ಓ ಓ ಓ ಪ್ರೇಮ ಕಾಶ್ಮೀರ...ಎನ್ನುತ್ತಿದ್ದಾರೆ ನಿರ್ದೇಶಕ ಪ್ರೇಮ್

ಪ್ರೇಮ ಕಾಶ್ಮೀರ ಎನ್ನುತ್ತಿದ್ದಾರೆ ಪ್ರೇಮ್

'ಏಕ್ ಲವ್ ಯಾ' ಚಿತ್ರೀಕರಣಕ್ಕಾಗಿ ಲೋಕೇಶನ್ ಹುಡುಕಾಟದಲ್ಲಿರುವ ನಿರ್ದೇಶಕ ಪ್ರೇಮ್, ಪ್ರಸ್ತುತ ಕಾಶ್ಮೀರದಲ್ಲಿದ್ದಾರೆ. ಕಾಶ್ಮೀರದಲ್ಲಿರುವ ಫೋಟೋಗಳನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿರುವ ಪ್ರೇಮ್ ಸಂತಸ ವ್ಯಕ್ತಪಡಿಸಿದ್ದಾರೆ.

ಕಾರ್ಗಿಲ್ ರಸ್ತೆಯಲ್ಲಿ ಪ್ರೇಮ್

ಕಾಶ್ಮೀರದ ಅದ್ಭುತ ಲೋಕೇಶನ್‌ಗಳಲ್ಲಿ ಸುತ್ತಾಟ ಮಾಡುತ್ತಿರುವ ಪ್ರೇಮ್, ಕಾರ್ಗಿಲ್ ರಸ್ತೆಯಲ್ಲಿ ಫೋಟೋಗಳನ್ನು ಕ್ಲಿಕ್ಕಿಸಿಕೊಂಡಿದ್ದಾರೆ. ಪ್ರೇಮ್ ಅವರ ಶೂಟಿಂಗ್ ಪ್ಲಾನ್ ನೋಡುತ್ತಿದ್ದರೆ, ಏಕ್ ಲವ್ ಯಾ ಸಿನಿಮಾದಲ್ಲಿ ಭರ್ಜರಿ ದೃಶ್ಯವೈಭವ ದರ್ಶನವಾಗಬಹುದು.

ಗುಜರಾತ್, ರಾಜಸ್ಥಾನದಲ್ಲಿ ಹುಡುಕಾಟ

ಜಮ್ಮು ಕಾಶ್ಮೀರ ಮಾತ್ರವಲ್ಲದೆ, ಗುಜರಾತ್, ರಾಜಸ್ಥಾನಗಳಲ್ಲಿಯೂ ಲೋಕೇಶನ್ ಹುಡುಕಿದ್ದಾರೆ ಪ್ರೇಮ್. ಲೇಹ್, ಲಡಾಕ್‌ಗಳಲ್ಲಿಯೂ ಸುತ್ತು ಹೊಡೆದಿದ್ದಾರೆ. ಇತ್ತೀಚಿಗಷ್ಟೆ ವಿಮಾನ ನಿಲ್ದಾಣದಲ್ಲಿ ಕುಳಿತಿರುವ ಚಿತ್ರವನ್ನು ಪ್ರೇಮ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು.

Recommended Video

ಹೊಸ ಚಿತ್ರ ಘೋಷಿಸಿ ಮಾಧ್ಯಮಗಳಿಗೆ ಖಡಕ್ ಸಂದೇಶ ಕೊಟ್ಟ ಧ್ರುವ ಸರ್ಜಾ | Dhruva Sarja | Dubari | Nanda Kishore

ರಾಣಾ ಚೊಚ್ಚಲ ಸಿನಿಮಾ

ಪ್ರೇಮ್ ನಿರ್ದೇಶಿಸುತ್ತಿರುವ 'ಏಕ್‌ ಲವ್ ಯಾ' ಸಿನಿಮಾದಲ್ಲಿ ರಾಣಾ ನಾಯಕರಾಗಿದ್ದಾರೆ. ರಕ್ಷಿತಾ ಪ್ರೇಮ್ ಸಹೋದರ ರಾಣಾಗೆ ಇದು ಮೊದಲ ಚಿತ್ರ. ಈ ಸಿನಿಮಾದಲ್ಲಿ ಇಬ್ಬರು ನಾಯಕಿಯರಿದ್ದು, ರಚಿತಾ ರಾಮ್ ಸಹ ಒಬ್ಬರು. ವಿಶೇಷ ಅಂದ್ರೆ ರಕ್ಷಿತಾ ಕೂಡ ಒಂದು ಹಾಡಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.