ಪಿರಂಗಿಪುರ ಪ್ರವೇಶ ಮಾಡಿದ ಸುನೀಲ್ ಶೆಟ್ಟಿ

Recommended Video

ಸಂಚಾರಿ ವಿಜಯ್ ಅವರ ಫಸ್ಟ್ ಲುಕ್ ನಿಂದಲೇ ಸಖತ್ ಸುದ್ದಿ ಮಾಡಿದ್ದ 'ಪಿರಂಗಿಪುರ' ಸಿನಿಮಾ ಸಾಕಷ್ಟು ದಿನಗಳ ಗ್ಯಾಪ್ ನಂತರ ಮತ್ತೆ ಸುದ್ದಿ ಮಾಡಿತ್ತು. ಬಾಲಿವುಡ್ ನಟ ಸುನೀಲ್ ಶೆಟ್ಟಿ ಚಿತ್ರದಲ್ಲಿ ಅಭಿನಯಿಸುತ್ತಾರೆ ಎನ್ನುವ ವಿಚಾರ ಎಲ್ಲೆಡೆ ಹರಡಿತ್ತು.

ನಂತರ ಸುನೀಲ್ ಶೆಟ್ಟಿ ನಾನು 'ಪೈಲ್ವಾನ್' ಸಿನಿಮಾ ಬಿಟ್ಟು ಮತ್ಯಾವುದೇ ಕನ್ನಡ ಚಿತ್ರದಲ್ಲಿ ಅಭಿನಯ ಮಾಡುತ್ತಿಲ್ಲ ಎಂದು ಟ್ವಿಟ್ಟರ್ ಮೂಲಕ ಖಚಿತ ಪಡಿಸಿದ್ದರು. ಆದರೆ 'ಪಿರಂಗಿಪುರ' ಸಿನಿಮಾ ನಿರ್ದೇಶಕ ಜನಾರ್ಧನ್ ಪಿ ಜಾನಿ ಸುನೀಲ್ ಶೆಟ್ಟಿ ಅಭಿನಯಿಸುತ್ತಿರುವುದು ನಿಜ ಎಂದು ಖಾತ್ರಿ ಪಡಿಸಿದ್ದಾರೆ.

ಸುನೀಲ್ ಶೆಟ್ಟಿ ಚಿತ್ರದಲ್ಲಿ ರಾಜನ ಪಾತ್ರವನ್ನು ನಿರ್ವಹಿಸುತ್ತಿದ್ದಾರಂತೆ. ಸದ್ದಿಲ್ಲದೆ ಒಂದು ಶೆಡ್ಯೂಲ್ ಚಿತ್ರೀಕರಣ ಮುಗಿಸಿರುವ ನಿರ್ದೇಶಕರು ಮೂರು ಸಾವಿರ ವರ್ಷದ ಹಿಂದಿನ ಕಥೆಯನ್ನ ಪ್ರೇಕ್ಷಕರ ಮುಂದೆ ತರುವ ಪ್ರಯತ್ನಕ್ಕೆ ಕೈ ಹಾಕಿದ್ದಾರೆ.

ಸಂಚಾರಿ ವಿಜಯ್ ಸೇರಿದಂತೆ ಚಿತ್ರದಲ್ಲಿ ನಾಯಕಿಯಾಗಿ ಗಾನವಿ ಅಭಿನಯ್ ಮಾಡುತ್ತಿದ್ದಾರಂತೆ. ಕನ್ನಡ, ಹಿಂದಿ, ತಮಿಳು, ತೆಲುಗು ಮತ್ತು ಮಲೆಯಾಳಂ ನಲ್ಲಿ ಚಿತ್ರ ತಯಾರಾಗಲಿದ್ದು 25ಕೋಟಿ ವ್ಯಚ್ಚದಲ್ಲಿ ಚಿತ್ರ ನಿರ್ಮಾಣವಾಗಲಿದ್ಯಂತೆ.