ಗಣೇಶ್ ಕಾಸರಗೋಡು ಮತ್ತೊಂದು ವಿಭಿನ್ನ ಕೃತಿ

ಭಾರತೀಯ ಚಿತ್ರರಂಗ ಶತಮಾನೋತ್ಸವ ಆಚರಿಸಿಕೊಳ್ಳುತ್ತಿರುವ ಸಂದರ್ಭದಲ್ಲಿ ಅವರು 100 ಚಿತ್ರಗಳ ನೆನಪಿನ ಲಹರಿ ಹರಿಸಿರುವುದು ವಿಶೇಷ. ಈಗಾಗಲೆ ಅವರು ಸಿನಿಮಾ ಬಗ್ಗೆ ಬರೆದ ಸಾಕಷ್ಟು ಕೃತಿಗಳು ಬಿಸಿಬಿಸಿ ದೋಸೆಯಂತೆ ಬಿಕರಿಯಾಗಿವೆ.

ಈಗ ಹೊರತಂದಿರುವ 'ನೂರು ಚಿತ್ರಗಳು ನೂರಾರು ನೆನಪುಗಳು' ಕೃತಿಯಲ್ಲಿ ಅವರದೇ ಆಯ್ಕೆಯ ನೂರು ಚಿತ್ರಗಳ ಬಗ್ಗೆ ಮಾಹಿತಿ ಇದೆ. ಜೊತೆಗೆ ಆಸಕ್ತಿದಾಯಕ ಸಂಗತಿಗಳು, ಆ ಚಿತ್ರದ ಬಗ್ಗೆ ಇದುವರೆಗೂ ಜನಸಾಮಾನ್ಯರಿಗೆ ಗೊತ್ತಿಲ್ಲದ, ಕೆಲವೇ ಕೆಲವರಿಗಷ್ಟೇ ಗೊತ್ತಿರುವ ಸಂಗತಿಗಳು ಇವೆ.

ಸಾಮಾನ್ಯವಾಗಿ ಒಂದು ಚಿತ್ರ ಎಂದರೇನೇ ನೂರಾರು ನೆನಪುಗಳಿರುತ್ತವೆ. ಅಂತಹದ್ದರಲ್ಲಿ ನೂರು ಚಿತ್ರಗಳ ನೆನಪುಗಳು ಎಂದರೆ ಹೇಗಿರಬೇಡ. ಈ ಹಿಂದೆ ಗಣೇಶ್ ಅವರು ಹೊರತಂದ 'ಆಫ್ ದಿ ರೆಕಾರ್ಡ್' , 'ನೆನಪಿನಂಗಳದಲ್ಲಿ ಶಂಕರನಾಗ್' ಎಂಬ ಕೃತಿಗಳು ಕನ್ನಡ ಚಿತ್ರಪ್ರೇಮಿಗಳನ್ನು ಬಹಳವಾಗಿ ಕಾಡಿವೆ.

ಈ ಹಿಂದೆ ನಿಮ್ಮ ನೆಚ್ಚಿನ ಆನ್ ಲೈನ್ ಪತ್ರಿಕೆ ಒನ್ಇಂಡಿಯಾ ಕನ್ನಡದಲ್ಲೂ ಗಣೇಶ್ ಕಾಸರಗೋಡು ಅವರ ಹಲವಾರು ಲೇಖನಗಳು ಪ್ರಕಟವಾಗಿದ್ದವು. ಕೆಲವು ಕೊಂಡಿಗಳು ಇಲ್ಲಿವೆ ಓದಿ ಆನಂದಿಸಿ. ಗಣೇಶ್ ಅವರ ಪ್ರಖರ ದೃಷ್ಟಿಕೋನಕ್ಕೆ ಕನ್ನಡಿ ಹಿಡಿಯುತ್ತವೆ ಈ ಲೇಖನಗಳು. (ಒನ್ಇಂಡಿಯಾ ಕನ್ನಡ)