ಕಾಮಿಡಿ ಕಿಲಾಡಿ ಚಿಕ್ಕಣ್ಣನ ಮಾತಿಗೆ ಬೆರಗಾದೀರಿ..ಜೋಕೆ.!

ಚಿಕ್ಕಣ್ಣ ಹೆಸರಲ್ಲಿ ಫೇಕ್ ಅಕೌಂಟ್

ಚಿಕ್ಕಣ್ಣ ಕನ್ನಡದ ಜನಪ್ರಿಯ ಹಾಸ್ಯನಟ. ಅವರ ಜನಪ್ರಿಯತೆಯನ್ನ ಎನ್ ಕ್ಯಾಶ್ ಮಾಡಿಕೊಳ್ಳುವುದಕ್ಕೆ ಕಿಡಿಗೇಡಿಗಳು ಅವರ ಹೆಸರಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಅನೇಕ ಫೇಕ್ ಅಕೌಂಟ್ ಗಳನ್ನ ಕ್ರಿಯೇಟ್ ಮಾಡಿದ್ದಾರೆ.

ಚಿಕ್ಕಣ್ಣಗೆ ಫೀಮೇಲ್ ಫ್ಯಾನ್ಸ್ ಜಾಸ್ತಿ

ಚಿಕ್ಕಣ್ಣ ಹೆಸರಿನಲ್ಲಿ ಕ್ರಿಯೇಟ್ ಆಗಿರುವ ಫೇಸ್ ಬುಕ್ ಫೇಕ್ ಅಕೌಂಟ್ ನಲ್ಲಿ ಫಾಲೋವರ್ಸ್ ಸಿಕ್ಕಾಪಟ್ಟೆ ಇದ್ದಾರೆ. ಅದ್ರಲ್ಲೂ ಹುಡುಗೀರ ಸಂಖ್ಯೆಯೇ ಹೆಚ್ಚು. ಇದನ್ನೇ ಅಡ್ವಾಂಟೇಜ್ ತೆಗೆದುಕೊಂಡ ಫೇಕ್ ಅಕೌಂಟ್ ರುವಾರಿ ಪ್ರಜ್ವಲ್ ಹುಡುಗಿಯೊಬ್ಬಳಿಗೆ ಸಿನಿಮಾದಲ್ಲಿ ಅವಕಾಶ ಕೊಡಿಸುವುದಾಗಿ ನಂಬಿಸಿದ್ದಾನೆ.

ಬೆತ್ತಲೆ ಫೋಟೋ ಕಳಿಸಬೇಕು.!

ಸಾಲದಕ್ಕೆ ಪ್ರಜ್ವಲ್ ಆ ಹುಡುಗಿಯನ್ನ ಮೀಟ್ ಮಾಡಿ ಫೋನ್ ಕಸಿದುಕೊಂಡಿದ್ದಾನೆ. ಹುಡುಗಿಯ ಬೆತ್ತಲೆ ಫೋಟೋ ಕಳುಹಿಸಿದರೆ ಮಾತ್ರ ಫೋನ್ ವಾಪಸ್ ನೀಡುವುದಾಗಿ ಬ್ಲಾಕ್ ಮೇಲ್ ಮಾಡಿದ್ದಾನೆ.

ಜೆ.ಪಿ.ನಗರ ಪೊಲೀಸ್ ಠಾಣೆಯಲ್ಲಿ ದೂರು

ಮನನೊಂದ ಯುವತಿ ಜೆ.ಪಿ.ನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಪ್ರಕರಣ ಭೇದಿಸಿದ ಪೊಲೀಸರು ಫೇಕ್ ಅಕೌಂಟ್ ರುವಾರಿ ಪ್ರಜ್ವಲ್ ನ ಬಂಧಿಸಿದ್ದಾರೆ. [ಚಿಕ್ಕಣ್ಣಗೆ 'ರನ್ನ' ಸುದೀಪ್ ದುಬಾರಿ ಉಡುಗೊರೆ!]

ಚಿಕ್ಕಣ್ಣ ಏನಂತಾರೆ?

ಪ್ರಕರಣದ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಚಿಕ್ಕಣ್ಣ, ''ಈ ಘಟನೆ ಕೇಳಿ ಶಾಕ್ ಆಯ್ತು. ನನ್ನ ಹೆಸರು ಹೇಳಿಕೊಂಡು ಹೆಣ್ಣು ಮಕ್ಕಳಿಗೆ ಮೋಸ ಮಾಡುವುದು ಅಪರಾಧ. ನಾನು ಮೊದಲು ಫೇಸ್ ಬುಕ್ ಬಳಸುತ್ತಿದ್ದೆ. ನನ್ನ ಹೆಸರಲ್ಲಿ ಫೇಕ್ ಅಕೌಂಟ್ ಗಳು ಕ್ರಿಯೇಟ್ ಆಗ್ತಿವೆ ಅಂತ ಗೊತ್ತಾದಾಗ ನಾನು ನನ್ನ ಅಕೌಂಟ್ ನ ಡೀಆಕ್ಟೀವೇಟ್ ಮಾಡಿದೆ. ನನ್ನ ಹೆಸರು ಹೇಳಿಕೊಂಡು ಯಾರೇ ಚಾಟ್ ಮಾಡಿದರೂ, ಪೊಲೀಸರಿಗೆ ದೂರು ನೀಡಿ'' ಅಂತ ಹೇಳಿದ್ದಾರೆ.

ಇದು ಮೊದಲೇನಲ್ಲ

ಸೆಲೆಬ್ರಿಟಿಗಳ ಹೆಸರಲ್ಲಿ ವಂಚನೆ ಪ್ರಕರಣ ದಾಖಲಾಗಿರುವುದು ಇದು ಮೊದಲೇನಲ್ಲ. ಈಗಾಗಲೇ ರಾಧಿಕಾ ಪಂಡಿತ್, ಗಣೇಶ್ ಹೆಸರಲ್ಲಿ ಕೆಲವರು ನಾಮ ಹಾಕುವುದಕ್ಕೆ ಹೋಗಿ ಪೊಲೀಸರ ಅತಿಥಿಯಾಗಿದ್ದಾರೆ. ಈಗ ಡ್ಯೂಪ್ಲಿಕೇಟ್ ಚಿಕ್ಕಣ್ಣನ ಸರದಿ ಅಷ್ಟೆ.