ಸಿನಿಮಾ ಫೀಲ್ಡ್ ಸೇರುವ ಆಸಕ್ತರಿಗಾಗಿ ಶಾಲೆ

ಭೂಮಿಗೀತ ಚಲನಚಿತ್ರದ ನಂತರ ಕೇಸರಿ ಹರವೂ

ಭೂಮಿಗೀತ ಚಲನಚಿತ್ರದ ನಂತರ ಕೇಸರಿ ಹರವೂ ಅವರು ಅಘನಾಶಿನಿ, ಸರೋಜಿನಿ, ಗರ ಮತ್ತು ನದಿಕಣಿವೆ ಮುಂತಾದ ಸಾಕ್ಷ್ಯಚಿತ್ರಗಳನ್ನು ರೂಪಿಸಿದ್ದರು. ಸಾಹಿತಿ ದೇ ಜವರೇಗೌಡ ಅವರ ಬದುಕು-ಬರಹ ಕುರಿತ ಸಾಕ್ಷ್ಯಚಿತ್ರವನ್ನು ವಾರ್ತಾ ಇಲಾಖೆಗಾಗಿ ಮಾಡಿಕೊಟ್ಟಿದ್ದಾರೆ.

ಕೇಸರಿ ಅವರು .ಬಿ. ವಿಜಯ್ ರೆಡ್ಡಿ, ಡಿ .ರಾಜೇಂದ್ರ ಬಾಬು ಹಾಗೂ ವಿ. ರವಿಚಂದ್ರನ್ ಮುಂತಾದ ಹಿರಿಯ ನಿರ್ದೇಶಕರ ಜೊತೆ ಚಿತ್ರಕಥೆಗಾರರಾಗಿ, ಸಹಾಯಕರಾಗಿ ದುಡಿದ ಅನುಭವವನ್ನು ಮುಂದಿನ ಪೀಳಿಗೆಯ ಜೊತೆ ಹಂಚಿಕೊಳ್ಳಲು ಚಲನ ಚಿತ್ರ ಶಾಲೆ ಆರಂಭಿಸಿದ್ದಾರೆ.

ಹೊಸ ಸಂಭ್ರಮದ ಬಗ್ಗೆ ಹರವೂ ಹೇಳಿದ್ದೇನು

ಈ ಸಂಭ್ರಮದ ಬಗ್ಗೆ ಅವರು ತಮ್ಮ ಫೇಸ್ ಬುಕ್ ಪುಟದಲ್ಲಿ ಹಾಕಿಕೊಂಡಿದ್ದು ಹೀಗೆ
ನಮ್ಮ 'ಟೈಂ&ಸ್ಪೇಸ್' ಚಲನಚಿತ್ರ ಶಾಲೆಯನ್ನು ನನ್ನ ಒಂದನೇ ತರಗತಿಯ ಮೊದಲ ಮೇಷ್ಟ್ರು ಶಿರಾಳಕೊಪ್ಪದ ಎನ್. ಎಸ್. ಶಿವಾನಂದಪ್ಪ ಸರಳ ಸಮಾರಂಭದಲ್ಲಿ ಉದ್ಘಾಟಿಸಿದರು.

ಅವರು ನನಗೆ ಅಚ್ಚುಮೆಚ್ಚಿನ ಮೇಷ್ತ್ರು. ನಾನು ಅವರಿಗೆ ಅಚ್ಚುಮೆಚ್ಚಿನ ವಿದ್ಯಾರ್ಥಿ. ಜೊತೆಗೆ ಗೆಳೆಯರಾದ ಗುಂಡಣ್ಣ, ಸುಚೇಂದ್ರಪ್ರಸಾದ್, ಪವಿತ್ರಾ ಲೋಕೇಶ್, ತಗಡೂರು ಶಿವಾನಂದ್, ಕವೀಶ, ನನ್ನ ತಾಯಿ, ತಮ್ಮ, ಹೆಂಡತಿ, ಮಗಳು, ಬಂಧು ಬಳಗ ಎಲ್ಲರೂ ಇದ್ದಾರೆ. ನಿಮ್ಮೆಲ್ಲರಿಗೂ ಸುಸ್ವಾಗತ. ಸಮಯ ಸಿಕ್ಕಾಗ ಬನ್ನಿ, ಬರುತ್ತಿರಿ...

ವಾರಾಂತ್ಯದ ಕೋರ್ಸ್ ಆರಂಭವಾಗಿದೆ

* ಅಕ್ಟೋಬರ್ 4ರಿಂದ ನಮ್ಮ 'ಟೈಂ&ಸ್ಪೇಸ್' ಚಲನಚಿತ್ರ ಶಾಲೆಯ ಮೊಟ್ಟಮೊದಲ ವಾರಾಂತ್ಯದ ಚಿತ್ರ ನಿರ್ದೇಶನದ ಬ್ಯಾಚ್ ಆರಂಭವಾಗಿದೆ.
* ಚಿತ್ರ ನಿರ್ದೇಶನ ಹಾಗೂ ಅಭಿನಯ ರೆಗ್ಯುಲರ್ ಕೋರ್ಸ್ ಗಳು ಅಕ್ಟೋಬರ್ 27ರಿಂದ ಆರಂಭವಾಗಲಿವೆ.
* ಪ್ರವೇಶ ಪಡೆಯಲು ಕೊನೆಯ ದಿನಾಂಕ ಅಕ್ಟೋಬರ್ 20.

ಮಹಿಳೆಯರಿಗೆ ವಿನಾಯತಿ

ಹೆಚ್ಚು ಹೆಚ್ಚು ಮಹಿಳೆಯರು ಚಿತ್ರ ನಿರ್ದೇಶನ ಪ್ರಕ್ರಿಯೆಯಲ್ಲಿ ತೊಡಗಿಸಿಕೊಳ್ಳಲೆಂಬ ಆಶಯದೊಂದಿಗೆ ಮಹಿಳಾ ವಿದ್ಯಾಕಾಂಕ್ಷಿಯರಿಗೆ ಕೋರ್ಸ್ ಫೀಸಿನಲ್ಲಿ 20% ವಿನಾಯ್ತಿ...

* ಸಂಪರ್ಕ ವಿಳಾಸ #15, 1st Floor, Above HDFC ATM, 1 C Main, Shakti Garden, Kalyananagara, Nagarabhavi 2nd Stage, Bengaluru 560072. Tel: 9945342433

ಕೇಸರಿ ಹರವೂ ಅವರ ಫೇಸ್ ಬುಕ್ ಪುಟಕ್ಕೆ ಕ್ಲಿಕ್ ಮಾಡಿ