ಫನ್ ಗಾಗಿ ಮಾಡಿದ್ದು, ಆದರೀಗ ಅಮೂಲ್ಯವಾದ ವಿಡಿಯೋವಾಗಿದೆ: ಧ್ರುವ ಸರ್ಜಾ ಪತ್ನಿ

ಅಮೂಲ್ಯ ವಿಡಿಯೋ

ಧ್ರುವ ಪತ್ನಿ ಪ್ರೇರಣಾ ಈ ವಿಡಿಯೋ ಶೇರ್ ಮಾಡಿ "ಇದನ್ನು ಫನ್ ಗಾಗಿ ಮಾಡಿದ್ದು, ಇದನ್ನು ಪೋಸ್ಟ್ ಮಾಡುತ್ತೇನೆ ಅಂತ ಎಂದಿಗೂ ಅಂದುಕೊಂಡಿರಲಿಲ್ಲ. ಆದರೀಗ ನನ್ನ ಬಳಿ ಇರುವ ಅಮೂಲ್ಯವಾದ ವಿಡಿಯೋಗಳಲ್ಲಿ ಒಂದಾಗಿದೆ" ಎಂದು ಬರೆದು ಹಾರ್ಟ್ ಇಮೋಜಿ ಹಾಕಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.

ಚಿರು ನೆನಪಲ್ಲಿ ವಿಡಿಯೋ

ಅಂದ್ಹಾಗೆ ಪ್ರೇರಣಾ ಎಲ್ಲಿಯೂ ಡ್ಯಾನ್ಸ್ ಅಥವಾ ಜಾಲಿ ಮಾಡುತ್ತಿರುವ ವಿಡಿಯೋವನ್ನು ಶೇರ್ ಮಾಡಿರಲಿಲ್ಲ. ಇದೆ ಮೊದಲ ಬಾರಿಗೆ ಚಿರು ನೆನಪಿಗಾಗಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಇದಕ್ಕೂ ಮೊದಲು ಪ್ರೇರಣಾ ಮತ್ತು ಚಿರು ಇಬ್ಬರು ಕಣ್ಣು ಮಿಟುಕಿಸುವ ವಿಡಿಯೋವನ್ನು ಶೇರ್ ಮಾಡಿದ್ದರು.

ಮೇಘನಾ ಹೆಸರು ಬದಲು

ಇತ್ತೀಚಿಗೆ ಮೇಘನಾ ರಾಜ್ ಹೆಸರನ್ನು ಬದಲಾಯಿಸಿಕೊಂಡಿದ್ದಾರೆ. ಮೇಘನಾ ಹೆಸರಿನ ಜೊತೆಗೆ ಸರ್ಜಾ ಕುಟುಂಬದ ಸರ್ ನೇಮ್ ಸೇರಿಕೊಳ್ಳುವ ಮೂಲಕ ಪತಿಯ ನೆನಪು ಸದಾ ಜೊತೆಯಲ್ಲಿ ಇರುವಂತೆ ಮಾಡಿದ್ದಾರೆ. ಇನ್ನೂ ಫೇಸ್ ಪ್ರೊಫೈಲ್ ಬದಲಾಯಿಸಿದ್ದಾರೆ. ಚಿರು ನೆನಪು ಅವರನ್ನು ಸದಾ ಕಾಡುತ್ತಿದೆ. ಆ ನೆನಪಿನಲ್ಲಿಯೆ ದಿನಕಳೆಯುತ್ತಿದ್ದಾರೆ.

ಚಿರು ಪಾತ್ರಕ್ಕೆ ಡಬ್ಬಿಂಗ್

ಚಿರು ಅವರನ್ನು ನೆನಪಿಸಿಕೊಂಡು ಧ್ರುವ ಸರ್ಜಾ ನಿರಂತರವಾಗಿ ಸಾಮಾಜಿಕ ಜಾಲತಾಣದಲ್ಲಿ ಫೋಟೊಗಳನ್ನು ಹಂಚಿಕೊಳ್ಳುವ ಮೂಲಕ ನೋವು ವ್ಯಕ್ತಪಡಿಸುತ್ತಿದ್ದಾರೆ. ಚಿರಂಜೀವಿ ಸರ್ಜಾ ಅವರ 'ರಾಜಮಾರ್ತಾಂಡ' ಚಿತ್ರದಲ್ಲಿ ಚಿರು ಪಾತ್ರಕ್ಕೆ ಧ್ರುವ ಸರ್ಜಾ ಡಬ್ಬಿಂಗ್ ಮಾಡಲು ಮುಂದಾಗಿದ್ದಾರೆ.