ಕೆಜಿಎಫ್ 2 ತಂಡದಿಂದ ಭರ್ಜರಿ ಅಪ್‌ಡೇಟ್: ಟ್ರೈಲರ್ ಬಿಡುಗಡೆ?

ಲಾಕ್‌ಡೌನ್ ಅಂತ್ಯವಾದ ನಂತರ ಕೆಜಿಎಫ್ 2 ತಂಡ ಬಹು ವೇಗವಾಗಿ ಕೆಲಸ ಮಾಡಿದ್ದು, ಪ್ರೇಕ್ಷಕರಿಗೆ ಸಿನಿಮಾ ತೋರಿಸುವ ಧಾವಂತದಲ್ಲಿದೆ. ಕೆಜಿಎಫ್ 2 ನ ಚಿತ್ರೀಕರಣ ಅಂತಿಮ ಹಂತದಲ್ಲಿದ್ದು ಕೆಲವೇ ದಿನಗಳಲ್ಲಿ ಕುಂಬಳಕಾಯಿ ಒಡೆಯಲಿದೆ ತಂಡ.

ಕೆಜಿಎಫ್ 2 ನಿರ್ದೇಶಕ ಪ್ರಶಾಂತ್ ನೀಲ್ ಇಂದು ಟ್ವೀಟ್ ಮಾಡಿದ್ದು, ಚಿತ್ರೀಕರಣ ಅಂತಿಮ ಹಂತಕ್ಕೆ ಬಂದಿದ್ದು, ಕೆಲವೇ ದಿನಗಳಲ್ಲಿ ಚಿತ್ರೀಕರಣ ಮುಕ್ತಾಯವೂ ಆಗಲಿದೆ ಎಂದಿದ್ದಾರೆ. ಜೊತೆಗೆ ಒಂದು ಪ್ರಮುಖ ವಿಷಯವನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.

ಡಿಸೆಂಬರ್ 21 ರಂದು ಕೆಜಿಎಫ್ 2 ಸಿನಿಮಾದ ಬಗ್ಗೆ ಮಹತ್ವದ ಅಪ್‌ಡೇಟ್ ಒಂದನ್ನು ಅಭಿಮಾನಿಗಳಿಗೆ ನೀಡಲಿದ್ದೇವೆ ಎಂದಿದ್ದಾರೆ ಪ್ರಶಾಂತ್ ನೀಲ್.

ಡಿಸೆಂಬರ್ 21 ರ ದಿನ ಕೆಜಿಎಫ್ ತಂಡಕ್ಕೆ ಅತ್ಯಂತ ಮಹತ್ವದ್ದು, ಕಳೆದ ಎರಡು ವರ್ಷಗಳ ಹಿಂದೆ ಇದೇ ದಿನದಂದು ಕೆಜಿಎಫ್ ಚಾಪ್ಟರ್ 1 ಸಿನಿಮಾ ಬಿಡಗುಡೆ ಆಗಿ ಇತಿಹಾಸ ಸೃಷ್ಟಿಸಿತ್ತು. ಈಗ ಇದೇ ದಿನ ಸಿನಿಮಾ ಕುರಿತಂತೆ ಪ್ರಮುಖ ಅಪ್‌ಡೇಟ್ ಒಂದು ಪ್ರೇಕ್ಷಕರಿಗೆ ನೀಡಲಿದೆ ಚಿತ್ರತಂಡ.

ಅಭಿಮಾನಿಗಳು ಈ ವರ್ಷ ಸಾಕಷ್ಟು ನಿರೀಕ್ಷೆಯಲ್ಲಿದ್ದಾರೆ, ಅವರಿಗಾಗಿ ಡಿಸೆಂಬರ್ 21 ರಂದು 10 ಗಂಟೆಗೆ ನಮ್ಮ ತಂಡದ ಎಲ್ಲಾ ಅಧಿಕೃತ ಸೋಷಿಯಲ್ ಮೀಡಿಯಾ ಹ್ಯಾಂಡಲ್ ಮೂಲಕ ಪ್ರಮುಖ ಅಪ್‌ಡೇಟ್ ಒಂದು ಅಭಿಮಾನಿಗಳಿಗೆ ಸಿಗಲಿದೆ ಎಂದಿದ್ದಾರೆ ಪ್ರಶಾಂತ್ ನೀಲ್.

Recommended Video

ಡಿಸೆಂಬರ್ 21 ರಂದು ಕೆಜಿಎಫ್ 2 ತಂಡದ ಟ್ರೇಲರ್ ಬಿಡುಗಡೆ ಮಾಡುವ ಸಾಧ್ಯತೆ ಹೆಚ್ಚಿದೆ ಎನ್ನಲಾಗುತ್ತಿದೆ.