ಶಾಹೀದ್ ಕಪೂರ್ ಫ್ಯಾನ್ಸ್ ವಿರುದ್ಧ ದೇವರಕೊಂಡ ಫ್ಯಾನ್ಸ್ ಕೆಂಡಾಮಂಡಲ

ರೌಡಿ ಫ್ಯಾನ್ಸ್ ಕೋಪಕ್ಕೆ ಗುರಿಯಾದ ಶಾಹೀದ್ ಹುಡುಗ್ರು

ಅರ್ಜುನ್ ರೆಡ್ಡಿ ಸಿನಿಮಾ ಹಿಂದಿಯಲ್ಲಿ ರೀಮೇಕ್ ಆಗ್ತಿದೆ ಎಂದು ಸುದ್ದಿ ಕೇಳಿ ವಿಜಯ್ ದೇವರಕೊಂಡ ಅಭಿಮಾನಿಗಳು ಸಂತಸಗೊಂಡಿದ್ದರು. ಆದ್ರೀಗ, ಶಾಹೀದ್ ಕಪೂರ್ ಅಭಿಮಾನಿಗಳು ''ವಿಜಯ್ ದೇವರಕೊಂಡಗೆ ನಮ್ಮ ಹೀರೋ ಅಷ್ಟು ಪ್ರತಿಭೆ ಇಲ್ಲ. ಮೂಲ ಸಿನಿಮಾಗಿಂತ ಕಬೀರ್ ಸಿಂಗ್ ಚೆನ್ನಾಗಿ ಬಂದಿದೆ' ಎಂದು ಕಾಮೆಂಟ್ ಮಾಡುವ ಮೂಲಕ ರೌಡಿ ಫ್ಯಾನ್ಸ್ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಒಳ್ಳೆ ಸಿನಿಮಾನಾ ಹಾಳು ಮಾಡಿದ್ದಾರೆ

ಇನ್ನು ವಿಜಯ್ ದೇವರಕೊಂಡ ಅಭಿಮಾನಿಗಳು ಕಬೀರ್ ಸಿಂಗ್ ಟೀಸರ್ ಬಗ್ಗೆ ಕಾಮೆಂಟ್ ಮಾಡಿದ್ದು, 'ಅರ್ಜುನ್ ರೆಡ್ಡಿ ಚಿತ್ರವನ್ನ ಹಿಂದಿಯಲ್ಲಿ ರೀಮೇಕ್ ಮಾಡಿ, ಒಂದೊಳ್ಳೆ ಚಿತ್ರವನ್ನ ಹಾಳು ಮಾಡಿದ್ದಾರೆ. ಕಬೀರ್ ಸಿಂಗ್ ಟೀಸರ್ ನೋಡಿದೆ. ನನಗೆ ಸ್ವಲ್ಪವೂ ಇಷ್ಟವಾಗಿಲ್ಲ'' ಎಂದು ತಿರುಗೇಟು ನೀಡಿದ್ದಾರೆ.

ವಿಜಯ್ ಲೆಜೆಂಡ್, ಶಾಹೀದ್....?

'ಒರಿಜಿನಲ್ ಸಿನಿಮಾ ಯಾವತ್ತಿದ್ದರೂ ಒರಿಜಿನಲ್ ಸಿನಿಮಾನೇ. ಅದು ಇದ್ದಂತೆ ಮಾಡಲು ಸಾಧ್ಯವಿಲ್ಲ. ಕಬೀರ್ ಸಿಂಗ್ ಸಿನಿಮಾ ಯಾವತ್ತು ಅರ್ಜುನ್ ರೆಡ್ಡಿ ಸ್ಥಾನಕ್ಕೆ ಬರಲು ಆಗಲ್ಲ. ವಿಜಯ್ ದೇವರಕೊಂಡ ಒಬ್ಬ ಲೆಜೆಂಡ್, ಶಾಹೀದ್.....? ಎಂದು ಕಾಲೆಳೆದಿದ್ದಾರೆ.

ರೊಚ್ಚಿಗೆದ್ದ ಶಾಹೀದ್ ಅಭಿಮಾನಿಗಳು

ವಿಜಯ್ ದೇವರಕೊಂಡ ಅಭಿಮಾನಿಗಳು ಶಾಹೀದ್ ಚಿತ್ರದ ಬಗ್ಗೆ ಕೀಳಾಗಿ ಮಾತನಾಡುವುದಕ್ಕೆ ಆರಂಭಿಸುತ್ತಿದ್ದಂತೆ, ಆ ಕಡೆಯಿಂದ ಶಾಹೀದ್ ಕಪೂರ್ ಫ್ಯಾನ್ಸ್ ಕೂಡ ಪ್ರತಿದಾಳಿ ಮಾಡಿದ್ದಾರೆ. ಅರ್ಜುನ್ ರೆಡ್ಡಿ ಚಿತ್ರಕ್ಕಿಂತ ಕಬೀರ್ ಸಿಂಗ್ ತುಂಬಾ ಚೆನ್ನಾಗಿದೆ ಎಂದು ಹೊಗಳುವ ಮೂಲಕ ತಿರುಗೇಟು ನೀಡಿದ್ದಾರೆ.

ನಿಮ್ಮ ಹೀರೋಗೆ ನಮ್ಮ ಹೀರೋ ಆಗೋಕೆ ಆಗಲ್ಲ

ಒರಿಜಿನಲ್ ಸಿನಿಮಾ ಯಾವತ್ತಿದ್ದರೂ ಒರಿಜಿನಲ್ ಸಿನಿಮಾ ಆಗಿಯೇ ಉಳಿಯುತ್ತೆ. ಆದ್ರೆ, ಶಾಹೀದ್ ಕಪೂರ್ ತನ್ನ ಪ್ರತಿಭೆಯನ್ನೆಲ್ಲಾ ಬಳಸಿಕೊಂಡು ಅದ್ಭುತವಾಗಿ ಮಾಡಿದ್ದಾರೆ. ಶಾಹೀದ್ ಕಪೂರ್ ಅಭಿನಯದ ಕಮಿನೆ, ಹೈದರ್, ಉಡ್ತಾ ಪಂಜಾಬ್ ಅಂತಹ ಸಿನಿಮಾ ರೀಮೇಕ್ ಮಾಡಿದ್ರೆ ಆ ಪಾತ್ರಗಳಿಗೆ ನ್ಯಾಯ ಒದಗಿಸಲು ಸಾಧ್ಯವಿಲ್ಲ. ಇಲ್ಲಿಗೆ ಈ ವಾದವನ್ನ ಬಿಟ್ಟುಬಿಡಿ'' ಎಂದು ಟಾಂಗ್ ನೀಡಿದ್ದಾರೆ.