂ. ಚಾರ್ಜ್!

ಬಾಲಿವುಡ್ ನಟಿ ಕತ್ರಿನಾ ಕೈಫ್ ಡಾನ್ಸ್ ಮಾಡೋದ್ರಲ್ಲಿ ಸೈ ಎನಿಸಿಕೊಂಡಿರುವಾಕೆ. ಕತ್ರಿನಾ ಅಭಿನಯದ ಯಾವುದೇ ಸಿನಿಮಾ ಬಂದರೂ ಆ ಚಿತ್ರದಲ್ಲಿ ನಟಿ ಕತ್ರಿನಾ ಕೈಫ್ ಅವರ ವಿಶೇಷವಾದ ಹಾಡು, ನೃತ್ಯ ಇದ್ದೇ ಇರುತ್ತೆ. ಇನ್ನು ಪ್ರೈವೇಟ್ ಪಾರ್ಟಿಗಳಲ್ಲೂ ಕೂಡ ಕತ್ರಿನಾ ಕೈಫ್ ಡಾನ್ಸ್ ಮಾಡ್ತಾರೆ. ಇದಕ್ಕಾಗಿ ಅವರು ಪಡೆದುಕೊಳ್ಳುವ ಹಣ 3.5 ಕೋಟಿ ರೂ. ಅಂತೆ. ಈ ಮೂಲಕ ಕತ್ರಿನಾ ಕೈಫ್ ಬಾಲಿವುಡ್ ನಟ ನಟಿಯರ ಪೈಕಿ ಅತಿ ಹೆಚ್ಚು ಸಂಭಾವನೆ ಪಡೆದುಕೊಳ್ಳುವ ಮೊದಲ ನಟಿಯಾಗಿದ್ದಾರೆ.

ಶಾರುಖ್ 3 ಕೋಟಿ, ಸಲ್ಮಾನ್ 2 ಕೋಟಿ ರೂ.!

ಇನ್ನು ಬಾಲಿವುನ್‌ನಲ್ಲಿ ನಟಿಮಣಿಯರು ಮಾತ್ರವಲ್ಲ, ಸಿನಿಮಾ ನಟರು ಕೂಡ ಪ್ರೈವೇಟ್ ಪಾರ್ಟಿಗಳಲ್ಲಿ ಡಾನ್ಸ್ ಮಾಡಲು ಹೋಗ್ತಾರೆ. ಇದಕ್ಕಾಗಿ ಅವರು ಕೂಡ ಕೋಟಿ, ಕೋಟಿ ಹಣವನ್ನು ಪಡೆದುಕೊಳ್ಳುತ್ತಾರೆ. ಬಾಲಿವುಡ್‌ನ ಸೂಪರ್‌ ಸ್ಟಾರ್‌ಗಳಾದ ನಟ ಶಾರುಖ್ ಖಾನ್ ಒಂದು ಡಾನ್ಸ್‌ಗೆ 3 ಕೋಟಿ ರೂ. ಹಣ ಪಡೆಯುತ್ತಾರೆ. ಮತ್ತು ನಟ ಸಲ್ಮಾನ್ ಖಾನ್ ಕೂಡ ಒಂದು ಪಾರ್ಟಿಯಲ್ಲಿ ಒಮ್ಮೆ ಡಾನ್ಸ್ ಮಾಡಲು ಬರೋಬ್ಬರಿ 2 ಕೋಟಿ ರೂ. ಹಣವನ್ನು ಪಡೆದು ಕೊಳ್ಳುತ್ತಾರಂತೆ.

ದೀಪಿಕಾ, ರಣ್ವೀರ್ ಡ್ಯಾನ್ಸ್‌ಗೆ 1 ಕೋಟಿ ರೂ.

ಇನ್ನೂ ಬಾಲಿವುಡ್‌ನಲ್ಲಿ ಹೆಸರಾಂತ ಜೋಡಿಗಳಾದ ದೀಪಿಕಾ ಪಡುಕೋಣೆ ಮತ್ತು ರಣ್ವೀರ್ ಸಿಂಗ್ ಕೋಡ ಡಾನ್ಸ್ ಮಾಡ್ತಾರೆ. ಒಂದು ಕೋಟಿ ಕೊಟ್ಟರೆ ದೀಪಿಕಾ ಪಡುಕೋಣೆ ನಿಮ್ಮ ವೈಯಕ್ತಿಕ ಪಾರ್ಟಿಗಳಲ್ಲಿ ಬಂದು ಡಾನ್ಸ್ ಮಾಡಿ ಹೋಗುತ್ತಾರೆ. ಅಂತೆಯೇ ನಟ ರಣಬೀರ್ ಸಿಂಗ್ ಕೂಡ ಪ್ರೈವೇಟ್ ಪಾರ್ಟಿಯಲ್ಲಿ ಡಾನ್ಸ್ ಮಾಡಲು ಒಂದು ಕೋಟಿ ರೂ. ಹಣವನ್ನು ಪಡೆದುಕೊಳ್ಳುತ್ತಾರೆ ಎನ್ನಲಾಗಿದೆ.

ಹೃತಿಕ್, ರಣಬೀರ್, ಅಕ್ಷಯ್ ಚಾರ್ಜ್ ಎಷ್ಟು?

ಇನ್ನು ಬಾಲಿವುಡ್‌ ಹ್ಯಾಂಡ್ಸಮ್ ಹಂಕ್ ಹೃತಿಕ್ ರೋಷನ್ ಕೂಡ ದುಬಾರಿ ಮೊತ್ತವನ್ನು ಪಡೆದುಕೊಳ್ಳುತ್ತಾರೆ. ಹೃತಿಕ್ ರೋಷನ್ ಪ್ರೈವೇಟ್ ಕಾರ್ಯಕ್ರಮಗಳಲ್ಲಿ ಡಾನ್ಸ್ ಮಾಡಬೇಕು ಎಂದರೆ ಅವರಿಗೆ 2. 5 ಕೋಟಿ ರೂ. ಹಣವನ್ನು ಕೊಡಬೇಕಾಗುತ್ತೆ. ಹಾಗೆ ನಟ ರಣ್ಬೀರ್ ಕಪೂರ್ ಕೂಡ ಇದೇ ಸಾಲಿನಲ್ಲಿ ಇದ್ದಾರೆ. ರಣ್ಬೀರ್ 2 ಕೋಟಿ ರೂ. ಪಡೆಯುತ್ತಾರಂತೆ. ನಟ ಅಕ್ಷಯ್ ಕುಮಾರ್ ಒಂದು ನೃತ್ಯಕ್ಕೆ 2.5 ಕೋಟಿ ರೂ. ಚಾರ್ಜ್ ಮಾಡುತ್ತಾರೆ.