ಅಪ್ಪು ಡ್ಯಾನ್ಸ್ ನೋಡಿ ಬೌಲ್ಡ್ ಆದ ವಿದೇಶಿ ನಟಿ ಎಲ್ಲಿ ಅವರಾಮ್.!

ಕನ್ನಡ ಸುಮಧುರ ಭಾಷೆ

''ದಕ್ಷಿಣ ಭಾರತದ ಭಾಷೆಗಳು ನನಗೆ ಇಷ್ಟ. ಕೇಳಲು ಆ ಭಾಷೆಗಳು ಇಂಪಾಗಿರುತ್ತದೆ. ಅದರಲ್ಲೂ ಕನ್ನಡ ಸುಮಧುರ ಭಾಷೆ. ನಾನು ಯೂರೋಪಿಯನ್ ಆದರೂ, ಚಿತ್ರತಂಡ ನನಗೆ ಕನ್ನಡವನ್ನು ಚೆನ್ನಾಗಿ ಹೇಳಿಕೊಡುತ್ತಿದೆ. ನನಗೆ ಬೆಂಗಳೂರು ಹುಡುಗಿ ಎಂಬ ಫೀಲ್ ಆಗುತ್ತಿದೆ'' ಎಂದು ನಟಿ ಎಲ್ಲಿ ಅವರಾಮ್ ಹೇಳಿದ್ದಾರೆ.

ಪುನೀತ್ ಅದ್ಭುತ ಡ್ಯಾನ್ಸರ್

''ಪುನೀತ್ ರಾಜ್ ಕುಮಾರ್ ಕನ್ನಡದ ದೊಡ್ಡ ನಟ ಎಂಬುದು ನನಗೆ ಗೊತ್ತು. ಅವರ ಡ್ಯಾನ್ಸ್ ನೋಡಿದ್ದೇನೆ. ಅವರೊಬ್ಬ ಅದ್ಬುತ ಡ್ಯಾನ್ಸರ್. ಕನ್ನಡದಲ್ಲಿ ನಟಿಸುತ್ತಿರುವುದಕ್ಕೆ ನನಗೆ ಖುಷಿ ಇದೆ'' ಎಂದು ತಮ್ಮ ಸಂತಸವನ್ನು ಎಲ್ಲಿ ಅವರಾಮ್ ವ್ಯಕ್ತಪಡಿಸಿದ್ದಾರೆ.

ಆಮಿ ಜಾಕ್ಸನ್ ಜಾಗಕ್ಕೆ ಎಲ್ಲಿ ಅವರಾಮ್

ಕನ್ನಡದ 'ಬಟರ್ ಪ್ಲೈ' ಸಿನಿಮಾದಲ್ಲಿ ಆಮಿ ಜಾಕ್ಸನ್ ನಟಿಸುತ್ತಿದ್ದ ಪಾತ್ರ ಡೇಟ್ಸ್ ಸಮಸ್ಯೆಯಿಂದ ಈಗ ಎಲ್ಲಿ ಅವರಾಮ್ ಪಾಲಾಗಿದೆ.

ಲೀಸಾ ಹೇಡನ್ ಪಾತ್ರ

'ಬಟರ್ ಪ್ಲೈ' ಹಿಂದಿಯ 'ಕ್ವೀನ್' ಚಿತ್ರದ ರಿಮೇಕ್ ಆಗಿದ್ದು, ಅಲ್ಲಿ ಲೀಸಾ ಹೇಡನ್ ಮಾಡಿದ ಪಾತ್ರವನ್ನು ಕನ್ನಡದಲ್ಲಿ ಎಲ್ಲಿ ಅವರಾಮ್ ನಿರ್ವಹಿಸಲಿದ್ದಾರೆ.

ಇಂದಿನಿಂದ ಚಿತ್ರೀಕರಣ

ಸದ್ಯ ರಮೇಶ್ ಅರವಿಂದ್ ನಿರ್ದೇಶನದ 'ಬಟರ್ ಪ್ಲೈ' ಚಿತ್ರದ ಶೂಟಿಂಗ್ ಪ್ಯಾರಿಸ್ ನಲ್ಲಿ ನಡೆಯುತ್ತಿದೆ. ಚಿತ್ರೀಕರಣದಲ್ಲಿ ನಟಿ ಪಾರೂಲ್ ಯಾದವ್ ಮತ್ತು ಎಲ್ಲಿ ಅವರಾಮ್ ಭಾಗಿಯಾಗಿದ್ದಾರೆ.

ನಟಿ ಎಲ್ಲಿ ಅವರಾಮ್ ಬಗ್ಗೆ

ನಟಿ ಎಲ್ಲಿ ಅವರಾಮ್ ಮೂಲತಃ ಸ್ವೀಡನ್ ಚೆಲುವೆ. ಹಿಂದಿ 'ಬಿಗ್ ಬಾಸ್ 7' ಸ್ಪರ್ಧಿ ಆಗಿದ್ದ ಈಕೆ ಬಳಿಕ ಹಿಂದಿಯಲ್ಲಿ ಕೆಲ ಸಿನಿಮಾ ಮಾಡಿದ್ದರು. ಆದರೆ ಇದೀಗ ಕನ್ನಡ ಮೂಲಕ ಸೌತ್ ಸಿನಿರಂಗಕ್ಕೆ ಕಾಲಿಟ್ಟಿದ್ದಾರೆ.