ಅಭಿಮಾನಿಗಳಿಂದ ಕಿಚ್ಚನಿಗಾಗಿ, ಕಿಚ್ಚನಿಗೋಸ್ಕರ ವೆಬ್ ಸೈಟ್ ಮತ್ತು ಆಪ್

ಅಂಗೈಯಲ್ಲಿ ಸಿಗಲಿದೆ ಮಾಹಿತಿ

ಅಭಿಮಾನಿಗಳು ಕಿಚ್ಚ ಸುದೀಪ್ ಗಾಗಿ ಒಂದು ವೆಬ್ ಸೈಟ್ ಅನ್ನ ಮಾಡಿದ್ದಾರೆ. ಇಲ್ಲಿ ಸುದೀಪ್ ಬಗೆಗಿನ ಎಲ್ಲಾ ರೀತಿಯ ಮಾಹಿತಿಗಳು ಸಿಗಲಿದೆ. ksfaofficial.com ಹೆಸರಿನಲ್ಲಿ ವೆಬ್ ಸೈಟ್ ಅನ್ನ ಬೆಳಗಾವಿಯ ಅಭಿಮಾನಿಗಳು ಮಾಡಿದ್ದಾರೆ.

ನಿರ್ಮಾಣ ಸಂಸ್ಥೆಯ ಬಗ್ಗೆ ಮಾಹಿತಿ

ಸುದೀಪ್ ಅಭಿನಯಿಸಿರುವ ಸಿನಿಮಾಗಳು ಹಾಗೂ ಅಭಿನಯಿಸಲಿರುವ ಚಿತ್ರಗಳ ಬಗ್ಗೆ ಸಂಪೂರ್ಣ ಮಾಹಿತಿ ಈ ವೆಬ್ ಸೈಟ್ ನಲ್ಲಿ ದೊರೆಯಲಿದೆ. ಅದರ ಜೊತೆಯಲ್ಲಿ ಕಿಚ್ಚ ಕ್ರಿಯೇಷನ್ಸ್ ನಲ್ಲಿ ನಿರ್ಮಾಣವಾಗಿರುವ ಸಿನಿಮಾಗಳ ಬಗ್ಗೆ ಡಿಟೇಲ್ಸ್ ಇಲ್ಲಿದೆ.

ಮೊದಲ ಆಪ್ ಹೊಂದಿರುವ ನಾಯಕ

ಕಿಚ್ಚ ಸುದೀಪ್ ಅಭಿಮಾನಿ ಬಳಗ ವೆಬ್ ಸೈಟ್ ಜೊತೆಯಲ್ಲಿ ksfa ಆಪ್ ಅನ್ನು ಲಾಂಚ್ ಮಾಡಿದ್ದಾರೆ. ಈ ಆಪ್ ನಿಮ್ಮ ಮೊಬೈಲ್ ನಲ್ಲಿ ಇನ್ ಸ್ಟಾಲ್ ಮಾಡಿಕೊಂಡರೆ ಸುದೀಪ್ ಅಭಿನಯದ ಮುಂದಿನ ಸಿನಿಮಾಗಳು, ಚಿತ್ರಗಳ ಬಗೆಗಿನ ಸುದ್ದಿ ಹಾಗೂ ನೀವು ಎಂದು ನೋಡಿರದ ಕಿಚ್ಚ ಫೋಟೋಗಳನ್ನ ನೋಡಬಹುದು.

ರಾಜ್ಯದ ಎಲ್ಲಾ ಅಭಿಮಾನಿಗಳ ಸಾಥ್

ರಾಜ್ಯದ ಹಲವು ಕಡೆಯಿಂದ ಕಿಚ್ಚನ ಅಭಿಮಾನಿಗಳು ಒಟ್ಟಿಗೆ ಸೇರಿ ಕೆ ಎಸ್ ಎಫ್ ಎ ಆಪ್ ಮತ್ತು ವೆಬ್ ಸೈಟ್ ಮಾಡಿದ್ದಾರೆ. ಯಾವುದೇ ಎಕ್ಸ್‌ಪರ್ಟ್ ಗಳ ಸಹಾಯವಿಲ್ಲದೇ ತಾವೇ ಕಲಿತುಕೊಂಡು ತಮಗಿಷ್ಟವಾದ ರೀತಿಯಲ್ಲಿ ವೆಬ್ ಸೈಟ್ ಮತ್ತು ಆಪ್ ಡಿಸೈನ್ ಮಾಡಿದ್ದಾರೆ.

ಸುದೀಪ್ ರಿಂದ ಲಾಂಚ್

ವೆಬ್ ಸೈಟ್ ಮತ್ತು ಆಪ್ ಮಾಡಿದ್ದಾರೆ ಅನ್ನೋ ವಿಚಾರ ತಿಳಿದ ಕಿಚ್ಚ ಸುದೀಪ್ ತಾವೇ ಆಪ್ ಮತ್ತು ವೆಬ್ ಸೈಟ್ ಅನ್ನ ಲಾಂಚ್ ಮಾಡಿದ್ದಾರೆ. ಇದರಿಂದ ಸ್ವಂತ ಆಪ್ ಹೊಂದಿರೋ ಕನ್ನಡದ ಏಕೈಕ ನಟ ಕಿಚ್ಚ ಸುದೀಪ್ ಅನ್ನೋ ಹೆಗ್ಗಳಿಕೆಗೆ ಸುದೀಪ್ ಪಾತ್ರರಾಗಿದ್ದಾರೆ.