'ಫ್ಯಾಂಟಮ್' ಪ್ರಿಯರಿಗೆ ಭರ್ಜರಿ ಸರ್ಪ್ರೈಸ್ ನೀಡಿದ ಅನೂಪ್ ಭಂಡಾರಿ

ಸಿಂಹಾಸನದಲ್ಲಿ 'ವಿಕ್ರಾಂತ್ ರೋಣ'

ಅನೂಪ್ ಭಂಡಾರಿ ಫ್ಯಾಂಟಮ್ ಚಿತ್ರದಲ್ಲಿ ಸುದೀಪ್ ಅವರ ಪಾತ್ರ ಹೇಗಿರಲಿದೆ ಎನ್ನುವುದಕ್ಕೆ ಒಂದು ವಿಡಿಯೋ ಮಾಡಿ, ಪೋಸ್ಟರ್ ಬಿಡುಗಡೆ ಮಾಡಿದ್ದಾರೆ. ಈ ಪೋಸ್ಟರ್ ನಲ್ಲಿ ಕಿಚ್ಚ ಸುದೀಪ್ ವಿಭಿನ್ನವಾದ ಸಿಂಹಾಸನದ ಮೇಲೆ ಸ್ಟೈಲ್ ಆಗಿ ಕುಳಿತುಕೊಂಡಿದ್ದು, ಕೈಯಲ್ಲಿ ಗನ್ ಎಕ್ಸ್ಟ್ರಾ ಪವರ್ ನೀಡಿದೆ. ಕಿಚ್ಚನ ಖಡಕ್ ಲುಕ್ ಅಭಿಮಾನಿಗಳ ಥ್ರಿಲ್ ಹೆಚ್ಚಿಸಿದೆ.

ಯಾರಿಗೂ ಅರ್ಥವಾಗದ 'ರೋಣ'

''ಫ್ಯಾಂಟಮ್ ಚಿತ್ರದ ಮುಖ್ಯ ಪಾತ್ರಧಾರಿ ವಿಕ್ರಾಂತ್ ರೋಣ. ಈ ಹೆಸರಿನಲ್ಲಿ ಎಷ್ಟು ಪವರ್ ಇದೆಯೋ ಆ ಪಾತ್ರವೂ ಅಷ್ಟೇ ಪವರ್ ಫುಲ್ ಆಗಿದೆ. ವಿಕ್ರಾಂತ್ ರೋಣ ಏನು ಮಾಡ್ತಾನೆ, ಹೇಗೆ ಮಾಡ್ತಾನೆ, ಯಾಕೆ ಮಾಡ್ತಾನೆ ಇದು ಯಾರಿಗೂ ಅರ್ಥವಾಗಲ್ಲ. ಆದರೆ, ಅವನು ಏನೇ ಮಾಡಿದ್ರೂ ಅದಕ್ಕೆ ಕಾರಣ ಇರುತ್ತೆ'' ಎಂದು ಹೀರೋ ಪಾತ್ರದ ಬಗ್ಗೆ ಅನೂಪ್ ಭಂಡಾರಿ ವಿವರಣೆ ನೀಡಿದ್ದಾರೆ.

ಫ್ಯಾಂಟಮ್ ಪಾತ್ರಗಳು ಬರಲಿದೆ

ಮೊದಲನೇಯದಾಗಿ ಚಿತ್ರದ ನಾಯಕ ವಿಕ್ರಾಂತ್ ರೋಣ ಅವರ ಪಾತ್ರದ ಲುಕ್ ಬಿಡುಗಡೆಯಾಗಿದೆ. ಸುದೀಪ್ ಅವರಂತೆ ಉಳಿದ ಪ್ರಮುಖ ಪಾತ್ರಗಳು ಸಹ ಒಂದೊಂದೆ ಅನಾವರಣವಾಗಲಿದೆ ಎಂದು ನಿರ್ದೇಶಕ ಅನೂಪ್ ಭಂಡಾರಿ ಈಗಾಗಲೇ ಮಾಹಿತಿ ನೀಡಿದ್ದಾರೆ.

ಹೈದರಾಬಾದ್‌ನಲ್ಲಿ ಕಿಚ್ಚ ಅಂಡ್ ಟೀಂ

ಲಾಕ್‌ಡೌನ್‌ ಕಾರಣದಿಂದ ಸುದೀರ್ಘವಾಗಿ ಎಲ್ಲ ಇಂಡಸ್ಟ್ರಿಗಳು ಶೂಟಿಂಗ್ ನಿಲ್ಲಿಸಿದ್ದವು. ಇದೀಗ, ಇಂಡೋರ್ ಚಿತ್ರೀಕರಣಕ್ಕೆ ಅನುಮತಿ ಸಿಕ್ಕಿದ್ದು, ಒಂದೊಂದು ಸಿನಿಮಾಗಳು ಆಕ್ಷನ್ ಗೆ ಮರಳಿದೆ. ಸುದೀಪ್ ಅಭಿನಯದ ಫ್ಯಾಂಟಮ್ ಸಿನಿಮಾ ತಂಡ ಹೈದರಾಬಾದ್‌ನಲ್ಲಿ ಭರ್ಜರಿ ಸೆಟ್‌ ನಿರ್ಮಿಸಿದ್ದು, ಈಗಾಗಲೇ ಚಿತ್ರೀಕರಣ ಸಹ ಮಾಡ್ತಿದೆ.