ಚಿತ್ರಮಂದಿರಗಳ ಕುರಿತು ಸರ್ಕಾರಕ್ಕೆ ಬಿಬಿಎಂಪಿ ಪ್ರಸ್ತಾವನೆ: ನಟ, ನಿರ್ಮಾಪಕರಿಗೆ ಆತಂಕ

ಸೋಂಕು ಹೆಚ್ಚಾಗಲು ಟ್ರಾವೆಲ್ ಹಿಸ್ಟರಿ ಕಾರಣ: ಮಂಜುನಾಥ್ ಪ್ರಸಾದ್

ಪ್ರಕರಣ ಹೆಚ್ಚಲು ಸೋಂಕಿತರ ಟ್ರಾವೆಲ್ ಹಿಸ್ಟರಿ ಕಾರಣ. ಜಾತ್ರೆ, ದೇವಸ್ಥಾನ, ಚಿತ್ರಮಂದಿರ, ಜಿಮ್, ಪಾರ್ಟಿ ಹಾಲ್, ಮದುವೆಗಳಿಗೆ ಹೋಗಿ ಬಂದವರಲ್ಲಿ ಕೊರೊನಾ ಹೆಚ್ಚಾಗಿ ಕಂಡುಬರುತ್ತಿದೆ. ಇವುಗಳು ಕೊರೊನಾ ಹಾಟ್‌ಸ್ಪಾಟ್‌ಗಳಾಗಿವೆ ಎಂದು ಅವರು ಮಾಹಿತಿ ನೀಡಿದರು.

ಚಿತ್ರಮಂದಿರಗಳಲ್ಲಿ ಕೊರೊನಾ ಹರಡುವ ಸಾಧ್ಯತೆ ಹೆಚ್ಚು: ಪ್ರಸಾದ್

ಚಿತ್ರಮಂದಿರಗಳಲ್ಲಿ ಕೊರೊನಾ ಹರಡುವ ಸಾಧ್ಯತೆ ಅತಿ ಹೆಚ್ಚಿದೆ. ಹಾಗಾಗಿ ಚಿತ್ರಮಂದಿರಗಳಲ್ಲಿ 50% ಪ್ರೇಕ್ಷಕರಿಗಷ್ಟೆ ಸಿನಿಮಾ ವೀಕ್ಷಿಸಲು ಅವಕಾಶ ನೀಡಬೇಕು ಎಂದು ನಾವು ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಿದ್ದೇವೆ ಎಂದರು ಮಂಜುನಾಥ್ ಪ್ರಸಾದ್.

ಪಾರ್ಟಿ ಹಾಲ್, ಜಿಮ್‌ಗಳನ್ನು ಬಂದ್ ಮಾಡಬೇಕು: ಪ್ರಸಾದ್

ಚಿತ್ರಮಂದಿರ ಮಾತ್ರವೇ ಅಲ್ಲದೆ, ಅಪಾರ್ಟ್‌ಮೆಂಟ್ ಗಳಲ್ಲಿನ ಪಾರ್ಟಿ ಹಾಲ್, ಜಿಮ್‌ಗಳನ್ನು ಬಂದ್ ಮಾಡಬೇಕು. ಮಾಲ್‌ಗಳಲ್ಲಿ ಸಹ ಕಡಿಮೆ ಜನಕ್ಕೆ ಅವಕಾಶ ಕೊಡಬೇಕು ಎಂದು ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿದೆ ಎಂದರು.

ಚಿತ್ರಮಂದಿರ, ಮಾಲ್‌ಗಳಿಗೆ ಹೋಗಿ ದಂಡ ವಿಧಿಸುವಷ್ಟು ಮಾರ್ಷಲ್‌ಗಳಿಲ್ಲ

ನಮ್ಮಲ್ಲಿ ಮಾಲ್‌, ಚಿತ್ರಮಂದಿರಗಳು, ಮದುವೆ ಮನೆ, ಪಾರ್ಟಿ ಹಾಲ್‌ಗಳಿಗೆ ಹೋಗಿ ದಂಡ ವಿಧಿಸುವಷ್ಟು ಮಾರ್ಷಲ್‌ಗಳಿಲ್ಲ ಹಾಗಾಗಿ ಸರ್ಕಾರವೇ ಈ ಸ್ಥಳಗಳಿಗೆ ಜನರು ಕಡಿಮೆ ಬರುವಂತೆ ನಿಯಮ ಹೇರಿದರೆ ಸೂಕ್ತ ಎಂದು ಮಂಜುನಾಥ್ ಹೇಳಿದ್ದಾರೆ.

Recommended Video

ಮಾಲ್, ಚಿತ್ರ ಮಂದಿರ ಬಂದ್ | Gujarat lockdown | Filmibeat Kannada

ಆತಂಕದಲ್ಲಿ ನಿರ್ಮಾಪಕರು, ಸ್ಟಾರ್ ನಟರು

ಚಿತ್ರಮಂದಿರಗಳು ಮತ್ತೆ ಪೂರ್ಣ ತೆರೆದವೆಂಬ ಖುಷಿಯಲ್ಲಿ ಕನ್ನಡ ಸಿನಿಮಾರಂಗದ ಹಲವು ನಿರ್ಮಾಪಕರು, ಸ್ಟಾರ್‌ ನಟರು ತಮ್ಮ ಸಿನಿಮಾ ಬಿಡುಗಡೆ ದಿನಾಂಕಗಳನ್ನು ಘೋಷಿಸಿದ್ದಾರೆ. ಪುನೀತ್ ರಾಜ್‌ಕುಮಾರ್, ದುನಿಯಾ ವಿಜಯ್, ಶಿವರಾಜ್ ಕುಮಾರ್, ಸುದೀಪ್ ಇನ್ನೂ ಹಲವು ನಟರ ಸಿನಿಮಾಗಳು ಮುಂದಿನ ದಿನಗಳಲ್ಲಿ ಬಿಡುಗಡೆ ಆಗಬೇಕಿದೆ. ಆದರೆ ಬಿಬಿಎಂಪಿಯ ಈ ಪ್ರಸ್ತಾವನೆ ಚಿತ್ರರಂಗಕ್ಕೆ ಮತ್ತೆ ಆತಂಕ ತಂದಿದೆ.