ಹೊಸ ಕೆಲಸ ಶುರು ಮಾಡಿದ 'ಟಗರು' ಡಾಲಿ ಧನಂಜಯ್

'ಆರ್ಕೆಸ್ಟ್ರ'

ರಘು ದೀಕ್ಷಿತ್ ಅವರ ಸಹ ನಿರ್ಮಾಣದಲ್ಲಿ 'ಆರ್ಕೆಸ್ಟ್ರ' ಎಂಬ ಹೊಸ ಸಿನಿಮಾ ಬರುತ್ತಿದೆ. ಈ ಸಿನಿಮಾದಲ್ಲಿ ರಘು ದೀಕ್ಷಿತ್ ಅವರ ಸಂಗೀತಕ್ಕೆ ಧನಂಜಯ್ ಸಾಹಿತ್ಯ ಬರೆದಿದ್ದಾರೆ.

ಒಂಬತ್ತು ಹಾಡುಗಳು

ವಿಶೇಷ ಅಂದರೆ ಈ ಸಿನಿಮಾದ 9 ಹಾಡುಗಳನ್ನು ಧನಂಜಯ್ ಬರೆದಿದ್ದಾರೆ. ಈ ಸಿನಿಮಾದಲ್ಲಿ ಒಟ್ಟು 11 ಹಾಡುಗಳಿವೆ. ಮೊದಲ ಬಾರಿ ಸಾಹಿತ್ಯ ಬರೆಯುವುದಕ್ಕೆ ಹೊರಟು ಒಂದೇ ಚಿತ್ರದಲ್ಲಿ 9 ಹಾಡು ಬರೆದ ಧನಂಜಯ್ ಪ್ರಯತ್ನ ಮೆಚ್ಚಬೇಕಾಗಿದೆ.

ಬರವಣಿಗೆಯ ಅನುಭವ

ಧನಂಜಯ್ ರಂಗಭೂಮಿಯಿಂದ ಬಂದಿರುವ ಕಲಾವಿದ. ಅಲ್ಲಿ ಅವರಿಗೆ ಬರವಣಿಗೆಯ ಅನುಭವ ಇದ್ದು, ಅದೇ ಕಾರಣದಿಂದ ಧನಂಜಯ್ ಕೈ ನಲ್ಲಿ ನಿರ್ದೇಶಕರು ಚಿತ್ರದ ಹಾಡುಗಳನ್ನು ಬರೆಸಿದ್ದಾರೆ.

ಸುನೀಲ್ ಮೈಸೂರು ನಿರ್ದೇಶನ

ಸುನೀಲ್ ಮೈಸೂರು ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಇದೊಂದು ಮ್ಯೂಸಿಕಲ್ ಸಿನಿಮಾವಾಗಿದೆ. ಚಿತ್ರದ ಕಥೆ ಮೈಸೂರಿನ 'ಆರ್ಕೆಸ್ಟ್ರ' ಸಂಸ್ಕೃತಿಯ ಬಗ್ಗೆ ಇದೆ.