ರಾಜ್ ಕುಟುಂಬದ ಮೂರನೇ ತಲೆಮಾರಿನ ಚಿತ್ರ 'ವಿನು'

ಪ್ರತೀ ವರ್ಷ ನಟ ಸಾರ್ವಭೌಮ ರಾಜ್ ಹುಟ್ಟಿದ ಹಬ್ಬ ಬಂದಾಗ ರಾಜ್ ಕುಟುಂಬದ ಮೂರನೇ ತಲೆಮಾರಿನ ಕುಡಿ ರಾಘವೇಂದ್ರರಾಜ್ ಪುತ್ರ ವಿನಯ್ ರಾಜ್ ಯಾವಾಗ ಹೀರೋ ಆಗೋದು ಅನ್ನೋ ಪ್ರಶ್ನೆ ಏಳ್ತಿತ್ತು. ಆದ್ರೆ ಈ ಬಾರಿ ಡಾ.ರಾಜ್ ಹುಟ್ಟುಹಬ್ಬಕ್ಕೆ ಈ ಕುತೂಹಲಕ್ಕೆ ತೆರೆಬೀಳಲಿದೆ.

ಇದೇ ಏಪ್ರಿಲ್ 24ಕ್ಕೆ ವರನಟ ಡಾ. ರಾಜ್ ಹುಟ್ಟುಹಬ್ಬಕ್ಕೆ ವಿನಯ್ ರಾಜ್ ಹೊಸ ಸಿನಿಮಾದ ಮುಹೂರ್ತ ನಡೆಯಲಿದೆಯಂತೆ. ಸಿನಿಮಾದ ಹೆಸರು 'ವಿನು' ಅನ್ನೋ ಸುದ್ದಿ ಕೂಡ ಗಾಂಧಿನಗರದಲ್ಲಿ ಸದ್ದು ಮಾಡ್ತಿದೆ. ಇನ್ನು ರಾಘವೇಂದ್ರ ರಾಜ್ ಕುಮಾರ್ ಪುತ್ರ ಕೂಡ ಇತ್ತೀಚೆಗೆ ಸಾಕಷ್ಟು ಬೆವರು ಹರಿಸಿದಂತೆ ಕಾಣ್ತಿದೆ. [ಅಣ್ಣಾವ್ರ ಮೊಮ್ಮಗ ವಿನಯ್ ರಾಜ್]

ವಿನಯ್ ರಾಜ್ ಅನ್ನೋ ಹೆಸ್ರನ್ನೇ ಶಾರ್ಟ್ ಮಾಡಿ ವಿನು ಅಂತ ಇಟ್ಟಿದ್ದಾರೆ. ಪಕ್ಕಾ ಯೂತ್ ಫುಲ್ ಸಿನಿಮಾ ಆಗಿರೋ 'ವಿನು' ಚಿತ್ರ ಮಾಡ್ತಿರೋದು ಪವರ್ ಸ್ಟಾರ್ ಗೆ ದಾಖಲೆಯ 'ಮಿಲನ' ಚಿತ್ರ ಮಾಡಿದ್ದ ಪ್ರಕಾಶ್. ಒಟ್ಟಾರೆ ಈ ಬಾರಿಯ ರಾಜ್ ಹುಟ್ಟುಹಬ್ಬಕ್ಕೆ ರಾಜ್ ಕುಟುಂಬದ ಮೂರನೇ ತಲೆಮಾರು ಸಿನಿಮಾಗೆ ಎಂಟ್ರಿಕೊಡೋದು ಕನ್ಫರ್ಮ್ ಅಂತಿದೆ ಗಾಂಧಿನಗರ.