'ಜೇಮ್ಸ್' ಚಿತ್ರಕ್ಕೆ 'ಇವರೇ' ನಾಯಕಿ ಆಗ್ಬೇಕಂತೆ: ಅಪ್ಪು ಫ್ಯಾನ್ಸ್ ಬೇಡಿಕೆ

ಇಬ್ಬರು ತೆಲುಗು-ಮೂವರು ಕನ್ನಡ ನಟಿಯರು

ತೆಲುಗು ನಟಿ ಪೂಜಾ ಹೆಗ್ಡೆ, ನಿಧಿ ಅಗರ್ವಾಲ್, ರಶ್ಮಿಕಾ ಮಂದಣ್ಣ, ಶ್ರೀಲೀಲಾ ಮತ್ತು ನಭಾ ನಟೇಶ್ ಅವರ ಜೊತೆ ಜೇಮ್ಸ್ ಚಿತ್ರತಂಡ ಮಾತುಕತೆ ನಡೆಸುತ್ತಿದ್ದು, ಈ ಐವರಲ್ಲಿ ಒಬ್ಬರನ್ನು ನಾಯಕಿಯನ್ನಾಗಿಸಲು ಪ್ಲಾನ್ ಮಾಡಿದೆಯಂತೆ.

ಪೂಜಾ ಹೆಗ್ಡೆ ಉತ್ತಮ ಆಯ್ಕೆ

ಜೇಮ್ಸ್ ಚಿತ್ರದಲ್ಲಿ ಪುನೀತ್ ಅವರ ಜೊತೆ ತೆಲುಗು ನಟಿ ಪೂಜಾ ಹೆಗ್ಡೆ ಅವರನ್ನು ನೋಡಲು ಹೆಚ್ಚು ಜನರ ಇಷ್ಟಪಡುತ್ತಿದ್ದಾರೆ. ಸದ್ಯ ಟಾಲಿವುಡ್ನಲ್ಲಿ ಸ್ಟಾರ್ ನಟಿಯಾಗಿರುವ ಪೂಜಾ, ಪುನೀತ್ ಗೆ ತಕ್ಕ ಜೋಡಿ ಎಂಬ ಆಸೆ ವ್ಯಕ್ತಪಡಿಸುತ್ತಿದ್ದಾರೆ.

ಪೂಜಾಗೆ ಫೈಟ್ ನೀಡಿದ ಶ್ರೀಲೀಲಾ!

ಪೂಜಾ ಹೆಗ್ಡೆಗೆ ತಕ್ಕ ಪೈಪೋಟಿ ನೀಡಿರುವುದು ಕನ್ನಡ ನಟಿ ಶ್ರೀಲೀಲಾ. ಕನ್ನಡದಲ್ಲಿ ಕಿಸ್ ಮತ್ತು ಭರಾಟೆ ಚಿತ್ರಗಳಲ್ಲಿ ನಟಿಸಿರುವ ಶ್ರೀಲೀಲಾ, ಜೇಮ್ಸ್ ಗೆ ನಾಯಕಿಯಾಗಿ ಎಂಬ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ ಫ್ಯಾನ್ಸ್. ಹಾಗ್ನೋಡಿದ್ರೆ, ಪೂಜಾ ಹೆಗ್ಡೆ ಮತ್ತು ಶ್ರೀಲೀಲಾಗೆ ಸಮಾನ ಮತಗಳು ಸಿಕ್ಕಿದೆ.

ಉಳಿದವರ ಬಗ್ಗೆ ಹೆಚ್ಚು ಆಸಕ್ತಿ ಇಲ್ಲ

ಪೂಜಾ ಹೆಗ್ಡೆ ಮತ್ತು ಶ್ರೀಲೀಲಾ ಬಿಟ್ಟರೆ ರಶ್ಮಿಕಾ ಮಂದಣ್ಣ, ನಿಧಿ ಅಗರ್ವಾಲ್ ಹಾಗೂ ನಭಾ ನಟೇಶ್ ಅವರ ಕುರಿತು ಆಸಕ್ತಿ ಹೊಂದಿರುವ ಅಭಿಮಾನಿಗಳ ಸಂಖ್ಯೆ ಕಡಿಮೆ. ರಶ್ಮಿಕಾ ಈ ಹಿಂದೆ 'ಅಂಜನಿಪುತ್ರ' ಚಿತ್ರದಲ್ಲಿ ನಟಿಸಿದ್ದರು.

ನಿರ್ದೇಶಕರ ಆಯ್ಕೆ ಯಾರು?

ಫಿಲ್ಮಿಬೀಟ್ ಗೆ ಸಿಕ್ಕಿರುವ ಮಾಹಿತಿ ಪ್ರಕಾರ ಈ ಐದು ಜನ ನಟಿಯರ ಜೊತೆ ಚೇತನ್ ಮತ್ತು ತಂಡ ಮಾತುಕತೆ ಹಂತದಲ್ಲಿದೆ. ಈಗ ಅಭಿಮಾನಿಗಳು ತಮ್ಮ ಆಸೆಯನ್ನು ವ್ಯಕ್ತಪಡಿಸಿದ್ದಾರೆ. ಅಂತಿಮವಾಗಿ ಜೇಮ್ಸ್ ಚಿತ್ರಕ್ಕೆ ಯಾವ ನಟಿಯನ್ನು ಕರೆತರಲಿದ್ದಾರೆ ಎಂದು ಕಾದುನೋಡಬೇಕಿದೆ.