ವರಮಹಾಲಕ್ಷ್ಮಿ ಹಬ್ಬಕ್ಕಿಲ್ಲ ದುನಿಯಾ ವಿಜಿ 'RX ಸೂರಿ'

ಈಗಾಗಲೇ ಜಗಜ್ಜಾಹೀರಾದಂತೆ ಬ್ಲಾಕ್ ಕೋಬ್ರಾ ದುನಿಯಾ ವಿಜಯ್ ಅಭಿನಯದ 'RX ಸೂರಿ' ಸಿನಿಮಾ ಇದೇ ಶುಕ್ರವಾರ, ಅಂದ್ರೆ ವರಮಹಾಲಕ್ಷ್ಮಿ ಹಬ್ಬದ ಪ್ರಯುಕ್ತ ತೆರೆಕಾಣ್ಬೇಕಿತ್ತು.

ಆದ್ರೆ, ಈ ವಾರದ ಬದಲು ಮುಂದಿನ ವಾರ (ಸೆಪ್ಟೆಂಬರ್ 4) ರಂದು 'RX ಸೂರಿ' ಸಿನಿಮಾ ಬೆಳ್ಳಿತೆರೆಗೆ ಅಪ್ಪಳಿಸಲಿದೆ. ನಿರ್ಮಾಪಕರು ಇಂತಹ ದಿಢೀರ್ ನಿರ್ಧಾರ ಕೈಗೊಂಡಿರುವುದಕ್ಕೆ ಕಾರಣ ಥಿಯೇಟರ್ ಗಳ ಅಭಾವ. [ವರಮಹಾಲಕ್ಷ್ಮೀ ಹಬ್ಬಕ್ಕೆ ಬೈಕ್ ಏರಿ ಬರ್ತಾರೆ 'ಆರ್.ಎಕ್ಸ್ ಸೂರಿ']

ಇದೇ ವಾರ ದ್ವಾರಕೀಶ್ ನಿರ್ಮಾಣದ 'ಆಟಗಾರ' ಸಿನಿಮಾ ತೆರೆಗೆ ಬರುತ್ತಿದೆ. ಜೊತೆಗೆ ಈಗಾಗಲೇ ರಿಲೀಸ್ ಆಗಿರುವ 'ಉಪ್ಪಿ-2' ಮತ್ತು 'ಬುಗುರಿ' ಸಿನಿಮಾಗಳು ಥಿಯೇಟರ್ ಗಳಲ್ಲಿ ಗಟ್ಟಿಯಾಗಿ ನೆಲೆಯೂರಿವೆ. ಹೀಗಾಗಿ 'RX ಸೂರಿ'ಗೆ ನಿರೀಕ್ಷಿಸಿದಷ್ಟು ಚಿತ್ರಮಂದಿರಗಳು ಸಿಗುತ್ತಿಲ್ಲ. [ಮಾನವೀಯತೆ ಮೆರೆದ ದುನಿಯಾ ವಿಜಯ್ 'RX ಸೂರಿ' ಚಿತ್ರತಂಡ]

ಮುಂದಿನ ವಾರ ಹೆಚ್ಚು ಪ್ರಮಾಣದ ಚಿತ್ರಮಂದಿರಗಳು ಸಿಗುವ ಲಕ್ಷಣಗಳು ಇರುವುದರಿಂದ ಒಂದು ವಾರ 'RX ಸೂರಿ' ಸಿನಿಮಾ ಮುಂದಕ್ಕೆ ಹೋಗಿದೆ. ರಿಯಲ್ ರೌಡಿಯೊಬ್ಬರ ಸುತ್ತ ಹೆಣೆದಿರುವ ಕಥೆ 'RX ಸೂರಿ'. [ದುನಿಯಾ ವಿಜಿ 'ಆರ್ ಎಕ್ಸ್' ಸೂರಿ ಜಬರ್ದಸ್ತ್ ಟ್ರೈಲರ್ ಔಟ್]

ದುನಿಯಾ ವಿಜಯ್ ಜೊತೆ ಆಕಾಂಕ್ಷ ಜೋಡಿಯಾಗಿ ನಟಿಸಿರುವ ಸಿನಿಮಾ ಇದು. ಕೆ.ಎ.ಸುರೇಶ್ ನಿರ್ಮಾಣದ ಶ್ರೀಜೈ ನಿರ್ದೇಶನದ 'RX ಸೂರಿ' ಚಿತ್ರದ ಟ್ರೈಲರ್ ಇಲ್ಲಿದೆ ನೋಡಿ.....