ಡಬ್ಬಿಂಗ್ ಸಿನಿಮಾ 'ಧೀರ' ರಿಲೀಸ್ ಆಗಿದೆ: ವೀಕ್ಷಕರು ಏನಂದ್ರು?

ಎಲ್ಲವೂ ಚೆನ್ನಾಗಿ ಮೂಡಿ ಬಂದಿದೆ

''ವಾಯ್ಸ್ ಡಬ್ಬಿಂಗ್ ಸೇರಿದಂತೆ ಚಿತ್ರದಲ್ಲಿ ಎಲ್ಲವೂ ಚೆನ್ನಾಗಿದೆ. ಅಜಿತ್ ಅವರು ತೆರೆಮೇಲೆ ನೋಡೋದಕ್ಕೆ ನಮ್ಮ ವಿಷ್ಣು ಸರ್ ಅವರ ತರನೇ ಕಾಣ್ತಾರೆ. ಯಾವುದೇ ಭಾಷೆಯ ಬೇದ-ಭಾವವಿಲ್ಲದೇ ಬಂದು ಸಿನಿಮಾ ನೋಡಿ. ಇದನ್ನ ಸಿನಿಮಾ ಅಂತ ನೋಡಿ'' ಎಂದು ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಕನ್ನಡದಲ್ಲೇ ನೋಡ್ಬೇಕು

''ಬಹಳ ಸಂತೋಷ ಆಗ್ತಿದೆ. ತಮಿಳಿನಲ್ಲಿ ನೋಡಿರಲಿಲ್ಲ. ಕನ್ನಡದಲ್ಲಿ ಈ ಸಿನಿಮಾ ನೋಡಬೇಕು ಎಂದು ಇಷ್ಟಪಟ್ಟೆ. ಅದಕ್ಕೆ ಫಸ್ಟ್ ಡೇ ಬಂದು ನೋಡಿದೆ'' ಎಂದು ಸಿನಿಮಾ ನೋಡಿದ ಪ್ರೇಕ್ಷಕರು ಖುಷಿ ಹಂಚಿಕೊಂಡಿದ್ದಾರೆ.

ಭಾಷೆಯ ಬೆಳವಣಿಗೆ ಸಾಧ್ಯ

''ಇಡೀ ಜಗತ್ತನ್ನೇ ಕನ್ನಡದಲ್ಲಿ ನೋಡುವ ಆಸೆ. ಕನ್ನಡದಲ್ಲೇ ನೋಡಬೇಕು ಎನ್ನುವ ಭಾಷಾಭಿಮಾನ. ಭಾಷಾ ಬೆಳವಣಿಗೆಗೆ ಇದು ಸಹಕಾರಿಯಾಗುತ್ತೆ. ಬೇರೆ ಭಾಷಿಗರು ಕೂಡ ಅವರ ಸಿನಿಮಾನ ನಮ್ಮ ಭಾಷೆಯಲ್ಲಿ ನೋಡಲಿ. ಅದಕ್ಕೆ ನಾನು ಕೂಡ ಈ ಸಿನಿಮಾ ನೋಡ್ತಿದ್ದಿನಿ'' ಎಂದು ಕೆಲವು ಪ್ರೇಕ್ಷಕರು ತಿಳಿಸಿದ್ದಾರೆ.

40 ವರ್ಷದ ಕನಸು

''ಸುಮಾರು 45, 50 ವರ್ಷಗಳ ಕನಸು ಇದು ಬೇರೆ ಭಾಷೆಯ ಚಿತ್ರಗಳು ಕನ್ನಡದಲ್ಲಿ ಡಬ್ಬಿಂಗ್ ಆಗುವುದು ಒಳ್ಳೆಯದು. ನಮ್ಮ ಫ್ಯಾಮಿಲಿ ಸಮೇತ ಸಿನಿಮಾ ನೋಡುತ್ತಿದ್ದೇನೆ'' ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.

ಮತ್ತೆಲ್ಲಿ ಬಿಡುಗಡೆಯಾಗಿದೆ

ಬೆಂಗಳೂರಿನಲ್ಲಿ ಒಂದು ಚಿತ್ರಮಂದಿರ ಸೇರಿದಂತೆ ರಾಜ್ಯದ ಇತರೆ ನಗರದಲ್ಲೂ 'ಧೀರ' ತೆರೆಕಂಡಿದೆ. ಮೂಡಬಿದ್ರೆಯ 'ಅಮರಶ್ರೀ', ಕಾರ್ಕಳದ 'ಪ್ಲಾನೆಟ್' ಚಿತ್ರಮಂದಿರ, ಹಾಗೂ ಬೈಂದೂರಿನ 'ಶಂಕರ್' ಚಿತ್ರಮಂದಿರದಲ್ಲಿ ಈಗಾಗಲೇ ತೆರೆಕಂಡಿದೆ.