ವಿಶ್ವದಾಖಲೆ ನಿರ್ಮಿಸಿದ ಧ್ರುವ ಶರ್ಮಾ ಅಭಿನಯದ ಕೊನೆಯ ಸಿನಿಮಾ

ಧ್ರುವ ನಟನೆಯ ಕೊನೆ ಚಿತ್ರ 'ಕಿಚ್ಚು'

ನಟ ಧ್ರುವ ಶರ್ಮಾ ಅಭಿನಯಿಸಿದ್ದ ಕೊನೆಯ ಚಿತ್ರ 'ಕಿಚ್ಚು'. ಬಹುತೇಕ ಚಿತ್ರೀಕರಣ ಮುಗಿಸಿದ್ದ ಈ ಚಿತ್ರ ಈಗ ಬಿಡುಗಡೆಗೆ ಸಜ್ಜಾಗಿತ್ತು. ವಿಶೇಷ ಅಂದ್ರೆ, ಈ ಚಿತ್ರವನ್ನ ಸ್ವತಃ ಧ್ರುವ ಶರ್ಮಾ ಅವರೇ ನಿರ್ಮಾಣ ಮಾಡಿದ್ದರು.

ವಿಶ್ವದಾಖಲೆ ನಿರ್ಮಿಸಿದ ಸಿನಿಮಾ

ಈ ಚಿತ್ರದಲ್ಲಿ ಧ್ರುವ ಶರ್ಮಾ ಶರ್ಮಾ ಅವರಿಗೆ ಜೋಡಿಯಾಗಿ ಬಹುಭಾಷಾ ನಟಿ ಅಭಿನಯ ಕಾಣಿಸಿಕೊಂಡಿದ್ದಾರೆ. ಇವರಿಬ್ಬರ ಜೋಡಿಯೇ ಈಗ ಸಿನಿಲೋಕದಲ್ಲಿ ದಾಖಲೆಗೆ ಕಾರಣವಾಗಿರುವುದು.

ಏನದು ದಾಖಲೆ?

ನಟಿ ಅಭಿನಯ ಕೂಡ ಧ್ರುವ ಶರ್ಮಾ ಅವರಂತೆ ಮಾತು ಬಾರದ, ಮತ್ತು ಕಿವಿ ಕೇಳದ ವಿಶಿಷ್ಟ ಪ್ರತಿಭೆ. ಹೀಗಾಗಿ, ಈ ನಿಜಜೀವನದ ಇಬ್ಬರು ವಿಶಿ‍ಷ್ಟ ಕಲಾವಿದರು, ಚಿತ್ರದಲ್ಲೂ ಅದೇ ರೀತಿಯ ಪಾತ್ರಗಳಲ್ಲಿ ಬಣ್ಣಹಚ್ಚಿರುವುದು ಇದೇ ಮೊದಲು. ಚಿತ್ರದಲ್ಲಿ ಇಬ್ಬರು ಗಂಡ-ಹೆಂಡತಿ ಪಾತ್ರದಲ್ಲಿ ಅಬಿನಯಿಸಿದ್ದಾರೆ. ಅಭಿನಯ ಕನ್ನಡ, ತೆಲುಗು, ತಮಿಳು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. 'ಹುಡುಗರು' ಚಿತ್ರದಲ್ಲಿ ಪುನೀತ್ ರಾಜ್ ಕುಮಾರ್ ಅವರಿಗೆ ತಂಗಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ರಾಗಿಣಿ ದ್ವಿವೇದಿ ಮುಖ್ಯ ಪಾತ್ರ

ನಿರ್ದೇಶಕ ಪ್ರದೀಪ್ ರಾಜ್ ಆಕ್ಷನ್ ಕಟ್ ಹೇಳಿರುವ 'ಕಿಚ್ಚು' ಚಿತ್ರದಲ್ಲಿ ರಾಗಿಣಿ ದ್ವಿವೇದಿ, ಸಾಯಿ ಕುಮಾರ್, ಧ್ರುವ ಶರ್ಮಾ, ಪ್ರದೀಪ್ ರಾಜ್ ಸೇರಿದಂತೆ ಹಲವರು ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.

ಕಿಚ್ಚ ಸುದೀಪ್ ಅಭಿನಯ

ಎಲ್ಲರಿಗೂ ಗೊತ್ತಿರುವಾಗೆ, ಕಿಚ್ಚ ಸುದೀಪ್ ಅವರಿಗೆ ಧ್ರುವ ಶರ್ಮಾ ಅವರು ಮೇಲೆ ಅಪಾರವಾದ ಒಲವು ಇತ್ತು. ಸಿಸಿಎಲ್ ನಲ್ಲಿ ಒಂದೇ ತಂಡವನ್ನ ಪ್ರತಿನಿಧಿಸಿದ್ದರು. ವಿಶೇಷ ಅಂದ್ರೆ, ಕಿಚ್ಚು ಚಿತ್ರದಲ್ಲಿ ಸುದೀಪ್ ಕೂಡ ಒಂದು ಪ್ರಮುಖ ಪಾತ್ರವನ್ನ ನಿರ್ವಹಿಸಿದ್ದಾರೆ.

ಅರಣ್ಯ ಸಂರಕ್ಷಣೆಯ ಸುತ್ತ ಕಥೆ

'ಕಿಚ್ಚು' ಕಾಡು ಸಂರಕ್ಷಣೆಯ ಕುರಿತಾದ ಚಿತ್ರ. ಚಿತ್ರದಲ್ಲಿ ಧ್ರುವ ಬುಡುಕಟ್ಟು ಹುಡುಗನಾಗಿ ಕಾಣಿಸಿಕೊಂಡಿದ್ದರು.