ಇದೇ ತಿಂಗಳು ಅದ್ದೂರಿಯಾಗಿ ಲಾಂಚ್ ಆಗ್ತಿದೆ ಪ್ರೇಮ್ಸ್ ಹೊಸ ಸಿನಿಮಾ!

ಮಾರ್ಚ್ 31ಕ್ಕೆ ಹೊಸ ಸಿನಿಮಾ

ಪ್ರೇಮ್ ತಮ್ಮ ಮುಂದಿನ ಸಿನಿಮಾವನ್ನು ಮಾರ್ಚ್ 31ಕ್ಕೆ ಲಾಂಚ್ ಮಾಡುತ್ತಿದ್ದಾರೆ. ಪ್ರೀತಿಯ ಪತ್ನಿ ರಕ್ಷಿತಾ ಅವರ ಸಹೋದರ ಅಭಿಷೇಕ್ ರನ್ನು ಪ್ರೇಮ್ ಚಿತ್ರರಂಗಕ್ಕೆ ಪರಿಚಯ ಮಾಡುತ್ತಿದ್ದಾರೆ. ವಿಶೇಷ ಅಂದರೆ, ಅಂದು ರಕ್ಷಿತಾ ಅವರ ಹುಟ್ಟುಹಬ್ಬ ಕೂಡ ಇದೆ.

ಅಂದೇ ಚಿತ್ರೀಕರಣ ಪ್ರಾರಂಭ

ರಕ್ಷಿತಾ ಹುಟ್ಟುಹಬ್ಬದ ವಿಶೇಷವಾಗಿ ಈ ಹೊಸ ಸಿನಿಮಾ ಶುರು ಆಗುತ್ತಿದೆ. ಅಂದೇ ತಮ್ಮ ಹೊಸ ಸಿನಿಮಾದ ಚಿತ್ರೀಕರಣವನ್ನು ಪ್ರೇಮ್ ಪ್ರಾರಂಭ ಮಾಡಲಿದ್ದಾರೆ. ಸಿನಿಮಾ ಟೈಟಲ್ ಹಾಗೂ ಮೋಷನ್ ಪೋಸ್ಟರ್ ಸಹ ಅದೇ ದಿನ ಹೊರ ಬರಲಿದೆ. ಈ ಚಿತ್ರವನ್ನು ರಕ್ಷಿತಾ ಅವರೇ ನಿರ್ಮಾಣ ಮಾಡುತ್ತಿದ್ದಾರೆ.

'ಎಕ್ಸ್ ಕ್ಯೂಸ್ ಮಿ' ಹೆಸರಿನಲ್ಲಿ ಹೊಸ ಚಿತ್ರ?

ಪ್ರೇಮ್ ತಮ್ಮ ಹೊಸ ಸಿನಿಮಾಗೆ 'ಎಕ್ಸ್ ಕ್ಯೂಸ್ ಮಿ' ಎಂದು ಹೆಸರಿಡುತ್ತಾರೆ ಎನ್ನುವ ಸುದ್ದಿ ಇತ್ತು. ಆದರೆ, ಈ ಬಗ್ಗೆ ಸದ್ಯಕ್ಕೆ ಪ್ರೇಮ್ ಪ್ರತಿಕ್ರಿಯೆ ನೀಡಿಲ್ಲ. 2013ರಲ್ಲಿ ಬಿಡುಗಡೆಯಾಗಿದ್ದ ಎಕ್ಸ್ ಕ್ಯೂಸ್ ಮಿ' ಟೈಟಲ್ ಮತ್ತೆ ಈ ಸಿನಿಮಾ ಬರುವ ಸಾಧ್ಯತೆ ಹೆಚ್ಚಿದೆ.

ಚಿತ್ರರಂಗಕ್ಕೆ ಸುಧಾರಾಣಿ ಮಗಳು?

ನಟಿ ಸುಧಾರಾಣಿ ಪುತ್ರಿ ನಿಧಿ ಈ ಸಿನಿಮಾದ ನಾಯಕಿ ಎನ್ನುವ ಸುದ್ದಿ ಸಹ ಇದೆ. ಆದರೆ, ಈ ಬಗ್ಗೆ ಸದ್ಯಕ್ಕೆ ಉತ್ತರ ಸಿಕ್ಕಿಲ್ಲ. ಚಿತ್ರ ಲಾಂಚ್ ಆಗುವ ದಿನವೇ ಸಿನಿಮಾದ ನಾಯಕಿ ಯಾರು ಎನ್ನುವುದು ತಿಳಿಯಲಿದೆ. ಅಂದಹಾಗೆ, ಹಾಗೆನಾದರೂ ನಿಧಿ ಈ ಸಿನಿಮಾ ಮಾಡಿದರೆ, ಇದು ಅವರ ಮೊದಲ ಸಿನಿಮಾ ಆಗಲಿದೆ.

'ದಿ ವಿಲನ್'ನಲ್ಲಿ ಅಭಿಷೇಕ್

ರಕ್ಷಿತಾ ಸಹೋದರ ಅಭಿಷೇಕ್ ನಟನೆಗೆ ಬೇಕಾದ ಎಲ್ಲ ತಯಾರಿಗಳ ನಂತರ ಚಿತ್ರರಂಗಕ್ಕೆ ಬರಲು ಸಿದ್ದರಾಗಿದ್ದಾರೆ. ಈ ಹಿಂದೆ 'ದಿ ವಿಲನ್' ಸಿನಿಮಾದ ಹಾಡಿನಲ್ಲಿ ಹೀಗೆ ಬಂದು ಹಾಗೆ ಹೋಗಿದ್ದರು. ಇನ್ನೊಂದು ಕಡೆ ಬಹಳ ವರ್ಷಗಳ ಬಳಿಕ ಹೊಸ ತಾರಬಳಗದ ಜೊತೆಗೆ ಪ್ರೇಮ್ ಸಿನಿಮಾ ಮಾಡುತ್ತಿದ್ದಾರೆ.