'ಶಿವನಂದಿ' ಟೈಟಲ್ ರಿಜಿಸ್ಟರ್ ಮಾಡಿಸಿದ ದಿನಕರ್ ತೂಗುದೀಪ್

Recommended Video

ಶಿವನಂದಿ 'ಯಜಮಾನ' ಸಿನಿಮಾದ ಟೈಟಲ್ ಸಾಂಗ್. ಈ ಸಿನಿಮಾದಲ್ಲಿ ನಾಯಕ ನಟ ದರ್ಶನ್ ತಯಾರು ಮಾಡುವ ಎಣ್ಣೆಯ ಹೆಸರು ಬ್ಯಾಂಡ್ ಶಿವನಂದಿ.

ಈ ಕಾರಣಗಳಿಂದ 'ಯಜಮಾನ' ಸಿನಿಮಾದಲ್ಲಿ ಶಿವನಂದಿ ಎನ್ನುವ ಹೆಸರು ಬಹಳ ಪ್ರಾಮುಖ್ಯತೆ ಹೊಂದಿತ್ತು. ಈಗ ಈ ಹೆಸರು ಸಿನಿಮಾದ ಟೈಟಲ್ ಆಗುತ್ತಿದೆ. ನಿರ್ದೇಶಕ ದಿನಕರ್ ತೂಗುದೀಪ್ ಈ ಟೈಟಲ್ ಮೇಲೆ ಆಸಕ್ತಿ ತೋರಿದ್ದಾರೆ.

ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ಶಿವನಂದಿ ಟೈಟಲ್ ಅನ್ನು ದಿನಕರ್ ನೊಂದಣಿ ಮಾಡಿಸಿದ್ದಾರೆ. ದರ್ಶನ್ ಸಹೋದರನೇ ಈ ಹೆಸರಿನ ವಾರಸ್ದಾರ ಆಗಿದ್ದಾರೆ. ಟೈಟಲ್ ರಿಜಿಸ್ಟರ್ ಮಾಡಿಸಿದ ಮೇಲೆ ದಿನಕರ್ ಇದೇ ಹೆಸರಿನ ಸಿನಿಮಾ ಕೂಡ ಮಾಡಬಹುದು ಎನ್ನುವ ಕುತೂಹಲ ಹೆಚ್ಚಾಗಿದೆ.

'ಶಿವನಂದಿ' ಹೆಸರು ಸೂಟ್ ಆಗುವುದು ದರ್ಶನ್ ಗೆ. ಹಾಗಿದ್ದ ಮೇಲೆ ದಿನಕರ್ ಈ ಸಿನಿಮಾವನ್ನು ದರ್ಶನ್ ಅವರಿಗೆನೇ ಮಾಡಬಹುದು. ದರ್ಶನ್ ಗೆ ದಿನಕರ್ ಮತ್ತೆ ಸಿನಿಮಾ ಮಾಡುತ್ತಾರೆ ಎನ್ನುವ ಸುದ್ದಿ ಹಿಂದೆಯಿಂದ ಇದೆ. ಆ ಚಿತ್ರಕ್ಕೆ 'ಸರ್ವಾಂತರ್ಯಾಮಿ' ಎನ್ನುವ ಹೆಸರು ಸಹ ಫಿಕ್ಸ್ ಆಗಿತ್ತು.

ಆದರೆ, ಈಗ ಚಿತ್ರದ ಹೆಸರು 'ಶಿವನಂದಿ' ಯಾಗಿ ಬದಲಾಗುತ್ತದೆಯೇ ತಿಳಿದಿಲ್ಲ. ಅಥವಾ ದಿನಕರ್ 'ಶಿವನಂದಿ' ಹೆಸರಿನಲ್ಲಿ ಬೇರೆ ಸಿನಿಮಾ ಮಾಡಬಹುದು. ಏನೇ ಆಗಿದ್ದರೂ ದರ್ಶನ್ ಸಹೋದರನೇ 'ಶಿವನಂದಿ' ಟೈಟಲ್ ಗೆ ಯಜಮಾನನಾಗಿದ್ದಾರೆ.